The Cosby Show

Da Wikipedia, l'ençiclopedia libara.
Dezanbìgua – Se te serchi el film de animasion de ła Disney del 2007, védarse I Robinson - Una famiglia spaziale


Infobox de Produsion audiovizivaThe Cosby Show
Cànbia el vałor in Wikidata
File:Irobinson.jpg
PaezeStati Unii de ła Mèrica
Ano1984-1992
Tipo fictionserie TV
Zènarecommedia (it) Traduzi Cànbia el vałor in Wikidata
Spàsio d'anbientasionNew York Cànbia el vałor in Wikidata
Caraterìsteghe tècneghe
Forma d'imàzene4:3
Forma d'àudiomono
Forma cołorcołore
Ecuìp tècnega
CreadorBill Cosby, Ed Weinberger, Michael J. Leeson
ProdutorTom Werner, Marcy Carsey, Bill Cosby
Produtor ezecutivoMarcy Carsey (en) Traduzi, Bernie Kukoff (it) Traduzi, Tom Werner (it) Traduzi e Janet Leahy (en) Traduzi Cànbia el vałor in Wikidata
Atori
Conpangnia produtoraCarsey-Werner Productions (it) Traduzi Cànbia el vałor in Wikidata
Destribudor Viacom Inc. (it) Traduzi
 Netflix Cànbia el vałor in Wikidata
Łéngua orizenałeinglezo Cànbia el vałor in Wikidata
Canałe orizenałeNBC
Durada dei capìtułi24 min Cànbia el vałor in Wikidata
Primo epizòdio20 de setenbre 1984
Ùltemo epizòdio30 de avril 1992
Stajon8
Epizodi201 Cànbia el vałor in Wikidata
Lista epizodilist of The Cosby Show episodes (en) Traduzi Cànbia el vałor in Wikidata
Òpare audiovizive ligae
Spin-offA Different World
Altre
Pì informasion
Sito webcarseywerner.net… →  (2000) Cànbia el vałor in Wikidata
IMDB: tt0086687
Filmaffinity: 595978


Allocine: 651
Rottentomatoes: tv/the_cosby_show





Metacritic: tv/the-cosby-show
TV.com: shows/the-cosby-show










































Netlix: 70155645


The Cosby Show ła ze na sitcom statunitense produzesta da'l 1984 a'l 1992, creà da Bill Cosby.

Trama[canbia | canbia el còdaxe]

Ła serie ła conta ła vita de ła famegia Robinson, rezidente a New York, conposta da'l pare Heathcliff "Cliff" Robinson, zinecòłogo, da ła mare Claire, avogador, e dai sincue fiołi Sandra, Denise, Theo, Vanessa e Rudy. Ła serie ła ze costruìa un mucio so łe batùe fulminanti de Bill Cosby ma in zenarałe so i ràdeghi e so problemi portà dai fiołi zovenàti. Po' ła fameja ła se zlarga co'l rivo de Olivia (so fìa de Martin e de ła só ex muger, po', drioman a'l matrimonio co Martin, de Denis e Martin), i zemełi Winnie e Nelson (de Sandra e Alvin) e Pam (zermàna de Claire).

Epizodi[canbia | canbia el còdaxe]

Ła serie ła conta 201 epizodi divizi patòchi in 8 stazon. Ła mesa in onda orizenal de l'epizodio piłota ła ze avenjùa el 20 setenbre 1984; l'epizodio concluzivo el 30 avrìl 1992.

Stagion Epixodi Prima TV orixinałe Prima TV Itałia
Prima stazon 24 1984-1985 1986
Segonda stazon 25 1985-1986
Terza stazon 25 1986-1987
Cuarta stazon 24 1987-1988
Cuinta stazon 26 1988-1989
Sesta stazon 26 1989-1990
Sètema stazon 26 1990-1991
Otava stazon 25 1991-1992

Parsonazi e interpreti[canbia | canbia el còdaxe]

El conjome orizenal de ła famegia protagonista el ze Huxtable che, inte ła varsion itałiana, el ze stà canbià in Robinson, parchà prononsiàr Huxtable A rezultava masa difisiłe pa'i itałiani, cusì el ze stà traduzsto in Robinson.

Parsonazi prinsipałi[canbia | canbia el còdaxe]

  • Dr. Heathcliff "Cliff" Robinson (stazon 1–8), interpretà da Bill Cosby, dopià da Ferruccio Amendola.
    El caofameja e un rinomà zinecòłogo.
  • Claire Olivia Robinson, nasùa Hanks (stazon 1–8), interpretàda da Phylicia Rashad, dopiàda da Anna Rita Pasanisi.
    Ła ze só mojera de Cliff, mare de 5 fiołi, co i cuałi ła riese a mantenjer na granda disiplìna, tanto che st'altri i ghe ubidìse cofà buratìni. Ła ze avogador de suceso.
    Nota: In algune pontàe de ła tersa stazon Claire no ła ghe ze par njente.
  • Sandra Tibideaux, nasùa Robinson (stazon 2–8), interpretà da Sabrina Le Beauf, dopià da Francesca Guadagno, da Micaela Esdra e, pì de rare volte, da Emanuela Rossi.
    Ła ze ła primozènita de Cliff e Clair. Avogador, łaureàda a l'Univarsità de Princeton, ła se spoza co el só morozo Alvin Tibideaux e ła ga do fiołi zemèłi. Durando ła prima stazon ła ze un parsonazo recorente ma non fiso (sendo iscrita a l'Univarsità ła ze de frente fora de carbona), inazonta inte ła prima spontàda no ła vien njanca sità, infati A vien dichiarà che i coniuzi Robinson i ga soło che cuatro fiołi. Drioman ła intra inte'l cast regołarmente inte ła segonda stazon.
  • Denise Kendall, nasùa Robinson (stazon 1–4, 6-7), interpretà da Lisa Bonet, dopià da Silvia Tognoloni.
    È ła segondozènita de Cliff e Clair. Daspò un viazo in Àfrega ła se spoza co Martin Kendall, che porta in fameja anca ła fia picenina Olivia e inte l'ùltemo epizodio A se scoverze che ła speta un fantuìn.
  • Theodore Aloysius "Theo" Robinson (stazon 1–8), interpretà da Malcolm-Jamal Warner, dopià da Fabrizio Manfredi.
    È il tersozènito e unjòło fio mascio de Cliff e Clair.
  • Vanessa Robinson (stazon 1–8), interpretàda da Tempestt Bledsoe, dopiàda da Rossella Acerbo.
    Ła ze ła cuartozènita de Cliff e Clair. El só parsonazo el respècia i problemi de l'adołesente. Ła ze na esełénte studentesa, tanto che ła entra a'l college un ano 'vanti respeto ai só coetanei.
  • Rudolfa Lillian "Rudy" Robinson (stazon 1–8), interpretà da Keshia Knight Pulliam, dopià da Myriam Catania e Elena Perino.
    Ła ze l'ùltema fia de Cliff e Clair. Ła ze senpre sircuìa da un mucio de amighi, infra i cuałi Kenny (soranominà "puzzola") da'l cui fradèło ła inpara na concesion anti-feminista de ła vita. Inte l'epizodio il mondo del lavoro de ła segonda stazon ła interpreta l'inprenditora Mirhanda Greenswalde.

Parsonaji segondari[canbia | canbia el còdaxe]

  • Dr. Alvin Tibideaux (stazon 2–8), interpretà da Geoffrey Owens.
    El ze un mèdego, łaureà a l'Univarsità de Princeton, indove el conose Sandra Robinson che'l spoza e co ła cuała el ga do fiołi (Nelson e Winnie).
  • LT Martin Kendall (stazon 6-8), interpretà da Joseph C. Phillips.
    El ze un tenente de vasèło de ła United States Navy, el ga na fia, Olivia, avùa da un presedente matrimonio; in Àfregaa el incontra Denise e el ła spoza.
  • Olivia Kendall (stazon 6–8), interpretà da Raven Symone.
    Ła ze ła fiàstra de Denise, so fioła de Martin Kendall, avùa da ła só ex-muger.
  • Pamela "Pam" Tucker (stazon 7–8), interpretàda da Erika Alexander.
    Ła ze ła fia de na zermana de Clair.
  • Russell Robinson (stazon 1-8), interpretà da Earle Hyman.
    El ze só pare de Cliff.
  • Anna Robinson (stazon 1-8), interpretàda da Clarice Taylor.
    Ła ze só mare de Cliff.
  • Al Hanks Recorente de ła stazon (1-8) interpretà da Joe Williams.
    El ze só pare de Clair.
  • Carrie Hanks Recorente de ła stazon (1-8) interpretada da Ethel Ayler.
    Ła ze só mare de Clair.
  • Walter "Scarafaggio" Bradley (Stazon 2-4), interpretà da Carl Anthony Payne II. El ze el mejo amigo de Theo. Parsonajo recorente, łe cui gag łe rezulta èsra tra łe pì divertenti de ła serie, el desconpare so'l fenìr de ła cuarta stajon, cuando Theo el va a'l college: probàbiłe che'l sipia dovùo a'l fato che co'l finise ła scoła, i do i se zlontana.
  • Kenny (stazon 3-8), interpretà da Deon Richmond. El ze el mejo amigo de Rudy. El gà un fradèło de nome Jack (che parò no'l conpare mai inte ła serie) el cual el ga idèe fermamente maschiłiste che łe influensa anca el steso Kenny.
  • Peter Chiara (stazon 1-6), Interpretà da Peter Costa. El ze n'altro amigo de Rudy.
  • Charmaine Brown (stazon 7-8), interpretà da Karen Malina White. El ze ła megio amiga de ła zermana Pam.
  • Danny (stazon 4-7), interpretà da Troy Winbush. Altro amigo de Theo.
  • Lance Rodman (stazon 7-8), interpretà da Allen Payne. El ze morozo de harmaine el ze anca amigo de Pam.
  • Howard (stazon 5-6), interpretà da Reno Wilson. El ze n'altro amigo de Theo.
  • Justine Phillips (stazon 4-6), interpretàda da Michelle Thomas. Ła jera ła moroza de Theo.
  • Stanley (stazon 7-8), interpretà da Merlin Santana. El zera el morozo de Rudy inte ła Otava Stazon.
  • Dabnis Brickey (stazon 8), interpretà da William Thomas Jr.. El gera el morozo de Vanessa.
  • Janet Meiser(Pat), interpretàda da (Pam Potillo). Ła gera ła megio amiga de Vanessa.

Guest Star[canbia | canbia el còdaxe]

Durante i epixodi de ła serie xe pasà conparse deventà atori afermà 'fa par exenpio Raven Symone,Alicia Keys, Bernie Mac, Wallace Shawn, Adam Sandler, Robert Culp, John Ritter (ne l'epixodio Controllo totale de ła setima stagion), Elaire Stritch, Mercedes Ruehl, Stevie Wonder, Dizzly Gillespie, Chandra Wilson, Tito Puente, Lena Horne, Tisha Campbell-Martin e Tichina Arnold. Altri personaxi famoxi che gà fato aparision inte ła serie xe : Sonia Braga che gà avùo el ròło de ła siòra Anna Maria Wastlake, ła profesoresa de Theo inte i epixodi La principessa del potere e Fiocco rosa (stagion 2), Danny Kaye (in una de łe so ulteme aparision) ne ła parte del dotor Burns ne l'epixodio Il dentista novellista (Stagion 2). Christopher Plummer inte el ròło del Prof. Jonathan Lawrence, docente a l'università de Storia del Teatro, ospite de caxa Robinson ne l'epixodio 5 de ła quarta stagion dal titoło Shakespeare, Naomi Campbell ne ła parte de Julia inte i epixodi Tutti in sala party e Ragazze du du (stagion 5), B.B. King ne ła parte de Riley Jackson ne l'epixodio Rapsodia in Blues (stagion 6), [[Anthony Queen) ne ła parte del sig. Fuentes ne l'epixodio Fuori tutti (stagione 6), Miriam Makeba ne ła parte de se stesa ne l'epixodio Cercasi disperatamente Olivia (stagion 8).

Produsion[canbia | canbia el còdaxe]

Ideasion[canbia | canbia el còdaxe]

Ła genesi del show risałe ai primi ani otanta. Marcy Carsey e Tom Werner, do ex dirigenti de l'ABC, gavea łasà el network par fondàr la so pròpia conpagnia. Nei ani setanta i do gaveva rexo l'ABC el canałe de ponta de ła tełevixion statunitense, grasie a ła so usma par sitcom de suceso come Mork & Mindy e Tre cuori in affitto.

Avendo in mente de creàr na nova sitcom par la so conpagnìa, i gaveva decixo de aver bixogno de un gran nome de riciamo par el publico. Bill Cosby, che durante i ani setanta gaveva partesipà a do sitcom de scarso suceso, prodòto albun comici premià un mucio de volte, e recità in diversi ròłi al sìnema, inte i primi ani otanta el gera drìo viver un momento de rełatìva strachésa ne ła pròpia carièra.

Dopo esarse incontrà co Carsey e Warner, Cosby xe tornà da staltri co una so pròpia idea par la serie tełevixiva: ła fameja sarìa stà del cèto medio-baso, co na màre caxalinga e el pàre autista de limousine, co do fiòi mas-ci e do fìe femene. Carsey e Werner xe stà convinti da Cosby poco dopo, co xe stà canbià el status sociałe de ła famegia , che sarìa deventàda del cèto alto borghexe, rendendo ła màre un avoato in carièra e el pàre uno prexià ginecołogo, co quatro fiòłe femene e un fiòło mas-cio. Dònca, co entranbi i genitori còmodi łibari profesionisti, roba destrània par l'epoca in una sitcom incentrà so' na famejaafroamericana. L'intièra serie se gavarìa fo focałixà so'łe cuałità comiche de Cosby riciapàe inte el corso de ła routine famegiàr.

Reałixasion[canbia | canbia el còdaxe]

Orixinalmente ła serie gera ciamà The Cosby Show a cauxa de l'enorme popołarità de Bill Cosby inte i Stati Unii. In Itałia el cognome orixinàłe de ła fameja , "Huxtable", ritegnùo poco reciàbiłe par el publico itałiàn, l'è stà modifegà in "Robinson", e de conseguensa anca el titòło de ła sitcom.

Bill Cosby gaveva un insołito podér decixionałe sìrca el show: el vołeva ch'el programa fuse divertente ed educativo al steso modo, e gà batùo saldo anca ch'el programa fuse anbientà a New York City invese de Los Angeles, indove ła maxor parte dei programi tełevixivi gera registrà. I primi episoxi xe stài xirài inte i studi de ła NBC a Brooklyn (ora de propietà de ła JC Studios). In seguito el network gà vendùo l'edificio, e ła produsion se ga spostà ai Kaufman Astoria Studios inte el Queens.

I personaxi de ła fameja se baxa so'ła vera famegia de Cosby: infati Clair, Sandra, Denise, Theo, Vanessa e Rudy xe ispirà rispetivamente a ła mugèr Camille e ai fiòi Erika Ranee (1965), Erinn Chalene (1966), Ensa Camille (1973), Ennis William (19691997) ed Evin Harrah (1976). Anca łe età corisponde groso modo ai personaji de ła serie. Ne l'epixodio piłota ne vien prexentà ła fameja Robinson componesta dal pàre Cliff, ła màre Clair e i fiòi Denise, Theo, Vanessa e Rudy. No conpare, invese, el personajo de Sandra ed ansi, durante un diałogo, Cliff e Claire dichiara de aver avùo soło che quatro fiòi.

Anca se ła serie gà un tono comico, talfié el programa afronta temàteghe serie, come i problemi che gà el fìo Theo, dislesico (el tema de ła dislesia se refà ai reałi problemi del fìo de Cosby, Ennis), e łe gravianse no vołeste in età puberałe quando na amiga de Denise, interpretà da Lela Ronchon, resta gravia. Tutociò el cast e i personaxi prinsipałi fuse soratuto de cołor, i temi rasiałi gera stài tocài rare vòlte se faxemo el paragon de sto programa co altre sitcome de quel'epoca, cofà par exenpio I Jefferson. L'ultima stagin de ła serie xe stà trasmesa durante el periòdo dei sconbùgi rasiałi de Los Angeles inte el 1992, e Cosby gà dichiarà a ła stanpa ła so pì conpleta speransa in una risołusion pasìfega dei dexórdeni. Ne l'ultimo epixodio, incentrà so' ła łaurea de Theo, Cliff e Clair, serarà ła serie co ła fraxe "Sałudemo i nostri amighi" e i se istradarà verso l'insìda antincendio dei studi tełevixivi łasando che se veda el publico prexente in raprexentansa de tuti i tełespetadori che łi gà senpre seguìi. Na seràda simiłe xe stà adotà anca in altri tełefilm 'mericani. Cosby farà na seràda del sercio durante ła festa de laurea ripensando a Theo co gera xovenàto e ło se revedarà in uno dei primi epixodi de ła prima serie co Vanessa e Rudy oncora putèłe (soratuto Rudy).

Ła sitcom gà xenerà el Spin-off Tutti al college, co Denise che se trasferìse al college. So'l fenìr de ła prima stagion el spin-off no gavarà più personaxi in comùn co ła serie màre: infati Denise torna inte el cast de ła serie orixinàłe.

Naltra serie, non cołegà a The Cosby Show (I Robinson), xe Cosby, anca in sta serie ła mojera de Bill Cosby xe Phylicia Rashad.

Linganbi foresti[canbia | canbia el còdaxe]


Scheda su The Cosby Show de l'Internet Movie Database

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=The_Cosby_Show&oldid=1106947"