Moltiplegasion

Sto articolo el xe scrito en diałeto padovan (padoàn, paduàn)

Moltiplegasion fàsiłe co righe e cołone

Ła moltiplegasion o moltiplicasion ła xé na de łe quatro operasion fondamentałi del'aritmètega. Ła signifega sumar un nùmaro par sè steso tante volte quante ghe dixe i altri tèrmini del'operasion. Ła sóa operasion inversa ła xé ła divixion.

Seguéndo ła scrita:

$a \times b = c \;$

i tèrmini $a$ e $b$ i se ciama faturi o fatóri, $c$ el xé el prodoto. El ségno $\times$ chel particołarixa st'operasion qua el se ciama par o per. El poe végnare scrito anca $\cdot$ (un pontin che no'l fa confuxion co ła łétara $x$) e 'ntel'àlgebra de łe łétare se pol anca no scrìvarlo ($ab = a \cdot b$).

L'ełemento neutro de ła moltiplegasion el xé l'$1$ e moltiplegar qualcosa par $0$ el dà sénpre zero.

Łe tabełine łe xé na serie de moltiplegasion sénplexe che łe va inparae a memoria a ła scóła ełementare: in xènare łe va da quea del'1 a quea del 10.

Propietà

• Propietà comutativa: se te scanbi l'órdene dei faturi, el rexultà no'l canbia ($a \times b = b \times a = c$)

$3 \times 2 = 2 \times 3 = 6 \;$

• Propietà asociativa: se te toi parte dei faturi e moltìpleghi prima łuri, el rexultà no'l canbia ($a \times b \times c = (a \times b) \times c = a \times (b \times c)$)

$2 \times 3 \times 4 = 24$

$(2 \times 3) \times 4 = 6 \times 4 = 24$

• Propietà distributiva verso ła xonta: $k(a + b) = ka + kb$

$2 \times (3 + 4) = 2 \times 7 = 14 \;$

$2 \times 3 + 2 \times 4 = 6 + 8 = 14 \;$

Varda anca

• Xonta
• Sotra
• Divixion