Cieza dei Gezuati

Ceza de Santa Maria del Roxario o dei Gexuati
Epònemo	Gesuati (it) e Madona del Rosario
Dati
Sorte	Ceza
Architeto	Giorgio Massari
Costrusion
Dedicà a	Madona del Rosario
Caraterìsteghe
Stiłe architetònego	architettura barocca italiana (it)
Materiałe	cuareło
Mezurasion	21 () m
Pozision
	Venesia
Pozision	Fondamenta delle Zattere
45°25′46″N 12°19′38″E
Atività
Diòseze	Patriarcàdo de Venesia
Rełijon	Catołega

Ła céxa de Santa Maria del Rosario, comunemente più conosùa col nome de Céxa dei Gesuati xe un edificio lerigióxo situà a Venesia inte el sestièr de Dorsoduro.

Storia

El nome Gexuati riva da l'ordene rełigioxo, sopreso inte el 1666, che ne l'area gaveva na Ceza e soratuto un gran convento, cronpà po' dai domenegani.

Ła Ceza xe ła sede prinsipàl de l'anpia parochia omonema, che se esténde da ła Ponta de ła Dogana fin a San Trovaso. Apartien a ła parochia dei Gesuati come Ceze susidiarie ła céxa del Spirito Santo e ła Baxełega de Santa Maria de ła Sałute. Ricasca inte el teritorio de ła parochia dei Gesuati anca łe Ceze de Sant'Agnexe e de Santa Maria de ła Visitazione(dita anca dei Artigianelli), che xe Ceze conventuałi autonome gestìe diretamente dai frari che tutora ga un so monastièr ne łe midiàte adiacense.

Descrisión de l'edificio,de l'interno e de ła fasàda

El sofìto de Giovanni Battista Tiepolo

Ł'atual edificio xe stà costruìo inte el periodo 1724-36 par conto dei frari domenegani, co l'agiuto econòmego de tuta ła sità, organixàda oncora tramite łe Arti e Confraternite. Architeto de ła Ceza xe stà Giorgio Massari. Ła costrusión a l'esterno prexenta dei motivi paładiani mentre l'interno in stiłe baroco venesian se prexenta a na navàda. Notevołe xe el vano abisdałe tanto łuminoxo, co statue e basoriłievi de Giovanni Maria Morlaiter e el coro łigneo drìo al grando alter maxor.

I afreschi del sofìto rafeguranti el ciclo de ła Madona del Rosario, a cui xe dedicàda ła céxa, xe stài reałixài da Giovan Battista Tiepolo.

Anca łe capełe lateràne xe de pregevołe fatura e se desferensia in particołar i dipinti de ła prima capeła a sànca (San Domenico che benedice un laico dell'ordine senpre del Tiepolo), de ła tersa capeła a sànca (Crocifissione del Tintoretto), del primo altèr su ła drita (rispetivamente San Domenico e i frati domenicani, entranbi òpara de Giovanni Battista Piazzetta.

Ł'inpónente fasàda domina el trato omonimo de ła Fondamenta de łe Zàtare e se spècia diretamente sòra el Canal de ła Zueca.

Łe statue ałegoriche de łe quatro vertù cardinałi che ła nobiłia xe stàe reałixàe intorno al 1737 e rafegura: ła Prudenza de Gaetano Fusali, ła Giustizia de Francesco Bonazza, ła Fortezza de Giuseppe Torretti e ła Temperanza de Alvise Tagliapietra.

Sculture de Giovanni Maria Morlaiter

• 
  El profeta Aronne
• 
  San Petrus
• 
  San Paolo
• 
  El profeta Melchisedec

Conpleta el conpleso na alta cuboła rivestìa in pionbo, afiancàda da do caxànse canpanarie.

Łigadure foreste

• Descrizione dell'interno (Pdf)

Altre somegie

• 
  Céxa dei Gesuati
• 
• 
• 
• 
  Ła Ceza vista danànsi
• 
  Ła Ceza vista dal Canàl de ła Zueca
• 
  Mexo de traspòrto danànsi a ła Ceza dei Gesuati
• 
  Zàtare ai Gesuati

Łigamenti foresti

• Descrizione dell'interno (Pdf)

Altri progeti

Altri progetti

• Wikimedia Commons

• Wikimedia Commons el detien imàjini o altri file so Céxa dei Gexuati

Portałi:
• Portałe de Venèsia
|