Cren

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Cren
Armoracia rusticana.jpg
Pianta de cren
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Brassicales
Fameja: Brassicaceae
Gènare: Armoracia
Spece: A. rusticana
Nomenclatura binomiałe
Armoracia rusticana
G.Gaertn., B.Mey. et Scherb., 1800
Segui el Projeto Fórme de vita

El cren el xe na pianta dełe Brassicaceae: ła Armoracia rusticana o anca Cochlaria armoracia. Ła xe ciamà kren anca in Austria, anca se el so nome todesco xe Meerrettich; i inglexi i ła ciama horseradish, i taljàn rafano. Originaria del Sud e del'Est Europa, deso el se trova dapartuto. Ghin parla Catone intei so scriti su l'agricoltura. A Pompei ghe xe un mosaico ke ło rafigura. Plinio el Vecio el parla del cren 'nteła so opera Historia Naturalis.

El ga foje grandi e ła riva a 1 metro - 1 metro e mexo da tera.

Raixa de cren

Ła ga groxe raixe bianche ke par tuberi e xe queste ke se dopara par far ła salsa de cren. Łe raixe crue no łe sa da gnente, ma quando ke łe vien tajà o gratà, i ensimi dełe cełułe i spaca ła sinigrina (un glicosinołato) faxendo vegner fora un allylisotiocianato ke xe queło ke fa sbrusar i oci e el naso. Na volta gratà, el cren ocore smisiarlo subito co l'axedo, altrimenti el diventa scuro e amaro. El cren el ga vitamina C, B1, B2, B6, fero, calcio, fosforo, potasio e magnesio. Ł' ensima perosidasi del cren vien doparà un saco 'nteła biołogia mołecołar e 'nteła dignostega de łaboratorio par evidensiar i anticorpi. I Giaponesi i grata ła raixa de naltra pianta, ła Wasabia japonica dełe Cruciferae, par far na salsa ke ghe someja al cren e ke se dopara in specie par magnar el pese crudo, el sushi. Sto cren giaponese el se ciama wasabi e el xe pi forte ancora del cren nostran e el ga un cołor verde ciaro.

El cren in cuxina[canbia | canbia sorxente]

El cren vien doparà da senpre 'nteła cuxina dei Ebrei, in queła dei Todeschi e de l'Est Europa. El xe anca un magnar tipico dełe Venezie. Ła salsa clasica veneta xe queła de smisiar el cren gratà col'axedo de vin bianco (calkedun ghe mete anca un poco de sucaro e sałe). Altri ghe mete anca buro o crema de łate. Ła so morte ła xe coła carne bojà o col pese fumegà. Bon anca el cren coł speck.