John Ritter

Da Wikipedia, l'ençiclopedia libara.
Infobox de personajo John Ritter
John Ritter at the 1988 Emmy Awards.jpg
SitadinansaStati Unii de l'Amèrica
Nasimento17 de setenbre 1948, Burbank
Morte11 setenbre 2003 Cànbia el vałor in Wikidata (54 ani) 11 setenbre 2003 Cànbia el vałor in Wikidata (54 ani) Cànbia el vałor in Wikidata
SepełestoForest Lawn Memorial Park (it) Traduzi Cànbia el vałor in Wikidata
ZenitoriDorothy Fay (mare)
Tex Ritter (pare)
SpozàAmy Yasbeck (18 de setenbre 1999, 11 de setenbre 2003)
Łéngue parlaeinglezo
Perìodo atività1968 Cànbia el vałor in Wikidata –  2003 Cànbia el vałor in Wikidata
Educà a
  • University of Southern California
  • USC School of Dramatic Arts
  • Hollywood High School
RełijonCristianèximo Cànbia el vałor in Wikidata

IMDB: nm0000615 Allocine: 3031 Rottentomatoes: celebrity/john_ritter Allmovie: p60400 TCM: 162269 TV.com: people/john-ritter IBDB: 74272
Find a Grave: 7863414


Jonathan Southworth "John" Ritter (Burbank, 17 de setenbre 1948, 11 setenbre 2003 xe stà un ator merican, famoxo soratuto par la sit-com Three's Company (Tre cuori in affitto), trasmexa inte el dal 1977 al 1984 (indove el gavea el ròło de Jack Tripper. Inaxonta el gà vinto un Golden Globe e un Emmy Award

Biografia[canbia | canbia el còdaxe]

Fìo del cantante country e ator Tex Ritter, inte el 1977 el taca ła so aventura inte el mondo del spetacoło faxendo da dj durante na manifestasion de racolta fondi par la lota contro ła scleroxi a plache; co so fradèło Tom el riese a far tor su miłioni de dołari par la cauxa. El frequenta el liceo de Hollywood e l'University of Southern California indove el se łaurea in psicołogia come prima disiplìna (major) ed in architetura cofà segonda disiplìna (minor) [1].

Carièra[canbia | canbia el còdaxe]

Inte el 1971 el ciapa na laurea in arti dramàteghe e, finalmente, inte el 1977 el riva al suceso co ek tełefilm Three's Company grasie al qual el otien na steła inte ła Hollywood Walk of Fame (1984).

Three's Company[canbia | canbia el còdaxe]

Search ballonicon2.svg Par savèrghene de pì, vardarse ła voxe Three's Company.

Ritter gà partesipà a diversi spetacołi teatrałi e a qualche pontàda de serie famoxe cofà Starsky & Hutch e Love Boat 'vanti de esare conosùo inte el 1977 recitando ne ła serie tełevixiva Tre cuori in affitto (ła version 'mericana de ła sit-com inglexe ani setanta Un uomo in casa), trasmesa da ła rède ABC indove el interpreta el ròło de un omo ugnòło che studia par deventàr cògo e che se cata a apartìr un partamento in afito co do toxe. Łe do toxate jera in orìxene ła bruneta "Janet Wood" (Joyce DeWitt) e ła bionda sbanpìa "Chrissy Snow" (Suzanne Somers). Durante ła serie el personaxo de Janet l'è restà inalterà, mentre invese ła Somers xe stà licensià inte el 1981 e altre atore gà ciapà el so ròło interprentando personaxi diversi, anca par exenpio ła xermana de Chrissy, Cindy (Jenilee Harrison e Terri Halden (Priscilla Barnes), na nova coinquiłina che no ła xe parente co Chrissy. El personaxo de Ritter, Jack Tripper se finxeva fenòcio (gay) col paron de caxa par poder spartìr el fito e el partamento oo'łe do done. El sciò xe durà par diverse stagion dal 1977 al 1984 co indexi de abàdo senpre un mucio alti e gran suceso de publico. Co se gà serà ła serie, Ritter gà reccità par un ano inte el spin-off Tre par tre. Ła serie orixinàl oncora ancùo vien de frecuente replicà in TV e xe stà publicà in vari cofaneti DVD.

Inte el 1978 Ritter recita inte el ròło del manager de Ringo Starr inte el speciałe tełevixivo Ringo e inte el 1982, el dà ła so voxe al personaxo de Peter Dickinson in Flight of Dragons. Dopo Three's company el so primo laoro xe stà Hooperman. In sto show el interpretava el Detective Harry Hooperman. Inte el 1992-95 Ritter xe tornà a ła TV par tre stagion inte el ròło de John Hartman in Hearts Afire. Inte el 1996 el gà recità inte el ròło del "papà" inte el video muxicałe del brano Innocent Eyes de Graham Nash.

Infra łe varie partecipasion a tełefilm e serie tełevixive se ricorda queła in Scrubs inte el 2002 inte el ròło de j.D..

Inaxonta al fato ch'el gà laorà in tełevixion, Ritter xe aparso in nùmaroxi film, tra cui i pì sełebri xe It (indove el interpretava el ròło de Ben Hanscom), ła serie Piccola peste e Skin Deep - il piacere ze tutto mio de Black Edwards.

Vita privà[canbia | canbia el còdaxe]

El 16 setenbre 1977 el spoxa l'atora Nancy Morgan. Da l'union nase tre fiòi: l'ator Jason Ritter, Carly e Tyler. Ła cùbia divorsia inte el setenbre 1996.

El 18 de setenbre 1999 el spoxa in segonde nose l'atora Amy Yasbeck, co ła cuała el gà laorà in diversi film tra cui ła serie Piccola peste, co cui el gà na fìa, Stella (1998).

El mor a 54 ani, durante łe riprexe de na nòva pontàda de ła serie 8 semplici regole, a cauxa de un cołaso: el vien subito portà in ospeàl dove, pochi istanti dopo, el mor par la disesion de l'aorta e par le conseguenti conplicasion cardiache. Visin a łù ghe gera so mugèr Amy e so fìo più grando, Jason.

Filmografia parsiàłe[canbia | canbia el còdaxe]

Tełevixion[canbia | canbia el còdaxe]

Sìnema[canbia | canbia el còdaxe]

Dopiatori itałiani[canbia | canbia el còdaxe]

Da dopiator el xe sostituìo da:

Notasion[canbia | canbia el còdaxe]

  1. Biografia, biography.com.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN42039384 · ISNI (EN0000 0001 1949 0693 · LCCN (ENno92016169 · GND (DE1011885298 · BNF (FRcb14026259s (data) · BNE (ESXX1297548 (data) · WorldCat Identities (ENno92-016169
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=John_Ritter&oldid=1050818"