Posagno

Da Wikipedia, l'ençiclopedia libara.
Va a: navigasion, serca
Posagno
comun
Posagno – Stema
Sentro storego, fasada del muxeo canovian
Sentro storego, fasada del muxeo canovian
Dati aministrativi
Stato bandiera Itałia
Rejon Vèneto – stema Vèneto
Provincia Trevixo – stema Trevixo
Sìndico Gianni De Paoli (lista sivega) dal 29/05/2007
Teritorio
Coordinae 45°51′00″N 11°52′00″E / 45.85, 11.883333Coordinate: 45°51′00″N 11°52′00″E / 45.85, 11.883333
Altitudine 276 m s.l.m.
Superfise 12,08 km²
Abitanti 2 234[1] (31/12/2010)
Densità 184,93 ab./km²
Frasion Rovèr
Comuni confinanti Alan de Piave (BL), Castelcuc, Cavaxo del Tonba, Paderno del Grapa
Altre informasion
Còd. postałe 31054
Prefiso 0423
Fuxo orario UTC+1
Còdexe ISTAT 026061
Còd. catasticałe G933
Targa TV
Cl. sismega 2
Patrono san Roco
Dì de festa 16 de agosto
Locałixasion
Italy location map.svg
Posagno
Italy relief location map.jpg
Posagno
Poxision del comun de Posagno inte ła provincia de Trevixo
Poxision del comun de Posagno inte ła provincia de Trevixo
Sito istitusionałe

Posagno el xe un comun de 2234 abitanti 'nte ła provincia de Treviso, sconto infrà el Pareton e el Monte Pałon.

El xe famoxo par esare el paexe nadałe de Antonio Canova e pa'l Tenpio che Canova steso ga vołesto come cexa parochiałe.

El Tempio de Canova, ciesa parochiałe de Posagno

Lengua[canbia | canbia sorxente]

A Posagno se parla na forma de diałeto trevisan (Diałeto vèneto sentral-setentrional) che però ła risente tantp de l'influensa del belumat (Diałeto vèneto setentrional) a cauxa de ła vicinansa co ła Provincia de Bełun e co ła Vałe de ła Piave. Ciò el deventa particołarmente ciàro inte ła coniugasion dei verbi, che inte łe persone plurali i finisse co "-on" (ex. 'ndon, ston, cossa fon?). Nonostante ste somejanse el diałeto parlà in Posagno e in Cavaxo del Tonba el se difarensia tanto dal belumat, a diferensa de cueło parlà in Pederoba, de forte inpronta feltrina, seben che tuti e tre i paexi i se cate 'nte ła Valcavaxia.

N'altra particołarità del so diałeto xe el frequente uso de "é" al posto de "xe": es. l'é drio 'ndar a Posagno (el xe drio ..ecc.), l'é lu (el xe lu). Cuando pronuncià dopo ła vocałe "a" ła ele del clitego ła deventa muta: ex. A ł'e qua! (A xe qua), A ł'e ła (A xe ła).

Storia[canbia | canbia sorxente]

L'orixene de ła paroła "Posagno" ła derivaria, drio calcheduni, dal'union de pos e de agno, osia "pos de l'agno". Infati Posagno anca al dì de uncò el xe un punto de pasajo par łe piegore che do volte l'ano łe pascoła inte'i prà visin al sentro citadin. L'altra ipotexi, na s-cianta pì colta, xe che'l derive dal Latin pausaneus che voria dir "logo de sosta" (da pauxa)[2]. Ła siviltà ła xe presente in Posagno e in xenerałe inte ła Valcavaxia almanco dal neolitego o dal eneolitego. Ghi ne anca testimonianse de ła prexensa dei Paleoveneti, mentre xe posibiłe l'existensa de un castrum roman e de un castełer medievałe. Ła prima sitazion scrita ła xe del 1076, cuando che ła località ła xera feudo dei Rover, fameja che vegneva da ła Xermania. Dopo łe guere che ghe xe stà inte'l Trevixan tra el XIII e el XIV secoło, dal 1388 anca Posagno xe sta incluxa tra i domini de ła Serenisima. Da ła fine del XVIII secoło ła storia del comun ła xe ligada al cełebre nome de Antonio Canova, che'l ga łasà òpare come el Tenpio Canovian (na cexa progetada dal scultor ispirandose al Pantheon de Roma) e ła Gipsoteca, un muxeo cołocà inte ła so caxa che'l tien na racolta de calchi e de gesi de łe so òpare.

Durante ła ricostrusion nasionałe anca Posagno ga avuo un so ruolo: inte sto comun nase łe fornaxe che, sfrutando ła crea de łe coline visine, łe riese a produre laterizi par tuta Itałia, esportando l'80% de ła produsion. Co łe fornaxe riva risorse economiche, ma Posagno no perde ła so identità de picoło paese de canpagna. Xe in sto periodo, grasie al Monsignor Giovanni Battista Sartori-Canova (1775-1858, vescovo de Mindo e fratełastro de Canova), che i padri Cavanis i riva in Posagno e i fonda el so cołejo. Destinà en prima batua ai putei puareti, al dì de uncò el cołejo el conta elementari, medie e cuatro sorte diverse de superiori e el xe un dei istituti privadi pì inportanti de ła xona. Inte ła prima guera mondiałe ła linea itałiana ła xera visin Posagno. A sud del monte Pałon el 5 de novenbre 1925 i posagnòt i ga meso na croxe granda par ricordar tuti cuełi che i xe morti par via de ła guera: na prexensa che d'ełora sovrasta el paese. Uncò xe 'ncora posibiłe catar residui de guera inte łe montagne visine e łe trincee xe stae da poco rexe visitabili dai turisti. Durante ła seconda guera mondiałe Posagno ga ospità desine de fameje de profughi abrei. Dopo 'l 8 de setenbre 1943 e l'ocupasion naxista, el paexe intiero el se ga dato da far par scondarli e evitarghe ła deportasion, seben che ła xona ła jera sogeta a rastrełamenti a ła ricerca de partexani. Inte sta òpara de socorso ai abrei se ga distinto in particołar modo, ła fameja Isotton (che ga scondùo inte ła propria caxa sincue conponenti de ła fameja Garti), Fausto Cunial e el xovane partexan Alessandro Bastianon (che ghe ga dà protesion a łe fameje Errera, Rakover e Gredinger). Par sto inpegno de sołidarietà, l'Istituto Yad Vashem de Jerusaleme ga conferio el 31 de majo 1990 l'alta onoreficensa dei Giusti infrà łe Nasion a Ferdinando Isotton, Domenica De Biasio Isotton e Elvira Furlan Isotton, e el 4 agosto 1997 a Alessandro Bastianon e Fausto Cunial.

Evołusion demografica[canbia | canbia sorxente]

Abitanti censii


Colegamenti foresti[canbia | canbia sorxente]

Nòde[canbia | canbia sorxente]

  1. Dato Istat - Popołasion rexidente al 31 de disenbre 2010.
  2. Giovan Battista Pellegrini, Toponomastica italiana. 10.000 nomi di città, paesi, frazioni, regioni, contrade, monti spiegati nella loro origine e storia, Milano, Hoepli, 1990. p. 227