Eros Ramazzotti

Da Wikipedia, l'ençiclopedia libara.
Va a: navigasion, serca
Eros Ramazzotti
Eros Ramazzotti
Informasion xenerałi
Nasùo/a 28 de otobre 1963, Roma
In atività dal 1981
Xenere muxicałe Pop
Eticheta discografega
Strumento voxe
Atività prinsipałe cantautor
Discografia
Àlbun publicai 18
Studio 12
Live 3
Racolte 3
Sito web

Eros Ramazzotti (Roma, 28 de otobre 1963) el xe un cantante italian, in atività dai ani otanta.

Biografia[canbia | canbia sorxente]

Eros Ramazzotti, fio de Rodolfo Ramazzotti, operaio ediłe e de Raffaella Molina, caxałinga; el pare de ła provincia de Viterbo, ła mare de queła de Vibo Valentia, (el cui nome orixinàl xe Eros Walter Luciano, cresse nel quartier periferico de Roma sud Cinecittà in un quartier de caxe popołari ciamà Lamaro. So pare xera cantante e muxicista amatoriałe Fin da xovene el mostra de aver 'na pasion straxordenaria par la muxica avendoghene 'na bona predispoxision. El se intaresa al studio del pianoforte e po' de ła chitara. El taca a sonar co' do amighi del so quartier, uno chitarista jazz, l'altro che sonava speso in un piano bar. Otegnìa ła łicensa media el fa domanda de amision al Conservatorio de Roma, ma el vien respinto. Iscritose a Ragioneria el lasa i so studi. No'l se separava mai dal so can de nome Billy.

In seguito a un tentativo fałìo de emigrar in Austrałia, el pasa un ano intiero a studiare inglexe.

Tifoso de ła Juventus[1], Eros xe uno dei conponenti pì forti de ła Nasional Cantanti nel roło de atacante, e dal 1992 al 2004 el xe stà anca prexidente de sta Asociasion [2].

I primi pasi nel mondo de ła musica[canbia | canbia sorxente]

El 1981 xe l'ano in cui el taca a exibirse. El partesipa al concorso Voci Nuove de Castrocaro co' ła so canson "Rock 80" che gà scrito qualche ano prima. I vinsenti de sta manifestasion xe stài Zucchero e Fiordaliso, ma łù xe stà fato exibìr da Gianni Ravera co' tuti i xovani tałenti. El gà risevùo soło do preferense, da Roberto Galanti e dal baron Lando Lanni che gera i fondadori de ła caxa discografega miłanexe DDD - Droguera di Drugolo. I do xe stài imagài dal so particołàr tinbro nasałe e cussì xe stà fato un contrato nei ufici de Roma. 'Ntel 1982 el partesipa a Un Disco per l'estate de Saint-Vincent co' ła canson "Ad un amico", conposta co' Roberto Colombo, dedicàda a un so amigo masa presto sconparso.

'Ntel 1983 se pol dir che ghe xe stà el so primo aprocio inportante al mondo musical ai Castełi Romani, cantando Pezzi di Vetro, 'na canson de Francesco De Gregori.

I tre festival de Sanremo[canbia | canbia sorxente]

'Ntel 1984, el 3 febraro, Eros se fa conoser dal publico vasto che gà el Festival de Sanremo e ło vinse ne ła Sesion "Voxe nove"; ła canson che ghe fa aver sta so fortuna xe "Terra Promessa", 'na bałada. Un disco questo, che gaveva da esar publicà 'ntel mexe de Otobre, ma che invese xe stà proposto ałe sełesion de Sanremo Giovani. Ameso a ła final de sta manifestasion el vinse ne ła sesion "Nuove proposte" [3]. Vien fata anca 'naltra version de sto tòco pì estexa che se cata su discomix. El taca eser conosùo e ad aver notorietà, anca a liveło internasionałe, scominsiando ad afrontàr partèr todeschi, strìache e svissere. Senpre in sto ano el partesipa a ła Veła d'Oro de Riva del Garda, e prexenta ła canson Buongiorno Bambina.

Ne l'edision drìo del Festival de Sanremo del 1985, el partesiparà, sta volta ne ła sesion dei "big", cantando "Una storia importante"[4] incluxa 'ntel primo albun "cuori agitati". Anca se in clasifega riva al sesto posto,sto albun xe un tronfo sorpasando un miłion de copie vendùe in Fransa. Vien publicà anca in lengua spagnoła Almas rebeldes xe el titoło.

'Ntel 1986 senpre a Sanremo riva naltra vitoria par lù. Ła canson ch'el prexenta se ciama "Adesso tu" [5], tòco apripista de l'albun Nuovi eroi [6] albun, publicà anca in lengua spagnoła, che ghe fa anca vinser el Festivalbar ne ła categoria 33 giri; co' sta canson el conferma ła so atuałe popołarità in Itałia (el gà conpìo da poco i so ventido ani), ma l'interese par sto cantante riva anca a liveło internasionałe.

Ła notorietà internasionałe[canbia | canbia sorxente]

'Ntel 1987, el 28 otobre, (xorno del so ventiquatresimo conpleano) xe usìo el terso Ip, In certi momenti. Da ricordàr la partesipasion de Patsy Kensit par la canson La luce buona delle stelle, che ghe segura ancora de più un suceso eoropeo. Patsy sarà soltanto una de łe tante ospiti co' cui el cołaborarà durante ła so carièra. Xe stà el primo albun a intrar ne łe poxision pì alte de łe clasifeghe eoropee. Ła tournée, seguìa da ła publicasion de l'albun, mena Ramazzotti ad exibirse danànsi ad oltre un miłion de spetadori e dura nove mexi. El numaro de copie vendùo par sto albun xe ecesionałe : oltra 3 miłion e 700 000 copie vendùe. 'Ntel 1988, durante ła stagion primaveriłe, xe publicà el mini-disco "Musica è", che gà un inpato sui mercà discografeghi che nisuni se spetàva, otegnindo anca più suceso de "In certi momenti".

In seguito, come speso nase par i cantanti, el se ferma par do ani fin a tornàr 'ntel 1990 po' co' un novo albun In ogni senso che forse contien le canson pì çełebri del so reperotorio e che antisipa ła prima exibision de Eros nei Stati Unìi (nel Nord), un spetacoło xa exaurìo al Radio City Music Hall de New York. Sto periodo ch'el passa in tournée finisse co' ła publicasion, 'ntel novenbre 1991, de un dopio albun live, "Eros in concert". Sucesivamente ghe xe un concerto a Barcełona In Spagna el xe un mucio seguìo) trasmeso in Mondovision e che po' 'ntel 1992 sarà riproposto in VHS "Eros Ramazzotti - In giro per il mondo", dove vien mostrài i tòchi pì significativi de quel concerto de Barcełona e altre imaxèni ch'el gà xirà a New York.

Tutte storie co' Spike Lee[canbia | canbia sorxente]

Eros conpare da novo so'l palco a distansa de tre ani co' "Tutte storie", el laoro che ło gà fato inpegnàr de più in asołuto fin quel momento e raxonxe in poco tenpo ła sima de tute łe clasifeghe. Vien fato un videoclip pa'l so singoło "Cose della vita" e 'l xe riprexo da Spike Lee [7], che par la prima volta laora co' un artista eoropeo. Ła tournée ch'el fa par tuta Eoropa xe infra quełe co' pì inportansa de ła stagion otegnìndo anpi trionfi e fenìse oltreoaseano nel Nord America e par la prima volta andando a inpegnìr i stadi de quindexe paexi łatin-'mericani dove ch'el s'a exibìo e no'l gera mai stà. Co' l torna in Itałia, el cantante xe l'creador del "Trio", l'evento muxicałe che gà segnà sto ano, in cui el xe protagonista co' Pino Daniele e Jovanotti. 'Ntel 1994 a novenbre Eros xe invità ai MTV Europe Music Awards de Berlin dando vita al so live. L'albun vendarà pì de 6miłioni de copie in tuto el mondo. El xe oramai uno dei pì inportanti artisti in tuta Eoropa.

El deventa anca produtor[canbia | canbia sorxente]

In sto periodo el reałixa 'na strutura de management "Radiorama" e firma un novo contrato discografego mondiałe pa' ła BMG International, 'na famoxa caxa discografega. Ne l'Istà del 1995 el partesipa al Summer Festival, un evento muxicałe de riłevansa eoropea dove se cata protagonisti cofà Rod Stewart, Elton John, Joe Cocker, Jimmy Page, Robert Plant e Sheryl Crow. In queł'ocaxion, dopo un concerto a Miłan, el conosse ła modèła svisera Michelle Hunziker, da ła quała el 5 disenbre el gavarà so fìa Aurora, e 'l 24 avrìl el se spoxa co' Michelle al Casteło Odescalchi de Bracciano [8][9].

Dove c'è musica[canbia | canbia sorxente]

El 13 Magio 1996 ese l'otavo albun "Dove c'è musica", el primo che xe stà autoprodoto patòco. El tòco sielto par antispàr l'albun xe Più bella cosa, publicà anca in version House pa'l marcà statunitense dal famoxo remixer Todd Terry. El disco reałixà infra l'Itałia e 'l Nord America xe pien de muxicisti de fama internansionałe cofà Mike Landau, Nathan East e Vinnie Colaiuta, el missia sonorità alternative rock e venadure mełodiche, co' eçełenti rexultadi comerciałi. In um mexe sto disco vendarà 7 miłion de copie dominando łe clasifeghe eoropee.Dopo 'naltra serie de concerti in volta par l'Eoropa el se repoxa metendose a conponér soło un brano That's all I need to know par el so amigo Joe Cocker.

Megaconcerti nei stadi[canbia | canbia sorxente]

'Ntel otobre del 1997 ese el novo disco Eros. Xe 'na racolta che gà al so interno do inediti: ła bałàda un mucio dolse Quanto amore sei - dedicà a so mojère Michelle Hunziker e a so fia Aurora - e Ancora un minuto di sole. Ghe xe anca dei doti musicałi: Musica è co' Andrea Bocelli, e Cose della vita che xe interpretà co' ła prexensa de 'na cantante del całibro de Tina Turner. L'albun gavarà un suceso enorme vendendo 7 miłioni e mexo de copie 'ntel mondo.

Ne l'Istà del 1998, poco dopo el so matrimonio che gà avùo co' Michelle Hunziker, el se exibise al Filaforum de Asago ed al Stadio de łe Alpi de Torin faxendo el tuto exaurìo. La data de Torin gà però 'na coa połemica dovùa al fato che Eros Ramazzotti, in seguito a l'infortunìo che gà subìo el basista Flavio Scopaz che xe stà colpìo da 'na picoła monèa, decide de interonper el concerto suponendo che i autori del gesto podeva eser stài dei "tifosi granata"; ła reasion ch'el publico gavarà ło costrenxe a slontanarse dal palcosenico [10].

Sucesivamente el partesipa al grando evento Pavarotti & Friends dove se cata da novo co' Spike Lee e 'l gà el piasser de exibirse co'l gran mestro Luciano Pavarotti, co'l qual fa 'na nova version del tòco Se bastasse una canzone. 'Ntel otobre del 1998 vien fora l'albun. 'Ntel marso 1999 el xe stà premià ad Anburgo co'l'Echo Awards - che in Xermania sarìa cofà l'Oscar muxegałe - ne ła categoria Miglior artista maschile internazionale. Vien anca prexentà el novo albun de Gianni Morandi Come fa bene l'amore indove Eros cołabora cofà produtor e co-autor de testi e muxeghe. Durante l'istà del 1999 el partesìpa ad alcuni Festival in Xermania.

Stilelibero[canbia | canbia sorxente]

El 27 otobre del 2000 vien publica ed ese so'l mercà in anteprima mondiałe el so otavo albun, Stile libero e par diversi mexi restarà ne łe xone pì erte de łe clasifeghe. Infra i ugnołi publicà trovemo Più che puoi canson in cui el dota co' Cher ła famoxa cantante; un gran suceso eoropeo; vien registrà un video e vegnarà ciapàe łe mejo imaxèni fate durante łe registrasion e ghe sarà de łe version dance che utiłixarà łe discoteghe. 'Ntel 2001 el taca far un novo tour che ło portarà anca a Mosca. Da ricordàr xe par exenpio i concerti al Kremlin Palace dal 2 al 4 novenbre 2001. A Miłan, el 30 novenbre 2001 ne l'ultima data del tour, so'l palco riva a cantare alcuni dei so amighi, el canta co' Raf par Anche tu, ancora Patsy Kensit par La luce buona delle stelle e Antonella Bucci co' ła canson Amarti è l'immenso per me. I sucesi profesionałi łasa un fià sconti i disapori ch'el gà co' so muger Michelle Hunziker, che menarà i do a separarse, e esendo po' protagonisti de varie bataje legałi [11][12].

9[canbia | canbia sorxente]

'Ntel magio 2003 vien fora el nono disco, che se ciama senplicemente "9", e anca staltro sbanca łe clasifiche de vendita [13] e resta par 14 setimane consecutive ne ła clasifica itałiana, vadagnando diexe dischi de platino e vendendo oltre 3 miłioni de copie 'ntel mondo. In sto disco el descrive łe so esperiense personałi cofà par exenpio al dołoroxo divorsio co' so muger. Un'emozione per sempre scrito in orìxene par Alex Baroni, sbanca łe clasifiche deventando uno dei singołi pì vendùi de l'ano. Ła vita privà che ło rivarda xe senpre protagonista del petegołeso e ghe xe cussì un forte contùrbo quando Michelle Hunziker, in ocaxion del Festivalbar, che prexenta, ghe tòca anunciar cofà vinsidor de sta manifestasion, el cantante, davanti ad un publico in dełirio.[14][15] .

Eros Roma Live e Calma apparente[canbia | canbia sorxente]

'Ntel disenbre 2004, vien fora el pì-spetà DVD de Ramazzotti, Eros Roma live indove el se exibise al ''Stadio Ołinpico'' de ła so sità nadàl indove tuto xe scomissià. [16]

'Ntel novenbre del 2005 ese el libro Eros - Lo giuro de Luca Bianchini che conta ła vita e i sucesi del cantante. El libro fa scoverxer anca dei aspeti, conportamenti e anètodi che el più de ła xente no conosse. I proventi de sto łibro xe stài devołùi a ła Lega del Filo d'Oro.

El 28 otobre 2005 [17], xorno del so conpleano, vien publicà e meso so'l mercà el so decimo disco Calma apparente che in Eoropa vende un miłion de copie in un soło mexe (raxonxarà 4 miłione de copie) e 'l vegnarà premià co'l Platinum Europe Award che ghe xe stà consegnà a Parixe. El xe primo artista a utiłixàr par sto laoro oltra al normal CD, el DualDisc, suporto formà, da 'na so' 'na banda da un senplice CD e da queł'altro un DVD dove se cata dei contegnùi speciałi. Ne l'albun se cata 13 canson, co' più un doto, I belong to you (il ritmo della passione) , publicà anca cofà ugnòło co' ła cantante Anastacia. I altri ugnòłi tirài xo xe La nostra vita, Bambino nel tempo e ła struxente Sta passando novembre. Xe fasilmente intuibiłe che anca staltro, cofà altri so albun, xe stà un suceso a liveło mondiałe. Eros Ramazzotti in 25 ani de carièra, gà vendùo qualcossa cofà oltra 55 miłioni de dischi in tuto el mondo.

e2 - La seconda raccolta[canbia | canbia sorxente]

Dopo 'na istà ancora pasà in sima a łe clasifeghe co'l el doto Domo mia (canson cantà in sardo co' i amighi Tazenda),[18] Eros torna co' un novo albun.

El 26 otobre del 2007 vien publicà 'na dopia racolta de sucesi, co' 4 novi brani e rivixitasion e anca de łe cołaborasion inportanti cofà queła par el primo ugnòło estrato, Non siamo soli dotando co' Ricky Martin che xe xa trasmeso da łe radio scominsiando dal 21 setenbre 2007. El singoło raxonxe subito el primo posto in clasifica.[19] L'albun, formà da do cd, el primo co' 4 inediti 14 canson rimasterixàe, 'ntel segondo 17 grandi sucesi rivixità co' artisti del całibro de Carlos Santana, Wyclef Jean (Fugeees), Steve Vai, John Spencer, Amaia, London Session Orchestra, Pat Leonard, Rhythm Del Mundo, The Chieftains. A pochi xorni da l'insìda el scòde subito un gran suceso: otien la sima de ła clasifica in Itała e segonda in Eoropa dadrìo soło che ai Eagles.[20] A distansa dei pochi mexi l'abun raxonxe pì de 2 miłione de copie vendùe in Eoropa, se clasifega al primo posto infra i albun pì vendùi in Itałia, Svissera e Svesia 'ntel 2007 e resta ne ła top ten eoropeoa par quatro mesi.

Inaxonta, el sona l'asoło de chitara ne l'albun Sei fantastica de Max Pezzali.

'Ntel mexe de aprìl 2008 Eros nei Stati Unìi riseve el premio del NIAF pa'l stradorxenario contributo ch'el ghe gà dà a ła muxega itałiana 'ntel mondo.[21]

A otobre 2008 el va in Austrałia par tre date "tute exaurìe" e anca in sto caxo l'albun intra in clasifega anca in Austrałia.[22]

Ali e Radici, el tour mondiałe e 'l novo DVD live[canbia | canbia sorxente]

Antisipà da l'ungnòło Parla con me, trasmeso in radio a partir dal 24 avrìl 2009, el 22 majo 2009 in tuto el mondo xe usìo Ali e radici (RCA/Sony Music), el novo disco che gà dei inediti. Ghe xe 11 canson sensa nissun doto. In pì, ghe xe 'na dodisexima trasa che no se cata ne l'albun ma se pol descargàr dal sito iTunes Store ciamàda Linda e il mare.

L'insìda del disco, rejistrà a Los Angeles, gà antisipà de qualche mexe el tour mondiałe che jera stà anuncià, e che xe scumissià 'ntel mexe de otobre 2009. Ne ła soła prevendita, co' più de 210 000 prenotasion, el se gà axudegà tre dischi de platino.[23] A liveło mondiałe, el disco, gà vendùo più de 800 000 copie ne l'arco de 10 mexi da ła data de rełàso restando infra i albun pì vendùi de l'ano 2009.

Par promovèr el disco, Eros decide de fàr un novo tour, Ali e Radici World Tour 2009/2010, che ło tegnarà ocupà infra l'autuno del 2009 e l'istà del 2010 in tuta Eoropa co' oltra 60 concerti e par la prima volta in Africa co' 'na tapa a Cartagine in Tunisia.

'Ntel mexe de magio 2010 Eros Ramazzotti se gà exibìo nei paexi de l'America Łatina cantando in Mesico (Guadalayara, Monterrey, Mexico City), USA (Miami), Venezuela (Caracas), Portorico e Santo Domingo.

In ocaxion de ła tapa de Bergamo del 16 lujo 2010 Eros Ramazzotti xe stà premià pa'l mejo tour de l'ano co' sta motivasion: "Na produsion che gà savesto misiàr el rafinà sviłùpo de un concept teatrałe co' ła music pop, utiłixando łe tecnołogie pì a l'avanguardia inplementàe e megioràe co' sołusion inovative sviłupàe ad hoc co' creatività e conpetensa co' altisime profesionałità itałiane ed internasionałi ciamàe a redescovrìr paròmo el pròpio precixo ròło, sviłupando un spetacòło straxordenariamente vario e coinvolxente soto el ponte de vista senografego e alto livèło internasionałe.

El 30 novenbre 2010 ese ed dopio CD live e 'l DVD ciamà: 21.00 EROS LIVE WORLD TOUR 2009/2010 (Rca/Sony Music). Registrà durante el so ultimo tour mondiałe che ło gà conpagnà in 30 Paexi del mondo.

2011-2012: Eros Best Love Songs e 'l albun che vegnarà[canbia | canbia sorxente]

El febraro 2011 vede Eros Ramazzotti trionfàr ne ła categoria "Best International Music Artist" indove el s'à exibìo so'l palco todesco del Golken Kamera co' un medley de "Cose della vita", "Più bella cosa" e "Non possaiamo chiudere gli occhi".

'Ntel 2011 el cantante gà raxònto 50 miłione de copie vendùe, consacrandose ła star itałiana de mazor suceso 'ntel mondo.

Senpre 'ntel 2011 Eros lasa ła caxa discografega Sony Bmg, par firmàr un contrato co' Universal Music Itałia.

'Ntel 2010 el scrive anca el brano Inevitabile par la cantautrice itałiana Giorgia. Ła canson se cata 'ntel disco de inediti de ła cantante, Dietro le apparenze e xe ła prima volta che Giorgia ed Eros dota insieme. Sta canson ła xe estrata cofà terso ugnòło (singòło) da l'albun de Giorgia.[24] 'Ntel 1995 Eros gavea xa cołaborà co'Giorgia, el ghe gaveva scrito el brano "Come Saprei", vinsidor del Festival de Sanremo. El 31 xenaro 2012 Inevitabile vien sertifegà da FIMI disco d'oro par le oltre 15 000 copie vendùe.[25]

'Ntel 2012 vien fora 'na racolta de l'ex casa discografica Sony Music intitołà Eros Best Love Songs, che gà al so interno tuti i sucesi dal 1985 al 2009, più el doto co'Giorgia che ghe xe ne l'albun Dietro le apparenze de ła cantante romana.

Atualmente, el cantante xe drìo łavoràr so l'albun che usirà de inediti che sarà publicà soto el nome de ła so nova eticheta discografica, ła Universal Music Group.

Ła segonda paternità[canbia | canbia sorxente]

El cantante, che s'à fidansà co' ła modèła bergamasca Marica Pellegrinelli che ło gaveva premià ai Wind Music Awards 'ntel magio 2009, gà avùo da eła 'na fìa, nata el 2 agosto 2011, che xe stà ciamà Raffaella Maria, da l'union dei nomi de łe none paterna e materna.[26]

Discografia[canbia | canbia sorxente]

Exquisite-kfind.png Par saverghene de pì, varda ła pajina Discografia de Eros Ramazzotti.


EP[canbia | canbia sorxente]

Studio[canbia | canbia sorxente]

Racolte[canbia | canbia sorxente]

Live[canbia | canbia sorxente]

DVD[canbia | canbia sorxente]

Discografia in lengoa spagnoła[canbia | canbia sorxente]

Racolte spagnołe[canbia | canbia sorxente]

Live spagnołi[canbia | canbia sorxente]

Doti[canbia | canbia sorxente]

Doti co' muxicisti[canbia | canbia sorxente]

Autor[canbia | canbia sorxente]

Cover[canbia | canbia sorxente]

Onoreficense[canbia | canbia sorxente]

Comendator del Ordene al Merito de ła Repubblica Itałiana - Roma, 4 marso 2006[27]

Incosamenti[canbia | canbia sorxente]

'Ntel mexe de otobre 2011, Eros Ramazzotti, Rod Stewart, Sting, Julio Iglesias, ed Ennio Morricone gà tegnùo concerti a Tashkent, cavedałe de l'Uzbekistan, cofà eventi prinsipałi del festival culturałe che se organixa co' periodicità anuałe.[28] Łe połemiche nase dal fato che'l festival xe considerà espresion del poter ditatorial de Islam Karimov, ła cui fìa, Gulnara Karimova, xe promotrice e organixatrice de l'evento.[28] Il festival fornisce uno strumento di visibilità, propaganda e consenso a uno dei pexo regimi del pianeta, considerà, segondo i raporti de Human Rights Watch, infrà i pì truci e repsìvi del mondo, tanto da begàrse el primato negativo co' i regimi de Corea del Nord e Birmania.[28]

Curioxità[canbia | canbia sorxente]

  • 'Ntel 2006 Laura Pausini gà reałizà 'na reintrepretasion de Stella Gemella nel so albun Io canto.[29] Ła canson xe stà prodota anca in version spagnoła (Estrella gemela). 'Ntel 2007 a Miłan, durante ła tapa del tour de Io canto registrà 'ntel DVD San Siro 2007. Laura canta Favola 'conpagnà ai strumenti da Gabriele Fersini e Paolo Carta: entranbi ex chitaristi in diversi tour de Ramazzotti.
  • Eros, a propoxito de alcune aparision nei film de Fellini, gà dichiarà, in un'intervista ne ła trasmsion Che tempo che fa condota da Fabio Fazio, de aver ciapà parte al film Amarcord ne ła sena de łe bałe de neve.
  • El gà 'na granda pasion pa'l calcio tanto da far parte ne ła Nasionałe cantanti de calcio e anca se nato a Roma el tifa par la Juventus.
  • 'Ntel 2008 ła canpionesa de scherma Valentina Vezzali ałe Ołinpiadi de Pechino 2008, se autodedica ła canson Per me per sempre prexente ne l'albun de Eros Stilelibero in ocasion de ła so medagia d'oro.
  • El fa parte de ła Nasionałe cantanti e'l xe el xogaodr pì prołifico co' 128 gol.
  • Eros Ramazzotti xe cità co' Julio Iglesias ne ła canson Macho Macho de Rainhard Fendrich.
  • Fabri Fibra, nel so brano, La soluzione, cita el cantante co' ste parołe: Eros Ramazzotti è il mio grande fan/Capisci? Eros è mio fan!.

Note[canbia | canbia sorxente]

  1. (IT)Brilla Maradona Roma ai suoi piedi - Gazzetta dello Sport
  2. (IT)Nasionałe Itałiana Cantanti
  3. (IT) [1] trato da La Repubblica.it
  4. (IT) wwww.repubblica.it/speciale/2003/sanremo/storia/1985.html trato da La Repubblica.it
  5. (IT) [2] trato da La Repubblica.it
  6. (IT) trato dal sito uficiałe del Festivalbar
  7. (IT) trato da La Repubblica.it
  8. [3] tratto da Corriere della Sera.it
  9. (IT)Nozze in aprile per Ramazzotti e per la Ventura
  10. (IT)Ramazzotti,-concerto-breve-e-insulti-ai-tifosi-del-Torino- www.rockol.it, 27 06 1998. URL consultà in data 07-12-2008
  11. archivio.sorrisi.com/sorrisi/personaggi/art023001000101.jsp«La musica e mia figlia Aurora mi aiutano a vivere»
  12. (IT)[4]Eros: "La vita oggi
  13. (IT) Articoło trato dal Corriere della Sera
  14. (IT)[5] dal sito ufficiale del Fesivalbar
  15. [6] tratto dal sito del Corriere della Sera
  16. (IT) [7]
  17. (IT) [8]
  18. (IT) Trado dal sito de La Nuova Sardegna
  19. (IT) [9]
  20. (IT) [10] articoło dal Corriere della Sera
  21. (IT) Trato da Mtv.it
  22. (IT) trato dal sito Radio Italia solomusicaitaliana
  23. (IT) Articoło so ła rivista "Donna Moderna"
  24. (IT) GIORGIA: IL NUOVO SINGOLO "INEVITABILE" IN DUETTO CON EROS RAMAZZOTTIIN RADIO DAL 18 NOVEMBRE|FACEBOOK
  25. (IT)http://www.fimi.it/temp/cert_GFK_download_032012.pdf
  26. (IT) [11] trato dal sito de Repubblica.it, titoło:"Ramazzotti papà; è nata Raffaella Marica
  27. (IT) Le gaffes di Ramazzotti (tra Pausini e Bocelli) alla Cerimonia con Letta
  28. 28,0 28,1 28,2 Marco Fraquelli, Al dittatore piace la musica. Ramazzotti in concerto in Uzbekistan: chi sono i preferiti dei potenti, da «Lettera43»
  29. (IT) [12]


Voxe łigàe[canbia | canbia sorxente]

Altri progeti[canbia | canbia sorxente]


Siti da vardàr[canbia | canbia sorxente]