Canal de ła Zueca

Canal de ła Zueca
	;
Sorte	Canałe
Parte de	Łaguna de Venesia
Posto
Rejon aministrativa	Venèsia (Itàlia)
Dati e sifre
Prodondità	12 m

El Canal de ła Zueca^[1] (ciamà in antighità Rigano), el ze co'l Canal Grando, un dei majori canałi che'l zboca inte'l basin de San Marco, a Venesia. El ze postà infrà l'ìzoła omònema de ła Zueca e el sestièr de Dorsoduro.

In zeneral ghe pasa grande nave da crozera direte a'l porto.

Infrà łe mazor costrusion che łe se afasa ghe ze el Mołin Stucky, ła Bazéłega de'l Redentor e ła Cieza de łe Zitełe da ła banda de ła Zueca, ła Bazéłega de Santa Maria de ła Sałute e ła Cieza dei Gezuati so ła Fondamenta de łe Zàtare dal łado de Dorsoduro.

Novo decreto

In sèvito a l'insidente de ła nave Costa Concordia che'l ze avenjùo a l'ìzoła de'l Zejo, co un novo decreto A se ga desidesto de stabiłir dei łimiti par el pasajo de łe nave de grande dimension cofà par ezenpio cuełe che fin adeso łe pasava senpre inte'l Canal de ła Zueca. Infati el decreto el ghe proìbise a łe nave che łe peza pì 40 de tonełade de pasar inte'l Basin de San Marco e cusì anca inte'l Canal de ła Zueca. Par San Marco, l'atuasion de'l divieto ła intrarà in vigorìa cuando che łe autorità łe gavarà descoverto altre vie de pasajo. L'autorità maritema, podendo sentir anca cueła portuałe, ła farà respetar in tuta ła łaguna ła distansa minema de seguresa par łe nave, senpre so ła baze de ła portàda łódra.