Guere turco-venexiane

Da Wikipedia, l'ençiclopedia libara.
Va a: navigasion, serca
Pajina de disanbiguaxion Sta qua e a xè na pajina de disanbiguaxion par orientarse tra voxe omonime o dal titoło anbiguo.
Se ti si zonto qua da n'altra pajina, par favore torna indrio e corezi el cołegamento, indirixandoło a ła pajina pi aproprià.


Tra la Republica Veneta e l'Inpero Otoman xe sta conbatù oto guere ne l'arco de tri secoli. Ste guere le se ga spesso inserìo in un panorama pi xenerale de scontro tra l'Osidente cristian e i turchi, come nel caso de la batalia de Lepanto.

  1. La prima guera turco-venexiana (1423-1430), durante la quale i turrchi i ga ciapà Salonico
  2. La seconda guera turco-venexiana (1463-1479), durante la quale i turchi i ga ciapà Negroponte.
  3. La terza guera turco-venexiana (1499-1503). L'avenimento prinsipal de sta guera el xe sta la batalia de Zonchio (1499), con cui i turchi i ga tolto a Venexia le piazaforti greche de Lepanto, Modon e Coron.
  4. La quarta guera turco-venexiana (1526-1540)
  5. La quinta guera turco-venexiana (1570-1573). Cipro, venexiana dal 1489, la xe sta invasa dai turchi, che i ga ciapà subito quasi tuta l'isola. I veneti i ga tegnuo bota con gran corajo durante l'asedio de Famagosta, ma a la fine ghè tocà darghe Cipro ai turchi. I veneti i sa però rifato co la granda vitoria ne la batalia de Lepanto (1571), dove na flota de venexiani, genoesi, spagnoli e altri aleati i ga sconfito la flota otomana, che la ga perdesto la supremazia sul mar.
  6. La sesta guera turco-venexiana o guera de Candia (1645-1669). L'avenimento pi inportante de sta guera el xe sta l'asedio de Candia da parte dei turchi, ndà vanti par ben 22 ani (1647-1669). Venexia la ga proà a rebaltar la situazion con la spedizion venexiana dei Dardanei, ma nonostante le tante vitorie riportà, a la longa la situazion la xe deentà insostenibile, e Candia la ga dovù rendarse ai turchi.
  7. La setima guera turco-venexiana o guera de Morea (1684-1699). In sèvito de la sconfita otomana ne l'asedio de Viena, Venexia la xe tornà a la carica, e guidà dal grande amiraglio Francesco Morosini la ga conquistà tuta quanta la Morea.
  8. L'otava guera turco-venexiana (1714-1718), durante la quale i turchi i ga riciapà la Morea, ma i xe sta sconfiti ne l'asedio de Corfù, cosiché i venexiani i ga podù mantegner le isole Jonie.