Mork & Mindy

Mork & Mindy xe na situation comedy co ełementi fantasientifici prodota inte i Stati Unii e trasmesa in prima vixion intrà el 1978 e' l 1982 par'l network tełevixivo statunitense ABC.

In Itàlia łe prime do stagion gera stàe trasmese so Rai 2 inte el 1979, mentre inte el 1984 xe stàe trasmesi so Italia Uno łe repliche dei epixodi de łe do stagion par trasmetare oncora ła tersa e ła quarta stagion co un nòvo dopiagio.

Descrision[canbia | canbia el còdaxe]

I protagonisti de ła serie tełevixiva xe Mindy McConnell (Pam Dawber), grasioxa toxata de a periferia americana che łavora in una botega de strumenti muxicałi, e Mork (Robin Williams), un ałieno umanoide rivà so'ła Tera dal pianeta Ork so na astronave a forma di Vovo. Mork gaeva parò precedentemente fato n'altra aparision inte el vintidoeximo epixodio de ła quinta stagion de Happy Days, dal titoło Fantascienza anche par Fonzie (28 febraro 1978), indove "Mork & Mindy" xe in efeti un spin-off, anca se in Itàlia quel'epixodio xe stà trasmeso quando "Mork & Mindy" jera xa na serie de suceso.

Ła natura de Mork, parfìn masa singołar e imprevedibiłe, convinse Mindy che no ghe sarìa posìbiłe sorav'ver da so posta inte el nostro mondo; quindi ła decide de ospitarlo ne ła so sofita, e de sercàr de introdurlo ai uxi e costumi umani.
Patocaménte łe situasion e i rexultadi che deriva sto tentativo xe exiłaranti, e al steso modo un mucio ironici. El candor de Mork e ła pasiensa de Mindy mete in una prospetiva nova e inusitada i conportamenti e łe idiosincraxie umane. Masime gustoxi xe i raporti co łe altre fegure ocaxionałi de ła serie, intrà cui veci brontołoni, imigrà clandestini, un strigon mato dal nome de Exidor e vari altri.
El steso Mork, co riva ła fìn de ogni epixodio, xe uxo invocar un contato mentałe co el leader de ła propia xente, Orson (de cui se sente soło che ła voxe), e ventiłàr co łù dei aspeti de ła vita so ła Tera examinà senpre in quel'epixodio.

Ła serie gà avùo un suceso enorme in tuto el mondo, e vien replicà de frecuente oncora anco. Un mucio de senegiaménti "ałieni" de Mork, cuałi par exenpio el sentarse coła fasa so'i cusini de un divano e łe ganbe so ' ła spalièra e bever drink utiłixando el deo de ła man, xe deventài dei stereotipi difuxi, e gà contribuìo in modo determinante al suceso de Robin Williams cofà ator briłante. Del resto sti senegiaménti pałicari xe stà una so inprovixasion al provìn in cui xe stà sielto par interpretàr Mork.