Wasabi

Wasabi
Clasefegasion sientìfega
regno	Plantae
divisione	Magnoliophyta
classe	Magnoliopsida
ordine	Capparales
famiglia	Brassicaceae

Raixa de wasabi gratà

Na piantina de wasabi

El Wasabi (nome sientifego Wasabia japonica, deła fameja dełe Crucifereae o Brassicaceae) xe na pianta giaponese deła quałe se dopara ła raixa gratà par tirar fora na pasta verde ciara ancora pi picante del nostro cren. A darghe sto tremendo saor picante xe łe sostanse ke se libera gratando e skisando łe raixe:

• 6 metiltioesil isotiocianato
• 7 metiloeptil isotiocianato
• 8 metilottil isotiocianato

Ła se magna col pese cruo, sushi o sashimi, par conto suo o mis-cià coła soja e pare ke ła gabia proprietà antisetiche e digestive.

Un sushi, fato co ovi de pese vołante (xałi), caviałe (nero) e wasabi (verde ciaro, de drio) rodołà drento ł'alga nori

Par quełi ke ghe piaxe łe robe picanti

El wasabi xe ła roba pi picante ke ghe sia, tanto ke'l fa pianxere se se ghin magna masa in un colpo soło. Difati i Giaponesi i lo ciama anca namida ke vol dir làgreme.

Altri projeti

Altri progetti

• Wikimedia Commons
• Wikispecies

• Wikimedia Commons el detien imàjini o altri file so Wasabi
• Wikispecies el detien informasion so Wasabi

Controło de autorità	NDL (EN, JA) 00574156