Joe Satriani
| Joe Satriani | |
|---|---|
 Joe Satriani live 'ntel febraro 2005 |
|
| Informasion xenerałi | |
| Nòme vero | Joseph Satriani |
| Nasùo/a | 15 lujo 1956, Stati Unìi |
| In atività dal | 1986 |
| Xenere muxicałe | Fusion, Rock Strumentałe, Hard Rock, Heavy Metal |
| Eticheta discografega | |
| Strumento | chitara |
| Discografia | |
| Àlbun publicai | 22 (da sołista) |
| Studio | 14 + 2 EP |
| Live | 4 |
| Racolte | 2 |
| Sito web | |
Joseph "Joe" Satriani (Westbury, 15 łujo 1956 xe un chitarista statunitense
Indice
Biografia[canbia | canbia sorxente]
Satriani gà raìxe itałiane (i noni infati gera de Piacensa e de Bobbio, quełi de ła parte de so mare de Bari) infati nel so primo live itałian a Trezzo sull'Adda gà exordìo in itałian disendo "Buona sera a tutti mi chiamo Giuseppe Satriani" confermando łe so raìxe. Dopo aver scoltà Jimi Hendrix, co'l gà 14 ani el taca a sonàr el strumento che ghe darà çełebrità, ła chitara. 'Ntel 1978 el taca dar lesion de chitara par mantegnerse. Fra i so studenti ghe xe anca chitaristi deventai indrìoman famoxi profesionisti 'fà Steve Vai, Kirk Hammett dei Metallica, David Bryson dei Counting Crows, Larry LaLonde dei Primus e Alex Skolnick dei Testament.
El so primo vero albun (Not of this Earth) vien publicà soło 'ntel 1986, soratuto in più in un primo momento in cui el se fiansiava da so posta. Finalmente, grasie al so ex puto Steve Vai, el trovarà un acòrdo pa'ła publicasion co' ła Relativity Records. El suceso riva co'l segondo albun prodoto da ła stesa caxa discografega e 'l cui titoło xe Surfing With The Alien, ełeto in seguito a mejo albun chitaristego de l'ano, pa'l quałe l'artista riseve el disco de platino.
'Ntel 1988 Satriani vien ciamà da Mick Jagger par stosituìr Jeff Beck come chitarista pa'l so primo tour sensa i Rolling Stones. Dopo el tour, esperiensa un mucio inportante, come che dichiararà pròpio Joe, reałixa nel steso ano el so terso albun Dreaming #11 (co' brani in studio e brani live) e par el cui laoro el riseve el disco d'oro e l'ano drìo el produxe un altro albun Flying in a Blue Dream, indove se pol anca scoltàr la so voxe (in alcune tràse), seguìo 'ntel 1992 da queło che ancora ancùo xe 'l so albun più apresà dała critica: The Extremist.
'Ntel 1993 el publica Time Machine (disco live più disco in studio). Tra el disenbre del '93 e i primi sìe mexi del 1994 el xe co'i Deep Purple par ciapàr el posto de Ritchie Blackmore che gaveva mołà ła band durante el pien de un tour. 'Ntel 1995 el pubblica Joe Satriani, albun dal son maxormente blues e che se destaca dai so precedenti laori. 'Ntel marso del 1998 Joe Satriani registra el so otavo albun Crystal Planet. 'Ntel 2000 ese l'albun Engines of Creation co' ciàre influense de muxica ełetronica. Come dirà el steso Satriani, "non si può non considerare la musica dei Prodigy" (no se pol consideràr la muxica dei Prodigy).
Dal 1996 Satriani gà invià el progeto G3, un tour in cui co' Satriani se exibise Steve Vai e Eric Johnson. Sucesivamente co' Satriani nel progeto G3 se gà alternà altri virtuóxi de ła chitara cofà Yngwie Malmsteen, John Petrucci, Robert Fripp, Paul Gilbert, Steve Morse. El concerto prevede, in xeneràl, 'na prima parte in cui ogni chitarista propone tòchi pròpi, seguìa da 'na jam in cui i tre se sfoga łibaramente a ła pròpia verve inprovixando so tòchi un mucio famoxi cofà Voodoo Child o Smoke On The Water. Durante ła so carièra Satriani gà anca cołaborà co' un mondo de altri artisti infra i quałi Blue Oyster Cult, Alice Cooper, Stuart Hamn, Pat Martino, Spinal Tap e Ian Gillian.
'Ntel 2009 co' Chad Smith dei Red Hot Chili Peppers, Sammy Hagar e Michael Antony dei Van Halen fonda el grupo Chickenfoot. Sto supergrupo gà publicà el so albun de debuto in Eoropa el 5 xugno 2009par l'eticheta earMusic (grupo Edel). Ne l'istà del 2010 el intra in studio par registràre el so trediceximo albun, che vegnarà publicà ad otobre del steso ano.
Vita privàda[canbia | canbia sorxente]
Satriani se definise catołico (anca se rare vòlte el parla de ła so féde). Spoxà da oltre vint'ani, mai divorsià, gà espreso nei so dischi ła so sensibiłità par i vałori de ła famegia, par exenpio co' Home, Always with me, always with you, Rubina, You saved my life e co' i vari riferimenti a so muger, Rubina.
Equipagiamento[canbia | canbia sorxente]
Chitare e pickups[canbia | canbia sorxente]
Co'l sona dal vivo, Satriani uxa chitare Ibanez più o manco dal 1987. 'Ntel 1990 Ibanez reałixa el modèło signature JS Joe Satriani model, che sarìa 'na 540Radius modificà co' ła cołaborasion del muxicista. El modèło JS existe in alcune varianse: JS1, JS6000, JS900, JS1000, JS2000, JS1200, JS2400 e altre (pì che altro rarése o reałixàe in Corea), e segondo el modèło monta vari pickups DiMarzio (PAF Pro, FRED, PAF Joe, Mo Joe). Oltra ai modèłi de serie, Joe fa speso siało de modèłi custom co' grafeghe particołari, ma dałe caratteristeghe invariàe rispeto ai modèłi de produsion (ad exenpio 'na Ibanez bianca co' el logo dei Chickenfoot so'l body). In studio, oltra ałe Ibanez, Joe uxa un gran nùmaro de chitare che apartien ała so granda cołesion vintage, soratuto Fender e Gibson d'anàda.
Anplficatori[canbia | canbia sorxente]
Satriani uxava anplificatori e cabinet Marshall, masime ła serie Anniversay 6100 tre canałi, vanti ch'el pasase a Peavey. Par un periodo el gà utiłixà anplificatori Peavey JSX, prodòti soto so indicasion, e case Peavey JSX 4x12, ma dal tour co' i Chcikenfoot (2009) el xe tornà ad uxàr Marshall. Nel so ultemo tour, The Wormhole Wizard Tour, el uxa anplificatori Marshall JVM 410 modifegà soto so indicasion dai inxegneri Marshall.
Rack ed efèti[canbia | canbia sorxente]
Nel so setup xe prexenti do delay Vox Joe Satriani Time Machine (Satriani Signature), setà in maniera tałe da aver do tipołogie de eco: uno più curto par le ritmiche ed uno più łongo par i asołi. Ne ła so pedałiera ghe xe : un wah-wah modèło Vox Big Bad Wah (Satriani Signature), un POG Poliphonic Octave Generator, do distorsori Vox Joe Satriani Satchurator (sviłupài da ła Vox soto ła personałe supervixion de l'artista), un Fulltone Ultimate Octave, un Boss CH-1 Super Chorus, un distorsore Boss DS-1, un DigiTech Whammy IV, un compressor/sustainer Boss CS-3.
Patàche e tracòłe[canbia | canbia sorxente]
El sona co' patàche Planet Waves JS 0.83 e tracòłe Planet Waves dexegnàe da łù.
Discografia[canbia | canbia sorxente]
Sołista[canbia | canbia sorxente]
Full-length[canbia | canbia sorxente]
- 1986 – Not of This Earth
- 1987 – Surfing with the Alien
- 1989 – Flying in a Blue Dream
- 1992 – The Extremist
- 1993 – Time Machine
- 1995 – Joe Satriani
- 1998 – Crystal Planet
- 2000 – Engines of Creation
- 2002 – Strange Beautiful Music
- 2004 – Is There Love in Space?
- 2006 – Super Colossal
- 2008 – Professor Satchafunkilus and the Musterion of Rock
- 2010 – Black Swans and Wormhole Wizards
EP[canbia | canbia sorxente]
Live[canbia | canbia sorxente]
- 2001 – Live in San Francisco
- 2006 – Satriani Live!
- 2010 – Live in Paris: I Just Wanna Rock
- 2012 – Satchurated: Live in Montreal
Racolte[canbia | canbia sorxente]
Co' G3[canbia | canbia sorxente]
- 1996 – G3: Live in Concert[1] – Joe Satriani, Steve Vai, Eric Johnson
- 2003 – G3: Rockin' in the Free World[2] – Joe Satriani, Steve Vai, Yngwie Malmsteen
- 2005 – G3: Live in Tokyo – Joe Satriani, Steve Vai, John Petrucci
Co' i Chickenfoot[canbia | canbia sorxente]
Co' altri artisti[canbia | canbia sorxente]
- 1989 – Stuart Hamm – Radio Free Albemuth
- 2006 – Ian Gillan – Gillan's Inn
- 2007 – John 5 – The Devil Knows My Name
- 2010 – Tarja Turunen – Falling Awake (Single)
Filmografia[canbia | canbia sorxente]
Curiosità[canbia | canbia sorxente]
- La canson Satch Boogie se cata 'ntel videoxogo Guitar Hero World Tour.
- La canson Summer Song se cata 'ntel videoxogo Gran Turismo 4.
- La canson Back to Shalla-Bal se cata 'ntel videoxogo Formula One 95.
- La canson Speed of Light, prexente 'ntel' albun Time Machine, fa parte de ła cołona sonora del film Super Mario Bros..
Bibliografia[canbia | canbia sorxente]
- Gianluca Verrengia, Massimo Mingardi, Joe Satriani. Il sogno della chitarra totale, 2002, Editori Riuniti, ISBN 978-88-359-5215-2
Note[canbia | canbia sorxente]
- ↑ Nell'edizione su DVD del 2005, il brano Camel's Night Out di Eric Johnson è stato sostituito con S.R.V., dedicato alla memoria dello scomparso Stevie Ray Vaughan.
- ↑ Dallo stesso tour è stato realizzato il DVD G3: Live in Denver con una diversa lista tracce.
Cołegamenti esterni[canbia | canbia sorxente]
- (EN) Satriani.com, sito web uficiałe
- (EN) Date del G3 tour
- Foto del concerto de Joe Satriani a Trezzo Sull'Adda (11 xugno 2008)
Altri progeti[canbia | canbia sorxente]
Su Commons ghe xe dei file multimediałi su Joe Satriani
