Nelson Mandela

Da Wikipedia, ła ençiclopedia libara.

"No ghe strada facile par la libartà." (Nelson Mandela)

Nelson Rolihlahla Mandela xe on ativista e politego sudafricano. Mandela el xe nato a Qunu el 18 lujo 1918 e ora vive a Maputo, Mozanbico. El xe stà par tanti ani on leader de l’Africa National Congress – el grupo che combatea contro l’apartheid in Sudafrica – e prigioniero politego a Robben Island fin al 1991. En tel 1993, el gha vinto el Premio Nobel par la Pace. En Sudafrica, tuti i le ciama Madiba, titolo de rispeto par i anzsiani.

[modifica] Atività politega

Mandela gha scominzsià la so atività contro l’apartheid co el studiava lege. Le legi de l’apartheid (svilupo separà) le negava i diriti civili sociali e politeghi a tuti i non bianchi (neri, metici e axiatici) del Sudafrica. Mandela el xe entrà ne l'African National Congress – Congresso Africano Nazsionale – entel 1942, e el gha fondà la Youth League (Lega Giovanile) co Walter Sisulu e Oliver Tambo en tel 1944. El laoraa come avocato de giorno (studio Mandela-Tambo, che lavorava pro bono par i neri), e se impegnava ne el grupo anti segregazsione de sera e ne i giorni libari. Mandela el xe ono de i fautori de la Carta de la Libartà del 1955, dove se stabiliva el programa de resistenzsa contro el governo.

Mandela el xe stà aresta en tel 1956 e, dopo sie ani de proceso, el xe stà libarà par no verghe fato niente de criminale. Dopo el masacro de Sharpeville (1960) el gha acetà la lota armata contro el governo. En tel 1961, Mandela el gha fondà la Umkhonto we Sizwe (Lancia de la Nazsion), el grupo armà de el Congreso Africano Nazsionale. Come capo de el grupo, el xe stà lu a cordinare le atività de sabotagio e de guerilia. El xe stà arestà n’altra olta en tel 1962 e condanà a l’ergastolo en tel 1964. Mandela el se farà 26 ani de prizson.

Dopo la liberazsion el febraio 1990, Mandela el gha laorà par el pasagio non-violento a la demorazsia en Sudafrica. En tel 1994 el xe diventà el presidente del Sudafrica, e el vecio presidente (De Klerk) el xera el so vice-presidente. En tel 1993 el gavea condiviso el premio Nobel par la pace propio con De Klerk. Mandela el xe stà presidente fin al 1999.

[modifica] Vita privata

En tel 1996 el gha sposà, en terze nozse, Graça Machel – vedova del presidente mozanbicano Samora Machel. Dopo verghe lasà la presidenza a Thabo Mbeki, Mandela el sa ritirà ne la so casa a Rivonia, en tel nord de Johannesburg. El gha anca continuà la so campagna a favor de i diriti umani e contro l’AIDS.

Mandela el gha ricevù tante onorificenze importanti. Le pi importanti le xe: Premio Nobel; l’Ordine di San Giovani da la regina Elisabeta II; Medaglia Presidenziale de la Libartà da el presidente americano George Bush; el Bharat Ratna, el pi importante riconosimento civile indiano. El Bharat Ratna el xe dato solo a i indiani. Mandela e Madre Teresa de Calcuta i xe i soli non indiani che i lo gha ricevù.

Ancò el vive a Maputo, cavedal de el Mozanbico, dove el gha na caseta sul lungomar.

• Portałe Africa: varda łe altre voxe de Wikipedia che łe parla de Africa