Verza

Da Wikipedia, l'ençiclopedia libara.
Verza
Verza
Vałori nutrisionałi par 100 g
Enerzia27 kcal (113 kJ)
Proteine2 g
Carboidrai6.1 g
 • Fibre3.1 g
 • Sùcari2.27 g
Grasi0.1 g
Àcua91 g
Vitamine
Vitamina A50 μg
 • β-caroteno600 μg
Tiamina (Vit. B1)0.07 mg
Riboflavina (Vit. B2)0.03 mg
Niasina (Vit. B3)0.3 mg
Àsido pantotènego (Vit. B5)0.187 mg
Vitamina B60.19 mg
Vitamina E0.17 mg
Vitamina K68.8 μg
Sałi minerałi
Càlcio35 mg
Fero0.4 mg
Fòsforo42 mg
Magnèzio28 mg
Manganezo0.18 mg
Potàsio230 mg
Zinco0.27 mg

Ła verza o anca càvorlo verza, (Brassica oleracea var. sabauda L.,) el ze on cultivar de càvorlo simiłare al càvorlo capuso, ma difarentemente da st'ùltemo el prezenta foje rugae, increspae e co nervadure prominenti.

Caratarìsteghe[canbia | canbia el còdaxe]

Pianta bienałe co raiza fitonante mia tanto profonda, ła ga on fusto reto, de longhesa raramente sora ai 30 sentimetri. La bała, verda o roso-violàcea, no ła ze tanto conpatada; le foje interiori łe ze bianco-załastre. El njien cultivà in vàrie zone d'Itàlia e el ze on ortajo racuanto conosesto.

Partegołar conformasion fojar (parte sora)
Partegołar conformasion fojar (parte soto)

Doparasion[canbia | canbia el còdaxe]

Ła verza ła połe èsar doparada inte na granda varietà de risete. Ła se spoza ben co vin roso, pomi, spèsie, cren e carne.[1] Ła połe èsar doparada par involtini, stufai o supe, cofà el Boršč ucràino,[2] ma anca par rosti e consai co l'ojo de ułiva. El połe èsar doparà in risete conservae cofà el kimchi o i cràuti,[2] e conpagnà da consadure forti e insòłiti cofà el zenevro.[3]

Ła verza de cuałità ła se ga co ła ze pezante, par łe so dimension, e col se prezenta co foje sensa mace e łe ga na siera lumenoza e fresca. L'alta stajon par ła majorparte de łe verze inte el emisfero setentrionałe ła va da novenbre a apriłe.[4]

Ła verza ła ne da: fibre, vitamine A , C , K e B6, àsido fòłego, potàsio, manganeze, tiamina, calcio, fero e magnesio.[2]

La verxa ła połe èsar de difìsiłe cultivasion, parché ła ze vulneràbiłe al bruco, picioni, e małatie de łe raize[4] Ła dal mejo inte el sołe pien,[5] rezistente a l'inverno, bona a sofrir el fredo, el zeło e ła neve.[1][5]

Notasion[canbia | canbia el còdaxe]

  1. 1,0 1,1 Savoy Cabbage, specialtyproduce.com. URL vardà il 23 de zenaro del 2017.
  2. 2,0 2,1 2,2 All about Savoy Cabbage, cookingwithamy.blogspot.co.uk, 29 de marso del 2013. URL vardà il 23 de zenaro del 2017.
  3. Savoy cabbage with juniper recipe, in The Telegraph, 12 disenbre 2010. URL vardà il 23 de zenaro del 2017.
  4. 4,0 4,1 Savoy cabbage In Season, foodandtravel.com. URL vardà il 23 de zenaro del 2017.
  5. 5,0 5,1 Brassica oleracea Savoy Cabbage, rightplants4me.co.uk. URL vardà il 23 de zenaro del 2017.

Altri projeti[canbia | canbia el còdaxe]

Linganbi foresti[canbia | canbia el còdaxe]

  • Cavolonuoveterapie.it (archivià da el URL orixenale il 3 febbraio 2008).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Verza&oldid=977639"