Lepanto
Da Wikipedia, ła ençiclopedia lìbara.
| Lepanto | |
|---|---|
| Ναύπακτος - Nafpaktos | |
| Stato: |  Grecia |
| Coordinate: | |
| Altitudine: | 0/3 m s.l.m. |
| Superficie: | 159,9 km² |
| Abitanti : | 18.231 (2001) |
| Densità: | 114 ab./km² |
| CAP: | 303 xx |
| Prefisso tel: | (+30) 26340 |
| Targa: | ME |
| Status: | città |
| Sindaco: | ? |
  Lepanto
|
|
| Sito istituzional | |
Lepanto (in greco Ναύπακτος o Nafpaktos) la xe na sità de la Grecia che se cata ne la prefetura de l'Etolia-Acarnania a l'ingresso del golfo de Corinto. La xe famosa parché qua i ga conbatù varie batalie: la pi famosa la xe la batalia de Lepanto (1571).
[modìfega] Storia
Dopo le guere persiane, Atene la ga ciapà Lepanto, mandandoghe tra el 456 ed il 455 a.C. i esiliati de la terza guera messenica. Durante la guera del Peloponeso (431-404 a.C.) la ga servìo come base naval ateniese prima de essar ciapà dai spartani. In sèvito, soto de Filipo II de Macedonia, Lepanto la ga fato parte de l'Etolia e indopo, soto de i Romani, de la Locride.
Nel IX secolo la sità la jera la capitale del thema bizantin de Nicopoli e sede de un metropolita eclesiastico. Dopo la sità la xe passà a la Republica Veneta, che la ga costruìo dele possenti fortificazion, tanto che nel 1477 la sità la ga resistìo a un esercito turco de 30.000 òmeni. Parò nel 1499 i soldai de Bayezid II i xe riussìi a ciapar la sità. In te le aque de Lepanto se ga svolto nel 1571 la selebre batalia de Lepanto, ma la sità la ghe xe restà ai turchi par longhi secoli, trane na breve parentesi venexiana (1678-1699) ai tenpi de la guera de Morea. Nel marzo 1829 Lepanto el xe entrà infine a far parte de la Grecia indipendente.
