Pinus cembra

*Pinus cembra*
	;
Dati
Lonzevità màsima	701 anini
Stato de conservasion
	Ris-cio mìnemo
UICN	42349
Tasonomia
Superregno	Eukaryota
Regno	Plantae
Clase	Pinopsida
Órdene	Pinales
Fameja	Pinaceae
Zènare	Pinus
Spece	Pinus cembra; L., 1753
Distribusion
	;

Al firm, dito anca cenbaro (nome sientifego Pinus cembra), al ze an albaro senprevert a foje a ghi del genere Pinus che al viu te le Alpi. Al so legn al ze pregià e al gnen doperà in modo particolar par far sculture. El xe el unego pin a 5 aghi che cres spontaneo in Eoropa.

Portamento

El xe on albaro che el pol gner alt infin a 25 metri, anca se de sołito no el pasa via i 15, co ła chioma cilindrico-conica. El xe na spese che ła viu tanti ani.

Scorsa

La scorsa la ze bisastra, fina e slissa co segn de rasa te le part dovene, te le parti vece la ze rugosa e la se screpolea in plache co fessure ross scure.

Foje

Le ze aghiformi e le ze binade in maset da 5, le ze longhe 5–8 cm, de color scur su el lato par sora e bisastro su quel par sot.

Panoce

Le panoce le se inmaduriss da zugno a lujo e le ze longhe in mèdia 4–7 cm.

I fjor mastci i ze rossi disponesti a stciapade in sima a i ran.

Le panoce le chei intiere e no le se vers. Le siess le gnen deliberade da la asion dei animai (par es.: Nucifraga caryocatactes). Le siess, de solito ciamade pinoli, le ga an rivestiment dur e legnoss.

Legn

Al firm al cress a pianpianet, e par sto tanto al svilupa an legn dur, ma insieme anca sensa venadura (afermasion che va vista in senso strutural, no botanico!). Par sti motivi al ze adato a scolpirlo par far lore e altri atresi, e in particolar modo maschee par serte manifestasion tradisionai de le zone de montagna. Co el firm se pol far anca mobili da la durata incredibile, dal bon parfun de rasa e dal color su el ross.

Difusion e habitat

La ze na specie de montagna. La zona de difusion no la ze conessa e la conprende al arco alpin e do zone te i Balcani e in Europa central. Al cress a partir da i 1200 metri de quota infin al limite superior dei bosch de conifere subalpini, catyando condision otimai tra i 1600 e i 2100 m de altitudine. A ga pì caro teren agri, ma al pol viver anca su substrati calcarei asidificadi o slavadi in superficie da la asion de la pioa. Al firm al pol far bosch missiadi co el pes e manco da spess co el laress o anca bosch puri. In Veneto se el cata te le Dolomiti. De particolar inportansa al ze al bosch del Cansiljo, aonde che par sentener de ani al ga representà un dei pilastri de la economia dei Cinbri. No se sà se sie la đent che ga ciapà al nome da i alberi o i alberi da la đent.

Usi

Al gnen doperà te i rinboschiment de protesion e te i interventi de ricupero anbiental e de consolidament de versanti.
Al gnen doperà serte olte te i parchi come ornamental, in particolar aonde che al clima al ze tenperà-fret.

Diferense co specie che le ghe someja

Al numero "5" de aghi al fa sì che se pode destinguer sto pin da quelaltri che se cata te le stesse zone. Te i parchi citadini solche al pin de la Himalaya e al pin strobo i ga maset de aghi del stesso numero, ma i ga panoce tanto pì longhe (15–30 cm) e i aghi stessi i ze pì longhi de 8–16 cm. Al ga le siess che le ghe someja a quele del pin mestech co el qual al pol esser confondest dificilmente parchè i ocupa aree diverse.

Varda anca

Bibliografia

Conifer Specialist Group 1998. Pinus cembra. In: 2008 IUCN Red List of Threatened Species. IUCN 2008.

Controło de autorità	LCCN (EN) sh85131287 · GND (DE) 4068873-2 · BNF (FR) cb119721184 (data)