Canpanil

Da Wikipedia, l'ençiclopedia libara.
Jump to navigation Jump to search
al canpanìl del Domo de Belun de nòt

An canpanil (dito a Venesia Canpanièl) al è an edificio a forma de tór colegà ala česa o a 'n palas aonde ke ghe n'è inte le canpane, ke le gnen sonađe a 'l scopo de convocàr la sent a la funsion relijosa, de scandir al tenp, de nunsiar na festa o na desgràsia. Se al canpanil no 'l è ligà a na funsion relijosa ma sivìl, alora al gnen ciamà tor civica.

Tipi de sonada, funsion e segnai[canbia | canbia el còdaxe]

Canpanii de cese

  • bot: bot singoi par sonar le ore
  • meridiana: sonada a tre canpane fata a manca an quart a meodì te la cesa de Vilabruna (Feltre)
  • sonada a na canpana: in ocasion de qualunque celebrasion se al canpanil al à na unica canpana, sonar le avemarie se al canpanil al à pì de na canpana
  • sonar a mort: se sona solche do canpane par nunsiar an mort e par conpagnarlo al cimitero dopo al funeral
  • sonar dopio: se sona a tre canpane par nunsiar la messa (an quart de ora prim) e co se lede al Gloria; 'te 'n serti posti anca par conpagnar al mort a 'l cimitero
  • sonar ugnol: se sona co na unica canpana te 'n canpanil a pì canpane par nunsiar la messa, dopo de er sonà dopio
  • canpanò: se sona le canpane a concerto qualche dì prim de 'l santo patrono secont le tradision de 'l posto par nunsiar la festa
  • canpane a martel: se sona a martel par avisar che ghe n'è an incendio o na aluvion, in modo che tuti i core a jutar
  • sgreole: da' che de Vendre Sant na olta no se podea sonar le canpane, se ndea su te 'l canpanil e se sonea le sgreole par ciamar la đent a la procession

Canpane de tor civiche

  • Convocasion consiljo comunal
  • Mort particolari
  • Aniversari locai e\o nasionai (4 novenber, 25 aprile, 1 majo, 2 giugno e altri)
  • Ore
  • Scola
  • Altre robe

Architetura[canbia | canbia el còdaxe]

la prima distinsion de i canpanii se pol farla in base a come ke al edificio al se inserìs te 'l contesto de la česa o de 'l palas a 'l qual al è colegà. Se ghe n' trova difati de quei conpletamente destacàđi da la česa (tipici de l'Italia), altri tacađi ma comunque dotai de na so porta de aceso e de fonde, e serti conpletamente inglobai 'te la česa, tant da no aer fonde soe (tipici de le cesete pì cèe).

An nantra distinsion la pol eser fata in base a la idea de costrusion: ghe n'è canpanii fati come na vera e propria tor, co 'n bus inte par ndar sù e te 'n serto senso na càsa de risonansa, e altri, i cosideti canpanii "a vela", fati solke da 'n suporto a mo' de cavalét par čener sù le canpane.

I primi i è carateristici de quasi tute le cese de dimension medie, grande e pisole. Al canpanil al pol eser frequentà da đent (se la so dimension la lo permet) e le canpane se le sent da distante parkè la strutura serada sù la costituis na specie de casa de risonansa.

I canpanii a vela invese i è tipici de le ceséte pì cèe, pì ke sia 'te 'l passà 'te la zona alpina, ma anca 'te n serte ceséte in stile francescàn. Incói la gran part de le čese nove le à an canpanil a vela de cimento armà; la assensa de na strutura serada no la assa ke la canpana la rinbonbe 'te i mur dintorn, sichè se sent na sonada pì linpida ma smorsada.

Controło de autoritàLCCN (ENsh85013025 · GND (DE4157644-5 · BNF (FRcb11934126d (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Canpanil&oldid=955854"