Ponta de ła Dogana

Da Wikipedia, l'ençiclopedia libara.
Ponta de ła Dogana
Ponta de ła Dogana - Bernardo Falconi

Ła Ponta de ła Dogana o Ponta de ła Sałute o Ponta da Màr ła xe na zona de Venesia, sutìl ponta triangołar de divizion intrà el Canal Grando e el Canal de ła Zueca, davanti al Basin de San Marco.

Ła zona ła ospita tre inportanti conplesi architetoneghi: ła Bazełega de Santa Maria de ła Sałute, el semenario patriarcal e el conpleso de ła Dogana da Mar da dove l'area ciapa el nome.

I edifisi[canbia | canbia el còdaxe]

Bazełega de Santa Maria de ła Sałute[canbia | canbia el còdaxe]

Search ballonicon2.svg Par savèrghene de pì, vardarse ła voxe Baxełega de Santa Maria de ła Sałute.


Semenàrio patriarcal[canbia | canbia el còdaxe]

Dogana da Mar[canbia | canbia el còdaxe]

L'edifisio sìesentesco, òpara del Benoni, el xe a pianta triangołar, costituìo da 8 canpàe sviłupàe su do piani e xe coronà da na tore sorastàda da ła Bała d'Oro, sfera in brónzo dorà sostegnùa da do atlanti a rafeguràr el mondo su cui puza ła statua dita "Occasio". Tal statua ła raprezenta ła Fortuna, òpara del scultór Bernardo Falconi, rodante a indicar ła diresion del vento e, sinbołicamente, ła mutevołesa de ła fortuna stesa.

Ai tenpi de ła Republega de Venesia el conpleso, par la so pozision sentral intra el Basin de San Marco e l'inboco del Canal Grando e del Canal de ła Zueca, el vegniva utiłizà cofà sede doganal par łe marcansìe e i beni ojeto del comercio naval.

Inportanti łaóri de restàuro ga consentìo inte el 2009 ła reałizasion a l'interno del conpleso de ła Dogana da mar de un sentro d'arte contenporanea cołegà a Pałaso Grassi[1], progetà da l'architeto minimałista japonézo Tadao Ando, coadiuvà da un pool de profesionìsti itałiani, su comision del magnate de ła vóga fransezo François Pinault, propietario de Pałaso Grassi e cołesionista d'arte contenporanea. L'edifisio el gà subìo un consołidamento statego e xe stàe reałizàe anca łe òpare nesesarie a ła so protesion da łe acue alte e a ła so fruibiłità da parte de persone e ridota capasità motoria: xe stài istałài inpianti mecaneghi e ełetreghi pianizài a ła conservasion e a ła protesion de łe òpare d'arte che ghe xe mostràe.

Ła firma de l'architeto japonézo ła xe raprezentàda da alcune paréde in beton a vista, tìpeghe de ła so òpara, che xe servìe in parte par mascarar i paraménti tecnołozeghi nesesari a un moderno çentro espozidivo, e in parte par reałizar, propio al çentro de l'edifisio, un łocal grando cuadrà[2]. El progeto sol prinsipio el prevedeva anca ła reałizasión, in Canpo de ła Sałute, de na cubia de cołone de semento a sesion cuadràda; ła propòsta dopo alcune połemiche, ła xe stàda sbandonàda a cauza de łe numaroze łinee dei sotoservisi prezenti in cueła zona.[3]

Note[canbia | canbia el còdaxe]

  1. (IT) Dal sito uficiałe de Pałaso Grassi
  2. (EN) Plastico del progeto de Tadao Ando
  3. (IT) www.archinfo.it/punta-della-dogana/0,1254,53_ART_294,00.html

Linganbi foresti[canbia | canbia el còdaxe]

Gałarìe de someje[canbia | canbia el còdaxe]

Ponta de ła Dogana

Altri projeti[canbia | canbia el còdaxe]

Controło de autoritàVIAF (EN154009601 · LCCN (ENno2009158146 · WorldCat Identities (ENno2009-158146
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ponta_de_ła_Dogana&oldid=1012639"