Luciano Pavarotti

Da Wikipedia, l'ençiclopedia libara.
Va a: navigasion, serca
Luciano Pavarotti
Pavarotti nel 2002
Pavarotti nel 2002
Informasion xenerałi
Nasùo/a 12 de Otobre 1935, Modena
Morto/a 6 de Setenbre 2007, Modena
In atività dal 1960-2006
Xenere muxicałe lirica
Eticheta discografega
Strumento voxe
Atività prinsipałe cantante
Discografia
Àlbun publicai 82
Studio 82

Luciano Pavarotti (Modena, 12 de otobre 1935Modena, 6 de setenbre 2007) xe stà un tenor itałian. El xe stà tra i artisti italiani pì apresà in tuto el mondo par ła so voxe e par ła so' particolar sinpatia. El xe ritenùo un de quei che i ga fato granda la storia de ła mùxica itałiana a łiveło mondial, insieme co Enrico Caruso, Beniamino Gigli, Franco Corelli, Mario Del Monaco, Giuseppe Di Stefano e Carlo Bergonzi. Co el spetacoło "Pavarotti & Friends" e łe so' tante cołaborassion (xe da ricordàr la costitusion del grupo de I Tre Tenori, co' Plácido Domingo e José Carreras), l'ha consolidà na popołarità che g'ha dà el modo de farse conossar dapartuto, anca al de fora del'anbito musical, tanto da essar considerà el mejò dei tenori itałiani de tuti i tenpi. Co' piassé de 100 milioni de copie vendùe en te'ł mondo; el par che sia, anche par łe vendite, fra i primìsimi cantanti de ogni tipo de musica.

Biografia[canbia | canbia sorxente]

"Cuàndo Pavarotti xe nasuo, Dio el ga basà le cordełe vocałi"

Fiol de Fernando Pavarotti e de Adele Venturi, e gavea na soreła, Gabriella. A so pare el ghe piasea cantar, ma łu no gavea mia fato el conservatorio. Xe nà a scoła a l'Istituto Magistrałe de Modena (ła stessa de Francesco Guccini) e da xovene el vołea deventar profesor de ginastica. Ghe piasea cantar e łora ga deciso de andar a studiar par deventare cantante. El xera molto brao e 'ntel 1961 el ga vinto un concorso: l'Achille Peri; in queł steso anno el ga scomisià a cantar in te ła musica lirica. Visto che xera stà apresà da tanti, xe sta ciamà a cantar anca fora da l'Itałia. El gà avùo tanto suceso in tanti Stati, soratuto in te ła Merica, e xe sta łà par tanti ani. Cuàndo ch'el xe tornà in Itałia, ga fato tanti spetacołi a Verona, in te l'Arena. Dal 1990 a ła so morte, el ga fato altri spetacołi en giro par el mondo: in Brazil, in Rusia, in Inghiltera e en tanti altri Stati. In sti ani el ga fato anca spetacołi co' i Tre Tenori. El xe morto nel 2007 neła so viła a Modena per un tumor.