Revine Lago

Da Wikipedia, l'ençiclopedia libara.
Va a: navigasion, serca


Wikipedia:Projeto/Progetto geografia/Antropica/Comuni Revine Lago
[[Image:{{{panorama}}}|300px|Panorama di Revine Lago]]
Nome ufficiale: {{{nomeUfficiale}}}
Stato: bandiera Itałia
Regione: Flag of Veneto.svg Vèneto


Provincia: Provincia di Treviso-Stemma.png Treviso
Coordinate:

46°0′0″N 12°16′0″E / 46, 12.26667Coordinate: 46°0′0″N 12°16′0″E / 46, 12.26667

Altitudine: 225 m s.l.m.
Superficie: 18 km²
Abitanti: 2 119  
Densità: 118 ab./km²
Frasion: Revine, Lago, Santa Maria (Sede Municipale) 
Comuni contigui: Cison di Valmarino, Limana (BL), Tarzo, Trichiana (BL), Vittorio Veneto
CAP: 31020
Prefiso teł: 0438
Codice ISTAT: 026067
Codice catasto: H253 
Nome abitanti: Per la frazione di Revine: Revinòt (dialettale) 
Santo patrono: San Matteo (Revine); San Biagio (Lago) 
Giorno festivo: 21 setenbre; 3 febraro 
El comune se trova qua
Posision del comune ne l'Itałia


Sito istitusionałe

Revine Lago l'é un comùn de 2 119 abitanti che 'l se cata nel nord de ła provincia de Trevixo tra łe prealpi e i laghi de Lago e S. Maria.

Evołuzion demografica[canbia | canbia sorxente]

Abitanti censii


Al Teritòrio[canbia | canbia sorxente]

Al comùn de Revìne Lago al'é diviso in dó zone principài: al versante sud de'e Prealpi e'l fondovàl.
La prima zona al'è costituìda da 'na riva jerta de bosc, che i parte dae zìme de'e Prealpi (Monte Cor, La Posa, Piàn déle Fémene), situade a quota 1200-1300 m. alinzìrca, e i rìva fin dó da bàs.
In téa parte da bàs ghe n'é i laghi, o làc, Lago de San Giorgio (fraziòn de Lago) e Lago de Santa Maria (fraziòn de Santa Maria), ała quota de 224 m., e 'na modesta area pianegiante.
Tra le dò zone al'é i insediamenti, spés dove che l'é i tanti conòidi derivàdi dal'erosiòn dełe montàgne. Fa anca part del comùn 'na modesta zona coinàre a sud-est.

I Insediamènti[canbia | canbia sorxente]

Al comùn l'à dò paesi principài: Revìne e Lago, de alinzìrca 900 abitanti paròn. Revine l'é situada ad est e la se estende su tuta 'a superficie del conoide del torènte Grava (o Pavèi). Al'é sede arcipretàe, l'à tre ciese (San Matèo, San Franzesco da Paola e San Marco), 'na bibioteca, 'na banca, tre hostarìe e svariàdi negozi. Al zéntro storico, tant caraterìstico, al òcupa tuta 'a parte alta del paese. Il patròn l'è San Matèo.
Senpre rénto 'a paròchia de Revìne l'é le locaità "le Sélve", a sud-est, e "le Fornàs" (Fornaci), a sud-ovest (dove che lé a zona artigianae).

Spostandose verso ovest catén la frazión de S. Maria (250 abitanti), che la é sóte 'a paròchia de Lago. Sicóme la é in mèzo tra i dó paesi principài, i la à fàta deventàr sede munizipàe, e ghe n'é anca la scóła elementare là da vizìn.

Lago al'é in rìva al làc, al patròn l'è San Giorgio. La zona nóva la va a est drìo S. Maria e a ovest drìo Socròda, 'na locaità che la cónta alinzìrca 50 abitanti.

Storia[canbia | canbia sorxente]

Svariàdi reperti (resti de pałafìte, pónte di fréce, ceramiche) i testimonia che i òmeni i èra zà dal tardo Neolitico (alinzìrca sìemiła àni fa), ma ghén à rivà de pì dopo le invasión dée tribù celtiche (IV-II sec. a.C.) e dopo déa conquista romana Romani (II sec. a.C.).

Zà da prima déa caduta del'Impero Romano tùta 'a zona l'é stata ocupàda dai Goti, dai Franchi e dai Longobardi (la zona la dovéa èser parte del Ducato de Zèneda). 'Sti quà i à edificà la ciésa de San Martìn (adès ghen'é sólche qualche piéra), invocà par contrastàr i eretici.

Col Sacro Romano Impero (dal 773) e par tùt al medioevo la zona l'é stata tajada in vari feudi: Revìne l'èra sóte i béscovi, Lago sóte i Da Camino. In 'sto periodo l'é naséste le regole, 'na antica forma de autogoverno par al sfrutamento razionàl del teritorio, rimaste su fìn a Napoleone.

Pì avànti, al teritorio l'é pasà sóte ała Serenissima che l'é cascàda in tél 1797 có l'é rivà Napoleone. Dopo Revìne e Lago i é pasàdi sóte l'Impero Austro-Ungarico, e dopo ancora sóte ła Francia, e pó da nóvo sóte l'Austria, che li à comandàdi fìn al 1866, có 'l Veneto al se 'o à ciòt su al Regno d'Italia.
In tél 1871 i à inventà al comùn de Revìne-Lago, zontàndo i dó centri che prima i èra divisi.

Però i austriaci i se à fàt sentìr da nòvo in téa prima guèra mondiałe, quando che'l Friuli e 'na parte del Veneto i é pasàdi ai Imperi Centrali. In téa zona ghe n'é stati aspri combatimenti, visto che l'èra vizìna al confìn, dała battaglia del Solstizio fìn ała battaglia di Vittorio Veneto.
In téa seconda guèra mondiałe]] le montàgne sóra Revìne Lago le à favorì la formaziòn de diverse brigate partigiane (Tolot, Mazzini, Nannetti). Tùt al paese l'à pianzést in 'sto periodo tanti ma tanti martiri par la libertà: par esènpio Ermando Grava, che'l véa 'pena conpì disdòto àni có i o à ciapà, i o à torturà e dopo copà sóte i òci de só màre.

Posti de interese culturàl[canbia | canbia sorxente]

A Revine, l'é da ricordàr al Castèl de Monte Frascone (XIII sec.), có 'na cinta muraria anteriòr a tùt al complèso. L'é stàt spacà ała fine del Dosènto dai conti de San Martìn Bialo e Gelo. 'Na parte del castèl l'é stata fàta su da nóvo ała fine del Siezènto, có l'é rivà a stàrghe al piovàn don Giovanni Domenico Cumano.
In tél santuario de San Franzesco da Paola, costruì téi primi del Setezènto, l'é 'na picoła pinacoteca che la racoje opere de pitòri póc conosésti, ma no de manco lustro.
Da ricordàr l'é anca la ciesa parochiale de San Matèo (XVII sec., i la à tànt rimanegiàda) có 'na pała atribuida a Egidio Dall'Oglio.
Il paese l'é tànt interesànte anca par i só pòrteghi, i burigòt e le case in piera.

A Santa Maria l'é interesante la ciesa che, ricordada in tél testamento de Sofia de Collalto (1170), l'é una dełe pì vècie déa zona. Drénto ghe n'é opere de Francesco da Milano e de Egidio Dall'Oglio.

Anca Lago al'é particołàr par il só inpianto urbano, fàt de vie stréte, e par le vècie costruziòn.