Riccardo Cocciante

Da Wikipedia, l'ençiclopedia libara.
Va a: navigasion, serca
Riccardo Cocciante
Riccardo Cocciante
Riccardo Cocciante
Informasion xenerałi
Nasùo/a 20 febraro 1946, Saigon
In atività dal 1968
Xenere muxicałe Pop, Piano Rock Opara popołar
Eticheta discografega RCA Talent, Delta, RCA Italiana, Virgin Dischi
Strumento voxe - pianoforte
Atività prinsipałe cantautor, strumentista
Discografia
Àlbun publicai 25
Sito web

Riccardo Vincent Cocciante (Saigon, 20 febraro 1946) xe un cantante, conpoxidor e muxicista itałian.

Biografia[canbia | canbia sorxente]

I scominsi[canbia | canbia sorxente]

Cocciante nase a Saigon, in Vietnam, el 20 febraro 1946 da pare itałian de Rocca di Mezzo (in provincia de l'Aquiła e da mare fransexe. A undexe ani el se trasferise co' ła famegia a Roma indove el frequenta el Lycée Chateaubriand.

Xe in Itałia ch'el se forma, artisticamente parlando, anca s'el mantegnarà senpre, grasie a ła mare, 'na sorta de "dopia identità" itało-fransexe: in Fransa el xe conosùo come Richard Cocciante.

El taca exibirse nei locałi romani co' un pròpio repertorio co' testi in inglexe co' un so grupo, i Nations, e dopo alcuni provini co' alcune etichete, el vien meso soto contrato da ła RCA Talent, debutando 'ntel 1968 co'l pseudonemo Riccardo Cocciante insìdendo un 45 xiri, che però no vien considerà pasando inoservà.

Rimarcà da Mario Simone e Paolo Dossena, ghe vien proponesto de pasàr a ła so eticheta ła Delta co' cui el insìde, utiłixando el nome Richard Cocciante, 'ntel 1971 el 45 xiri Down memory lane/Rhythm e, 'ntel steso ano, ła canson Don't put me down, contegnùa ne ła cołona sonora del film Roma bene de Carlo Lizzani; queste incixion no otien però riscontri dal publico.

Cocciante conose in quel periodo i autori Marco Luberti e Amerigo Paolo Cassella: el decide quindi de pasàr a testi in itałian, scominsiando 'na cołaborasion co' i do autori, e firma un novo contrato co' l'RCA Itałiana, par cui publica 'ntel 1972 un concept albun co' influense muxicałi de rock progresivo, Mu, contando ła storia del continente perdùo Mu, ancora a nome Richard.

A łe registrasioni de l'albun ghe partesipa un gran nùmaro de muxicisti de un serto prestigio, tra cui el leader dei Brainticket, el flautista Joel Vandroogenbroeck, e'l tastierista Paolo Rustichelli (del do Rustichelli e Bordini).

El primo disco publicà come Riccardo xe Poesia del 1973 che, al roverso del presedente (costituìo da do suites, una par banda) xe conposto da canson nel stiłe co' cui Cocciante deventarà po' conosùo sucesivamente. Ła title track vien incixa nel steso periodo da Patty Pravo, e co'l tenpo deventarà una de łe canson pì conosùe.

El suceso[canbia | canbia sorxente]

El suceso riva 'ntel 1974 co' ła canson Bella senz'anima e da l'albun da cui ła xe tiràda xo, Anima, rangià da Ennio Morricone e Franco Pisano, che contien altre canson de Cocciante un mucio conosùe cofà par exenpio Quando finisce un amore, Qui (prexentàda pochi mexi prima del Festival de Sanremo 1974 da Rossella), Il mio modo di vivere (de cui el grupo de ła Schola Cantorum insidarà in una cover nel so albun Coromagia vol.2 del 1976) e L'odore del pane, xa conosùa parchè l'ano presedente gera stàda incixa da Don Backy che ła gaveva inserìa nel so albun Io più di te.

El 1975 xe l'ano de L'alba, che mena ancora Cocciante in clasifica grasie a ła canson omonema, publicàda so 45 giri, ed altre come Era già tutto previsto o Canto popolare (incixa anca da Ornella Vanoni).

'Ntel 1984 el conpone co' Santandrea La fenice, che partesiparà al Festival de Sanremo 1984 ne ła sesion Nove proposte.

Tra i altri so sucesi se ricorda Margherita, Io canto (che 'ntel 2006 Laura Pausini gà riportà in clasifica co' l'omonemo albun de cover), Cervo a primavera, Celeste nostalgia e Quando finisce un amore.

El gà vinto el Festival di Sanremo 1991 co' Se stiamo insieme.

El gà dotà co' Mina (Questione di feeling nel 1985 e Amore nel 1994), co' Mietta (Sulla tua pelle ed E pensare che pensavo mi pensassi almeno un po' 'ntel 1994) e co' Paola Turci (E mi arriva il mare 'ntel 1991).

Inaxonta el xe famoxo par aver conponesto łe òpare popołari "Notre Dame de Paris", "Le Petit Prince" (soło in Fransa) e "Giulietta e Romeo".

El gà visùo tanto in Itałia ma anca par longo tenpo nei USA e in Fransa; più recentemente a Dublin (Irlanda).

'Ntel 1994 Riccardo publica el CD Un uomo felice in cui propone diversi doti co' interpreti feminiłi del panorama de ła canson itałiana, fra cui spica ła Tigre di Taranto Mietta, in ben do brani, e ła Tigre di Cremona Mina, che co' Riccardo canta Amore, brano che gerà stà xà publicà vinti ani prima da l'autor de ła canson Maurizio Monti.

Ianxonta, Riccardo, 'ntel 1995 gà cantà tre canson, cołone sonore del film Toy Story, da łù tradote in itałian: Hai un amico in me ("You Got a Friend in Me"); Che strane cose ("Strange Things") e Io non volerò più ("I Will Go Sailing No More").

'Ntel 2006 el xe stà condanà par defràudo fiscałe in Fransa[1].

'Ntel 2009 el gà cantà ne l'ultimo disco de Claudio Baglioni "Q.P.G.A.", ne ła trasa "L'incontro".

De recente, 'ntel 2013 el gà partesipà come "couch" a ła trasmision che serca xovani tałenti "The Voice of Italy", in conpagnìa de Raffaella Carrà, Noemi, e Piero Pelù. Un programa che come dise łù, ghe gà fato ben e ghe insegnà un mucio ma che al steso tenpo gà mostrà ła so emosion e ła so particołàr sensibiłità.

Discografia itałiana[canbia | canbia sorxente]

Cocciante gà a l'ativo 'na vasta discografia in itałian, ma el gà anca prodòto canson in fransexe e spagnoło.

33 xiri[canbia | canbia sorxente]

a, PL 31352 e da nòvo 'ntel 1988, NL 71913)

CD[canbia | canbia sorxente]

45 xiri[canbia | canbia sorxente]

Note[canbia | canbia sorxente]

  1. Richard Cocciante condamné pour fraude fiscale - Libération

(Riccardo Cocciante condanà par defràudo fiscałe)

Bibliografia[canbia | canbia sorxente]

  • Pierguido Asinari, Riccardo Cocciante. 1971-2007. Dalla forma canzone al melodramma, Roma, Editori Riuniti, 2007
  • Autori Vari (a cura di Gino Castaldo), Enciclopedia della canzone italiana, editore Armando Curcio (1990); alla voce Cocciante Riccardo, di Ernesto Assante, pagg. 408-409
  • Autori Vari (a cura di Enrico Deregibus), Dizionario completo della canzone italiana, Giunti editore (2006); alla voce Cocciante Riccardo

Altri progeti[canbia | canbia sorxente]


Cołegamenti esterni[canbia | canbia sorxente]