Luca Barbarossa
  | |
| Biografia | |
|---|---|
| Nasimènto | 15 de apriłe del 1961 (63 ani) Roma |
| Atività | |
| Ocupasion | |
| Zènare | Pop |
| Instrumento muzicałe | Voze |
| Targheta discogràfega | |
| Spor | padel (it)  |
| Partisipante in | |
| 1988 | Eurovision Song Contest 1988 (it) |
| |
| Sito web | lucabarbarossa.it |
            | |
(VEC)
«Di quale sete ci disseteremo / e quale luce ci raggiungerà al mattino / di quale volo le nostre ali di cartone / stanno volando già »— Luca Barbarossa, Ali di cartone (De cuała sen se disataremo / e cuała łuze ła ne rivarà a'l matìn / de cuało zvoło łe nostre ałe de carton / łe ze za drio zvołar)
Biografia
[canbia | canbia el còdaxe]I ezordi
[canbia | canbia el còdaxe]El taca ła manéta uzando el palcosènego cofà fuse na strada, sonando el repertorio folk merican e i clàseghi dei cantaudori itałiani. In 'sto parìodo inte'l cuało el se forma a łevèło profesionałe e personałe el conose Mario Amici che'l ze senpre stà só cołaborador.Inte'l 1980 el vien rimarcà da Gianni Ravera, che'l ło invita a partesipar a'l festival de Castrocaro. Durando cheła manifestasion el prezenta el brano Sarà l'età e donca el firma un contrato co un discografego, el primo par łu, co ła Fonit-Cetra. Avendo vinto el Festival de Castrocaro el ga el derito de partesipar a'l Festival de Sanremo 1981 co Roma Spogliata, otenjendo sùito un gran suceso ma clasifegandose co maravegia a'l cuarto posto (Luca el ga conponesto 'sta canson so i banchi de scoła durando l'ora de itałian. A setenbre vien fora el só primo àlbun, Luca Barbarossa, prodoto da Shel Shapiro, indove A se cata anca ła cołaborasion co Antonello Venditti. Da 'sto àlbun vien ciapà el 45 ziri Da Stasera, che el cantaudor roman el publisiza a ła Mostra Intarnasionałe de Mùzega Łezera de Venesia sensa parò aver el steso suceso de'l singoło de Sanremo; a fine de l'ano el parte in tournée fasendo da spała a Riccardo Cocciante.
Inte l'istà de'l 1982 el pùblega el singoło La strada del sole che anca se el ze entrà in clasega no'l ga avùdo el suceso sperà resentindo cusì de ła crize che gavea ła Fonit-Cetra, par 'sta razon el deside de firmar co ła CBS che 'vanti de darghe fidusia par un àlbun intiero ła ghe gà dà l'ocazion de publegar nna serie de 45 ziri. Colore de'l 1984, Vita del 1985 e Via Margutta inte'l 1986. Cuesta ła ga senjà anca ła cołaborasion co Antonio Coggio e el ritorno a Sanremo. Da novo a'l Festival de Sanremo inte'l 1987 co Come dentro a un film, titoło de l'àlbun che a ła fine ła CBS ła ga acetà de publegar; pochi mezi drioman el vinse Un disco per l'estate a Saint Vincent cofà mejo àlbun e megio canson co Roberto mentre inte'l Setenbre senpre de cueł'ano el reseve anca el premio come mejo revełasion inte'l concorso Vota la voce.
El suceso
[canbia | canbia el còdaxe]Inte'l 1988, grasie a ła partecipasion a Sanremo, A crese ła só notorietà. So el palco de l'Ariston el se ezibise prezentando ła canson L'amore rubato, un toco che'l parla sensa remore so l'atuałe tema de ła viołensa sesuałe e che'l ghe fa ciapar el terso posto. In direta Luca el ga resevùo i conplimenti da Franca Rame e Dario Fo, che'l ghe gavea spedìo un tełegrama. N'altra canson famoza ła ze Yuppies, satira so stereotipo ani 80 mentre Fiorella Mannoia ła partesipa a ła canson Quartiere. A ła fine de l'istà 1988, dopo èsar ndà in ziro in tournée in conpanjìa de Paola Turci, par ła prima volta el se ritrova daseno in sima a'l vero suceso, l'àlbun Non tutti gli uomini infati el ga vendùo 350.000 copie. Senpre inte'l steso ano el raprezenta l'Itałia a l'Eurovision Song Contest co Ti scrivo (vivo).
Inte'l 1989 A vien fora Al di là del muro àlbun che'l ga el singoło omònemo el cui titoło profetico el ga antisipà de pochi mezi ła cascada de'l muro de Berlìn anca se ła canson ła se riferiva a łe bariere mentałi. Inte'l disco A zera prezente anca na canson dedegà a Nelson Mandela mentre Eros Ramazzotti el cołabora sonando ła ghitara ełètrega in Senza panico. N'altro brano che'l ga da èsar mensonà el ze La fin di un amore, una intrà łe canson d'amor pì pasionàe scrite da'l cantautor roman.
Inte'l 1992 el pasa a ła Columbia e drioman el partesìpa a'l só cuinto Festival de Sanremo, indove el vinse co Portami a ballare, canson dedegada a só mare Annamaria. Sia ła canson che l'àlbun Cuore d'acciaio prodoto da Roberto Costa, łe ło fa rezbalsàr inte łe prime pozision in clasifega.
Inte'l 1993 vien publegà Vivo (titoło ispirà a l'omònema canson de'l 1988), un àlbun live che'l ze na ranucra dei só tochi pì famozi, dove el regała na anteprima de l'atmosfera ch'A se respira cuando Luca el taca ezibirse so'l palco.
Inte'l 1994 el partesipa a'l Festivalbar co'l brano Cellai solo te, canson che ła trata i raporti de cùbia, contài in ciàve irònega (scominsiando da ła grafia zbałiada de'l titoło). Inte l'àlbun Le cose da salvare, ła cui produsion ła ze stà reałizà da Vincenzo Mancuso, vien rimarcà ła partesipasion a ła ghitara de Francesco De Gregori inte ła canson Ho bisogno di te, oltra a ła cover de Shower the people (sciogli l'amore) de James Taylor. El disco el ga anca na trasa ciamà Cercautore dove Luca invita chi che cronpa el disco a reméterghe un testo novo creà de bałìn, indegando che el gavarìa sielto i mejo testi par proponerli durando i só conserti. El testo presielto e indrioman insidesto el ze stà Onda Controvento scrito da Paolo Audino.
Drìo el suceso
[canbia | canbia el còdaxe]Inte el 1996 el firma co ła Sony Music e al Festival de Sanremo se exibise col brano Il ragazzao co la chitarra, canson dal saor country. Drìo vien publegà l'albun Sotto lo stesso cielo dove se trova tra łe altre Ali di cartone (fra łe più bèłe scrite da l'artista roman) e Sette candele, che trata so'łe persecusion rasiałi verso i abrèi durante el fasismo.
Inte l'istà del 1999 el publega 'musica e parole, canson che ciapa nòme da l'albun, prodòto da Romano Musumarra publisixà col singoło Segnali di fumo cantà in doto co Tina Arena.
Ani 2000
[canbia | canbia el còdaxe]
Inte el zugno del 2001 ese ła so prima racòlta de sucesi Viaggio di ritorno, coi brani nòvi Viaggio di ritorno, Zerosei e Nessuno come noi. Inte el 2003 el partesipa a Sanremo co Fortuna inserìa inte el disco omonemo, che vede ła prexensa de ospiti cuałi Marco Conidi e Roy Paci; senpre in quel'ano el conpone el brano Il canto par Luciano Pavarotti, che xonta inte el so albun. Come autor Barbarossa, gà scrito par Gianni Morandi, Fiorella Mannoia, il Gabibbo, Raquel del Rosario, Paola Turci, Tosca, Tina Arena, Alessandro Safina e i Dahmm.
Inte el zugno del 2007 dopo 4 ani de fermàda, fa insìr el singoło Aspettavamo il 2000, un antìçipo de queło che vien distribuìo l'ano drìo.
So el fenìr de avrìl 2008 vien publicà Via delle storie infinite, che ciapa el titòło da l'omonemo brano trasmeso da alcune stasion radio.
Intra el 2008 e 'l 2010 el xe stà protagonista de un spetacoło teatrałe de suceso dal titòło Attenti a quei due (ispirà da ła serie tełevixiva omonema). co l'ator Neri Marcoré. Inte el 2009 el gà cantà ne l'albun de Claudio Baglioni Q.P.G.A., ne ła canson 'mia libertà
Barbarossa Social Club e Super Club
[canbia | canbia el còdaxe]Dal xenaro 2010 xe el prexentador de Radio 2 Social Club, un programa de Rai Radio 2 trasmeso el sabo e ła domenega da łe 11.00 a łe 12.30. In sto programa ła cui anbientasion xe un locałe imaxenario indove se ciacòła, se xoga e se fa muxica, Barbarossa xe in conpagnìa de Virginia Raffaele ed Andrea Perroni. El 7 disenbre 2010 vien meso sul marcà l'atexo dvd+cd live de Attenti a quei due, mentre inte el febraro del 2011 el partesipa al Festival de Sanremo in cùbia co Raquel de Rosario, col brano Fino in fondo[1]. El 16 febraro 2011 ese ła raccolta Barbarossa Social Club, par sełebràr i so oltre 30 ani de carièra, che vede ła partecipasion de Fiorella Mannoia, Max Gazzè, Roy Paci, Neri Marcorè e Raquel del Rosario.
Inte el steso ano el partesìpa al Concerto del Primo Magio e fa parte del Sete di Radio Tour.
El 9 magio 2012 Barbarossa debuta in tełevixion co Max Giusti prexentando el programa Super Club so Rai 2.
Vita privà
[canbia | canbia el còdaxe]El xe spoxà co Ingrid Salvat, xe pare de tre fiòi, Valerio, Flavio e Margot.
Inpegno sociałe
[canbia | canbia el còdaxe]L'è el caocanonier de ła Nasionałe cantanti, avendo segnà 207 gol in 225 partìe xogàe[2][3].
Curioxità
[canbia | canbia el còdaxe]El gà scrito ła prefasion del libro A est dell'Avana de Roberto Goracci.
Discografia
[canbia | canbia el còdaxe]Albun
[canbia | canbia el còdaxe]- 1981 - Luca Barbarossa (Fonit Cetra)
- 1987 - Come dentro un film (CBS, 450210 1)
- 1988 - Non tutti gli uomini (CBS, 460803 1)
- 1989 - Al di là del muro (CBS, 465991 1)
- 1992 - Cuore d'acciaio (Columbia, 471378 1)
- 1994 - Le cose da salvare (Columbia, 476959 2)
- 1996 - Sotto lo stesso cielo (Sony Music)
- 1999 - Musica e parole (Sony Music, 5099749507425)
- 2003 - Fortuna (Sony Music)
- 2008 - Via delle storie infinite (Universo US236)
Racòlte
[canbia | canbia el còdaxe]- 2001 - Viaggio di ritorno (Sony Music)
- 2011 - Barbarossa Social Club (Margutta 86)
Live
[canbia | canbia el còdaxe]45 xiri
[canbia | canbia el còdaxe]- 1981 - Roma spogliata/Se il letto mio volasse (Fonit Cetra)
- 1981 - Da stasera/La vita vista da un aereo (Fonit Cetra)
- 1982 - La strada del sole/Se potesse parlare la mia chitarra (Fonit Cetra)
- 1984 - Colore/Belle le tue labbra (CBS)
- 1985 - Vita/Vita (version strumentale) (CBS)
- 1986 - Via Margutta/Ognuno di noi (CBS)
- 1987 - Come dentro un film/Buonanotte (CBS)
- 1988 - L'amore rubato/Vivo (CBS)
- 1988 - Yuppies/Da grande (CBS)
- 1989 - Al di là del muro/Sarò qualcuno (CBS)
- 1992 - Portami a ballare/Ho fatto l'eroe (CBS)
CD singołi
[canbia | canbia el còdaxe]- 1994 - Cellai solo te/La canzone del sole (Columbia)
- 1996 - Il ragazzo co la chitarra/Union maid (Sony Music)
- 1999 - Musica e parole/Ali di cartone (new version)/Musica e parole (instrumental)/Ali di cartone (instrumental) (Sony Music)
- 1999 - Segnali di fumo (doto co Tina Arena)/Foglia su foglia/Musica e parole (album version) (Sony Music)
- 2001 - Viaggio di ritorno/Stella segreta/Youppies 2001/Mandela 2001 (Sony Music)
- 2003 - Fortuna/Al lupo al lupo/Fortuna (instrumental) (Margutta 86)
- 2007 - Aspettavamo il 2000 (Margutta 86)
- 2011 - Fino in fondo (doto co Raquel del Rosario) (Margutta 86)
45 xiri publicà a l'estaro
[canbia | canbia el còdaxe]- 1985 - Let It Be/Co i jeans e gli stivali (Melodia) publicà soło che in Rusia
Note
[canbia | canbia el còdaxe]- ↑ Sanremo 2011 – LE CANZONI, Rai.it. entrada il 24 febbraio 2011.
- ↑ Clara Caroli, Luca Barbarossa e Neri Marcorè – Non siamo una strana coppia, in la Repubblica, 29 marzo 2009, pp. 18. entrada il 24 febbraio 2011.
- ↑ Interviste – Luca Barbarossa, Yahoo!.net, 3 ottobre 2010. entrada il 24 febbraio 2011.
Bibliografia
[canbia | canbia el còdaxe]- Dizionario della canzone italiana, di Autori Vari (a cura di Gino Castaldo), ed. Curcio, 1990; alla voce Barbarossa Luca, di Stefano Mannucci, pag. 105-106
Łigadure foreste
[canbia | canbia el còdaxe]- Sito uficiałe
- YouTube.com - Video de Luca Barbarossa
- MySpace.com - Pagina personałe de Luca Barbarossa
Wikimedia Commons el detien imàjini o altri file so Luca Barbarossa
el detien schemi gràfeghi so
| Controło de autorità | VIAF (EN) 79701067 · ISNI (EN) 0000 0000 5746 4165 · El vałore ANAV037481 de SBN no el xe mija bon. · Europeana agent/base/118696 · LCCN (EN) no98060024 · GND (DE) 13462520X · WorldCat Identities (EN) no98-060024 |
|---|