B.B. King

B.B. King
(EN) Riley Ben King
Sitadinansa	Stati Unii de l'Amèrica
Nasimento	16 de setenbre 1925, Berclair
Morte	14 magio 2015 14 magio 2015
Spozà	Martha Lee Denton (1946, 1952)
Łéngue parlae	inglezo
Perìodo atività	1949  –  2014
Ocupasion Chitarista, cantante, cantautore (it) , compositore (it) , pianista e produtor discogràfego
Menbro de	American Academy of Arts and Sciences (it)
Discografia
Targheta discogràfega	Geffen Records (it) Federal Records (it) RPM Records (it)
Zènare	Elextric Blues, Blues, Soul Blues
Strumento	chitara ełetrica
Premi (2015)  Americana Music Association President's Award (en) (19 marso 1994)  Comendatore de l'Ordre des arts et des lettres (1987)  Grammy Award a ła cariera  AAAS Fellow (en)  Kennedy Center Honors  Blues Hall of Fame (it)  Library of Congress Living Legend (en)  Medaja Presidensiałe de ła Libartà  Rock and Roll Hall of Fame  National Medal of Arts (it)  stella sulla Hollywood Walk of Fame (it)
Sito ufisiałe

Co na łonghisima carièra, el xe stà uno dei pì inportanti esponenti del blues de ła segonda parte del XX sècoło e del XXI. Co ła so "Lucille", na chitara Gibson ES-335 custom, xe deventà na icona stesa del xenere muxegałe xa a partìr dai ani sinquanta.

El ga vinto 14 volte el Grammy. Inte ła rivista Rolling Stone el xe ponesto cofà sesto mejo chitarista de tuti i tenpi (Łista dei 100 mejo chitaristi segondo Rolling Stone). El so stiłe xe caratarixà da soni caldi e insixivi, che da vita al blues ełegante che ło ha contradistinto par tuta ła so intièra carièra. El so stil chitaristego xe caraterixà soło da parte sołiste che se alterna al canto, sensa quasi mai sbocar in parte de aconpagnamento, se non par altri muxicisti.

Biografia

B. B. King in concerto in Fransa (1989)

Nasùo a Itta Bena el 16 setenbre 1925, King ga pasà bona parte de ła so infansia vivendo coła mare e ła nona, łaorando come contadin. King ga dito ch'el vegniva pagà 35 sentexemi par ogni 100 łire (45 kg) de coton ch'el rancurava, prima de scoverxer el so tałento. Da xovane, el se ga pasionà ai cantanti neri cofà T-Bone Walker e Lonnie Johnson e artisti jazz cofà Charlie Christian e Django Reinhardt. Presto el ga tacà exerçitarse cantando muxega gospel in céxa.

Inte el 1943 King se ga trasferìo a Indianola e tre ani drìoman a Memphis, indove ch'el ga rafinà ła so tècnega de chitarista co l'juto del cuxin, el chitarista country blues Bukka White.