Umberto Tozzi

Umberto Tozzi

Biografia
Nasimènto	(it) Umberto Antonio Tozzi (72 ani) Turìn (Itàlia)
Atività
Ocupasion
Atività	1968
Zènare	Rock
Voze	Tenor
Instrumento muxegałe	Chitara
Targheta discogràfega	Numero Uno (1969-1975) CGD (1976-2005) HBO (2006-2007) Momy Records (2008-oggi)
Àlbun	28
Àlbun stùdio	18
Àlbun dal vivo	3
Àlbun compilation	7
Partesipante in
1987	Eurovision Song Contest 1987 (it)
Repertòrio
Pop Rock
Fameja
Fradełi	Franco Tozzi (it)
Festival de Sanremo, premià par Si può dare di più
Sito web	umbertotozzi.com

Umberto Antonio Tozzi (Torin, 4 marso 1952 el ze un cantautor e ghitarista itałian. Co 70 milioni de copie vendùe, Umberto Tozzi el ze infrà i artisti itałiani che i ga vendùo el mazor nùmaro de dischi.

Biografia

El nase a Torin el 4 marso 1952 da zenidori orizenałi de Rodi Garganico in Provincia de Foxa. El ze el menor de só fradèło Franco Tozzi conosùo discretamente inte i ani sesanta, el move i primi pasi a livèło muzegałe deventando el ghitarista de'l grupo che ło 'conpanja in tournée.

Inte el 1968, co'l ga sèdeze ani, el intra inte i Off Sound, un grupo rock torineze de bocie co'l cuało el 'conpanja anca só fradèło co'l cual el debuta in discografia inte'l 1970 indove el canta na strofa inte ła canson Qui. A Miłan el conose Adriano Pappalardo e co eło el crea un grupo de trèdeze ełementi e se zonta anca par el tour. El intra anca inte'l grupo La Strana Società restàndoghe insìn a'l 1976, co'l cuało el ga partesipà anca a Un Disco Par l'Estate, a un Festivalbar e a na edision de'l Festival de Sanremo; de 'sto grupo A ze famoza ła canson Popcorn.

I ani Setanta e i Data

Inte el 1973 el sona ła chitara ełetrica inte el solo del brano Incontro d'amore inciso so un 45 ziri de ła Numero Uno (Caxa discografica) de Lucio Battisti che come lai B ga Go man, de ła cantautrice 'mericana Marva Jan Marrow. Senpre in quel medemo periodo el continua a far el sesion man par la Numero Uno, sonando co el baterista Euro Cristiani in nùmarosi dischi de sta casa discografica, cofà par esempio Un essere umano ed Infinite fortune de Oscar Prudente.

Inte el 1974, a l'età de vintido ani, el scrive co Damiano Dattoli ła canson Un corpo e un'anima, che interpretàda da Wess e Dori Ghezzi vinçe "Canzonissima" de quel'ano; co el stesso Dattoli e Massimo Luca forma un grupo (i Data) che inçide inte el medemo ano un disco singoło (''Strada bianca'') par la casa discografica de Lucio Battisti, disco dasseno raro parchè stanpà in poche copie. Inte el 1975 el xe stà autor de ła musica (sempre co Dattoli, so testo de Maurizio Piccoli) de un brano un puòco conossùo par Mia Martini el cui titòło jera Io ti ringrazio; inazonta el cołabora co Ivano Fossati come coarangiator par l'albun Good-Bye Indiana.

L'incontro avùo co el musicsita produtor-parolièr Giancarlo Bigazzi crea un doto fisso e pien de sucesi. Inte el 1976 el debuta co l'albun ''Donna amante mia'' che al so interno ga anca Io camminerò, za inciso co Fausto Leali ma drìoman reciapà anca da Mina.

El sucèso a liveło personałe ghe riva un ano drìo quando ch'el insìde Ti amo che vinse el Festivalbar e resta in sìma a ła clasifica dei singołi pì vendùi sensa mai fermarse dal 23 lujo insìn al 22 otobre 1977, (1.147.000 copie vendùe in Fransa, 8.000.000 in volta par tuto el mondo. Inte el 1978 ese Tu che sevita el suceso avùo da ła canson "Ti amo".

El 1979 xe l'ano de ''Gloria'', el so brano pì famoso che, dal 1979 al 1984, vende 29 milion de copie par tuto el mondo, e a coràndo se poxisiona al primo posto anca in Svisera e in Spagna.

Ste tre canzon ("Ti amo", "Tu" e soratuto "Gloria") farà el ziro del mondo. Sia Ti amo che Gloria sarà cantàe in Inglese da Laura Branigan, che rivarà al primo posto de ła clasifica dei singołi americana pròpio co Gloria inte el 1983. Resultado riussìo nome che a un altro itałian : Domenico Modugno co''Inte el blu dipinto di blu''. In Fransa invese, Ti amo ga un gran sucesso ne ła version fransexe interpretàda da Dalida , mentre inveçe in Xermania sarà Howard Carpendale a far na cover de sto brano.

In azonta ghe xe ła produsion de un singoło del so baterista Euro Cristiani insìo pròpio durante l'istà del 1979. L'amore ze quando non c'è più, che Tozzi reciaparà inte el 1991 ne l'albun Gli altri siamo noi e ne l'albun Superstar del 2009.

I ani Otanta

I ani 1980 se verze co l'albun Tozzi, strassinà da l'hit single Stella Stai, seguìo dal so primo disco live, In concerto, dagnora del 1980. Inte el 1981 ese Notte Rosa seguìo da Eva del 1982. El ga l'uso de publicàr ogni ano un albun (e sempre poco prima che vegna l'istà, vegnindo mensonà "cantante par l'istà" - defiision poco amàda da eło) - se interompe inte el 1983 col xe drìo publicàr nome ch'el 45 xiri Nell'aria c'è, hit dal saor de istà. Inte el 1984 el publica un altro disco Hurrah, drìoman el se slontana par un çerto periodo insìn al 1987, quando in conpagnia de Gianni Morandi e Enrico Ruggeri vinçe el Festival de Sanremo 1987 co Si può dare di più, brano che zera a l'interno de ła racòlta Minuti di un'eternità publicà a l'indoman de ła vitoria de Sanremo. Co Raf el parteçipa a l'Eurovision Song Contest co Gente di mare clasifegandose terso. Inte l'otobre del 1987, ese su'l mercà, (dopo tre ani de atesa), el so albun de inediti invisibile (che ga anca Immensamente). Inte el 1988 ghe xe ła publicasion del so segondo disco dal vivo Royal Albert Hall, registrà inte el medemo teatro de Łondra el 21 febraro de quel ano.

I ani Novanta

Inte'l 1991 el partesipa darecào a'l Festival de Sanremo co la canson Gli altri siamo noi, brano che'l dà el titoło a cuel albun, anca se el gavarave vosùo partesipàr co Un adagio par dirti addio; 'sto brano, só desizion de Bigazzi, el só cołaborator, el ze stà riciapà da Marco Masini par creàr Perché lo fai, par 'sta razon ghe ze stà la garbéta separazion artistega tra i do : Tozzi e Giancarlo Bigazzi. 'Sto fato el menarà Tozzi a fermarse par un parìodo.

Inte'l 1994 Umberto el torna vinser el Festivalbar co ła canson Io muoio di te trato da l'albun Equivocando, i brani estrati i ze Io muoio di te, Lei e Equivocando. Inte l'albun Tozzi eldeventa a tuti i efeti cantaudor, scrivéndoghe sia mùzeghe che testi.

Inte'l meze de avrìl de'l 1996 el pùblega Il grido seguìo da Aria % Cielo de'l 1997 (a cuełi testi ghe gaveva cołaborà anca Mogol). L'albun publegà inte'l 1999 che'l ga serà el miłenio el ze Bagaglio a mano de cui i primi do brani Conchiglia di diamante e Mai più così i zera inediti . El primo da'l saor estivo, e el segondo dedicà a ła separasion avùa co só muger Monica. I altri trèdeze brani i se refà ai só brani pì famozi.

I ani Domìłe

El nòvo miłenio se verze par Tozzi co el ritorno a Sanremo co la canzon Un'altra vita(2000) seguìa da un albun drìo che soło in Itałia ga vendesto più de 150.000 copie, l'albun Un'altra vita da l'omonema canzon ch'el ga menà a Sanremo.

'Nntel 2002 ghe xe ła publicazion de un CD dopio The Best of el cui singoło de rimarco xe E non volo (R. Pacco - U. Tozzi - G. Giacomello).

Inte el 2005 el partesipa par l'ultima volta al festival de Sanremo col brano Le Parole (scrito a quatro man col zovene cantautor Riccardo Ancillotti dando el nome a l'albun publicà.

Inte el 2006 el festegia i so primi trent'ani de carièra da sołista, registra tre avegnimenti de rimarco, a fevrèr, un concerto sold-out che xe intrà ne la storia a l'Olympia de Parigi, e insenbre a l'insìda de un novo progeto Heterogene in cui el proa nòvi soni e stiłi muxicałi, cofà ambient, lounge e chill-out e col cuało Tozzi sbandona l'esperiensa de trent'ani avùa coła casa discografica Warner par tacàr na nòva esperiensa co MBO. Inazonta el 26 de Mazo vien publicà un dopio cd dal nome Tutto Tozzi, greatest hits in cui ghe xe 43dei so più grandi sucessi, do de questi xe in franseze, in cùbia co Lena Ka e Céréna, za best-seller inte el mercà de oltralpe inte el 2002 e 2003.

El xe uno dei cantanti pì conossùi a l'estaro e durante ła so carièra ga vendùo oltra 50 milioni de dischi.

El 24 novenbre del 2006 el publica un albun in colaborazion co Marco Masini, col qual gavea za colaborà durante el concerto al Royal Albert Hall de Łondra inte el 1988. Sto albun ciamà col nome dei do Tozzi Masini ga sedese trasse, conponeste da tre inediti seguìi da le rivisitazion da parte de uno de le canzon de l'altro, cavando fora T'innamorerai che xe stàda cantàda in dòto.

Inte l'istà del 2008 el organiza na tournée internazional co data de spico el 18 lugio a Verona co l'U.T. Day, zornada realizàda dal so sito internet ufiçial in cui Tozzi par la prima volta ga dedicà na zornada intièra ai so fans, prima co na direta radiofonica, può co un incontro e in fenimento co un concerto in piassa co 11 000 parteçipanti che rivava da tuta Europa.

L'8 setembre 2008 vien publicà nome che sul web Petite Marie, cover de na vecio canzon del 1974 incisa in Franza da Francis Cabrel, cantautor franseze ben conossùo. El recavàdo de la vendita del signolo vien devolùo par intièro in benefiçenza par un ospeàl pediatrico. Sto brano, inazonta, verzarà la strrada ad un duplice progeto : un dopio CD dal titolo Non solo (Live), insìo el 23 zenèr 2009, precedùo da un singolo de gran presa tipicamente "tozziana" dal titolo Anche se tu non vuoi, seguìo dal segondo singolo Cerco oncora te, componesto da Emilio Munda e Matteo Gaggioli. Tal insìda se 'compagna al slanzo de un setemanàl audio tuto dedicà a la so musica, la Tozzi Radio Web gestìa da Massimo Bolzonella e Bruno Mannella, co el suporto grafico tecnico de Maurizio Calvani. I tre gestisse el sito ufiçial e xe oramai considerài streti colaboratori a puzo de l'atività promozional de l'artista torinese.

I ani Domìłediese

Çitadìn italian residente inte el Prinçipado de Monaco da difarenti ani. El 2 lujo 2011 se esibisse 'rente el Pałaso dei Prinsipi de Monaco a le nosse del prinçipe Alberto II de Monaco co Charlène Wittstock, drìo l'invìdo del stesso prinçipe.

El 26 marzo 2012 xe insìo uscito in Franza, Belzo e Svisera l'albun Yesterday, today. El 15 magio 2012 xe insìo el nòvo albun de Umberto Tozzi, un dopio cd, rispetivamente co el riarangiamento dei so 17 singołi e co 11 nòve canzon.

Inte el 2013, la so famosa hit, Gloria, viene sielta da Martin Scorsese, par el so film co Leonardo Di Caprio, The Wolf of Wall Street cofà cołona sonora orizinàl.

Da l'8 febraro 2014 parte, dopo çinque ani de asenza dal palcosenico, el Tour 2014 de Umberto Tozzi, co tape, tra łe pì inportanti, Torin, Roma, Miłan, Bołogna e el Teatro Ariston de San Remo. Nei vari concerti el cantarà tre nòvi inediti, non oncora disponìbiłi in CD o in download digitałe, Sei tu l'immenso amore mio, Meravigliosa e Andrea.

Prosedimenti giudisiari

El 16 zugno 2012 el vien condanà a un ano de reclusion par evasion fiscałe.

Partecipaison al Festival de Sanremo

Edision	Artista	Brano	Autor	Categoria	Poxision	Premi
Festival de Sanremo 1987	Umberto Tozzi & Gianni Morandi & Enrico Ruggeri	Si può dare di più	Bigazzi/Tozzi/Raf	Canpioni	1	Premio Primo Posto
Festival de Sanremo 1991	Umberto Tozzi	Gli altri siamo noi	Bigazzi/Tozzi	Canpioni	4	-
Festival de Sanremo 2000	Umberto Tozzi	Un'altra vita	Tozzi	Canpioni	16	-
Festival de Sanremo 2005	Umberto Tozzi	Le parole	Tozzi & Ancillotti	Omeni	Non Finałista

ista | -

|}

Discografia

Albun co i Data

• 1974 - Strada bianca

Albun sołista

• 1976 - Donna amante mia
• 1977 - È nell'aria...ti amo
• 1978 - Tu
• 1979 - Gloria
• 1980 - Tozzi
• 1981 - Notte rosa
• 1982 - Eva
• 1984 - Hurrah (ristampato in CD inte el 1989, col titoło Nell'aria c'è)
• 1987 - Invisibile
• 1991 - Gli altri siamo noi
• 1994 - Equivocando
• 1996 - Il grido
• 1997 - Aria e cielo
• 2000 - Un'altra vita
• 2005 - Le parole
• 2009 - Non solo live (doppio: un CD co brani inediti in studio e un CD live)
• 2012 - Yesterday, today (doppio: un CD co brani inediti in studio e un CD best of co brani riarangiài)

Albun cover

• 2006 - Tozzi Masini (con Marco Masini)

Albun speciałe

• 2006 - Heterogene

Racòlte co riarangiamenti

• 1999 - Bagaglio a mano (co 2 inediti)
• 2009 - Superstar (co 2 Inediti)

Racòlte clasiche

• 1987 - Minuti di un'eternità
• 1991 - Le mie canzoni (Donna Amante Mia e Io Camminerò xe version ricantàe)
• 2002 - The Best (co 2 inediti)
• 2006 - TuttoTozzi
• 2013 - Collection: Umberto Tozzi (triplo cd)

Live

• 1980 - In concerto
• 1988 - Royal Albert Hall
• 2009 - Non solo live (doppio: un CD co brani in studio e un CD live)

45 xiri

• 1973 - Incontro d'amore/Go man (el brano sul lato B xe cantà da Marva Jan Marrow)
• 1974 - Compleanno/Attore di varietà (co i Data)
• 1975 - Una manciata di sabbia/Par carità (co La Strana Società)
• 1975 - Cucciolo di donna/Ma che ragione hai (co La Strana Società)
• 1976 - Donna amante mia/Ripensando alla Freccia del Sud
• 1977 - Ti amo/Dimentica dimentica
• 1978 - Tu/Perdendo Anna
• 1979 - Gloria/Aria di lei
• 1980 - Stella stai/Gabbie (anche in version 12" extended mix - solo promosionałe par l'Itałia)
• 1982 - Eva/Mama
• 1983 - Nell'aria c'è/Come un carillon
• 1984 - Hurrah! (edit)/Hurrah! (English version - edit) (anca in version 12" lp version - CGD 15147)
• 1987 - Si può dare di più/La canzone della verità (con Gianni Morandi e Enrico Ruggeri) (anca in version 12" picture disc numarà e 12" stanpà su un lai ugnoło, sul cui retro xe riprodote in rilievo łe firme dei tre artisti)
• 1987 - Gente di mare/Lascia che sia il tuo cuore (in cùbia co Raf) - Stanpà co 2 covertine diverse (ma un mucio simiłi), ma steso num. de catałogo. Le difarense xe dovùe a la scansełasion del logo so ła maja de Raf.
• 1987 - Immensamente/Se non avessi te
• 1988 - Immensamente (remix edit)/Tu sei di me (live) (anca in version 12" extended mix)
• 1991 - Gli altri siamo noi/Dimentica dimentica (live) (stanpà co buxo centrałe cèo) (anca in version 12" extended mix)
• 1991 - Gli Innamorati/Gli altri siamo noi (stanpà co buso central picoło)
• 1991 - "Presto io e te/Gente di mare (Live - co Raf)"

Cd Single

• 1994 - Io muoio di te (anche su mix 12"); Lei; Equivocando
• 1996 - Il grido; E ti voglio; Miracolo d'amore
• 1997 - Aria & cielo; Quasi quasi
• 1999 - Conchiglia di diamante; Mai più così
• 2000 - Un'altra vita (singolo); Io e te naturalmente; Rosa di frontiera
• 2002 - E non volo; Angelita; You and I (singolo Umberto Tozzi); We are all the same
• 2005 - Le parole (singolo); Sopra l'oceano
• 2006 - Come si fa; Anima italiana
• 2009 - Petite Marie; Anche se tu non vuoi; Cerco oncora te; L'amore ze quando non c'è più
• 2012 - Se tu non fossi qui

Materiałe video

• Live Royal Albert Hall (VHS, 1989 - ed. Don't Worry)
• Le Mie Canzoni in Concerto (VHS, 1991)
• Live at Maple Leaf Gardens Toronto (VHS, 1993)
• Equivocando Tour (VHS, 1994)