Dołomiti

Da Wikipedia, l'ençiclopedia libara.
Va a: navigasion, serca
Voxe da controłare
Sta voxe o sesion de giografia ła xè ritegnua da controłare.
Modivo: el status de tuteła podaria no eser axornà

Partesipa a ła discusion e/o corexi ła pajina.
Dołomiti
SOIUSA-Alpi Orientali-sezione31.png
Łe Dołomiti (sezion n. 31) inte łe Alpi Orientałi
Continente Eoropa
Paexi bandiera Itałia
Caena montuoxa prinsipałe Alpi
Sima pì alta Marmołada (3.343 m s.l.m)
Masisi prinsipałi Dołomite de Sesto de Braies e de Anpeso
Dołomite de Zoldo
Dołomite de Gardena e de Fasa
Dolomiti de Feltre e de łe Pale de San Martin
Dołomite de Fieme.
Panoràmega da ła cresta oest de ła Marmołada. All'orizonte, a destra e sinistra de Punta Penia, łe Pałe de San Martin, el Latemar, el Catenaso, el Sasołongo, el Seła e łe Dołomiti Anpesane

Łe Dołomiti (dite anca Monti tristi) e xe on grupo montagnoxo de łe Alpi Orientałi, par convension dełimità a nord da ła Riensa e da ła Val Pustarìa, a òest dal'Ixarco e l'Àdexe co ła vałe omónema, a sud da ła Brenta dal quałe se tira fora ła Cadena del Lagorai al confin co ła Val de Fièm e a est da ła Piave e dal Cador.

L'existensa de łe Dołomiti d'Oltrepiave, catà a est del fiume Piave, 'nte łe province de Bełun, Ùdine e Pordenon (e anca en parta del'Austria, en basa Carinsia), de łe Dołomiti de Brenta, catà 'ntel Trentin osidentałe, de łe Dołomiti Picenine, enfrà Trentin e Vèneto, maca ła natura tanto convensionałe de sta dełimitasion teritoriałe qua.

L'area dolomitica ła se stende en Itałia intra łe province de Belun - in do che ghe xe a parte pi rilevante - Bolzan, Trento, Udine e Pordenon.

Le zima pi alte łe xe ła Marmołada (3343 m.), sevia da el Antełao (3264 m.) e łe Tofane (3245 m.).

Etimołogia[canbia | canbia sorxente]

Le Dolomiti łe tiol el so nome dal naturaista francese Dieudonné Dolomieu (1750-1801), che par primo el ga studià el particołare tipo de rocia predominante 'nte ła regione (carbonà dopio de calcio e magnesio).

Giołogia[canbia | canbia sorxente]

A genesi de sto tipo de roccia carbonatica ła scuminsia 'traverso l'acumuło de conchije, corai e alghe calcaree in anbiente de mar tropicae (simile a l'atuae bariera coralina de e Bahamas, e de l'Australia oriental). In particołare, sti acumuli łi ga vu łogo int'el Triasego, sirca 250 mijoni de ani fa (par far un confronto, el genere Homo el xe vegnù fora sol che 3 mijoni de ani fa), in xone co łatitudine e łongitudine diverse asè da ła atual łocazion de łe Dołomiti, dove esistea mari caldi e poco fondi. Sul fondo dei mari se ga 'cumułà zentinari de metri de sedimento, che se ga trasformà soto el so stesso peso perdendo łi fluidi interni e deventando rocia. Sucesivamente, el scontro intra ła placa eoropea e ła placa africana (orogenexi alpina) el ga fato vegner su ste rocce alsandołe piessè de 3000 m desora del łivel del mar.

El paesagio de deso, spigołoso e pien de dislivełi, el ghe par a l’ocio del turista come un crogiolo disordinà de roce che no gh'entra gnente con le bariere corałine. A determinar sta trasformasion łi xe stai: łi piegamenti e łe roture de łe rocce łongo piani de scorimento (faglie), ai cui movimenti corisponde altretanti teremoti; episodiche esplosioni volcaneghe e rełativi depositi; erosioni diferensiałi łigae a łi agenti atmosfererghi e a łi piani de debołeza ìnsiti inte łe roce.

L'inalsamento de łe roce dołomiteghe el va vanti 'ncora deso. Uncuó łe Dołomiti łe mostran el biancor de łi carbonati de scojiera corałina, l'acutesa de łe roce coinvolte inte łe orogenexi resenti, łe incixion de potenti agenti exogeni (giazari, vento, piova, cicli de alternansa termega fredo-caldo).

Int'el futuro giołogico łe Dołomiti łe ndarà vanti a crésar inglobando novi setori de roce spente da el scontro intra łe plache eoropea e africana (come par ła cadena Himałaiana); ła sconparsa de sta spenta ła determinarà el prevałer de łi agenti exogeni tendenti a sguałivar e adolsir el paesagio montan (cofà inte łi Urali).

Vegetaxion[canbia | canbia sorxente]

Fin a 1800 m. (versanti nord) o 2200 m. (versanti al sol) ła vegetazion ła xe fata prinsipalmente da boschi de conifere (abete rosso, abete bianco e pin silvestre), inte łe alte quote da boschi de firm e mughe. Ghe xe anca diversi pascołi in alta cuota, cofà par exenpio ła Alpe de Siuxi o łi Altipiani Anpezani.

Tuteła[canbia | canbia sorxente]

Almanco sie parchi naturałi łi protege sta natura particołar e vari comitati ad hoc łi xe inpegnai a propor łe Dołomiti come Patrimonio de l'Umanità.

Turixmo[canbia | canbia sorxente]

Alcune fra łe łocałità de viłegiatura pi' conoseste prexenti inte łe vałade dołomiteghe łe xe: Rocca Pietore ai pié de ła Marmołada (inte ła parte veneta), Ałeghe inte ła Val Cordevołe, Falciade inte ła Val del Biois, Cortina d'Anpezo inte ła Conca Anpezana, Ortixei inte ła Val Gardena, Canaxei inte ła Val de Fasa, Cavałexe inte ła Val de Fieme, San Martin de Castrosa int'el Primier, Araba inte ła Val de Livinałongo.

La rocia ła se presta ben a la pratica de el alpinixmo (rocia).