Rocky Roberts

Rocky Roberts
Biografia
Nasimènto	(en) Charles Roberts ; 23 de agosto del 1941 ; Tanner (Alabama) (en)
Morte	14 de zenaro del 2005 (63 ani); Roma
Dati personałi
Altri nomi	Rocky Roberts
Atività
Ocupasion	cantante, ator
Atività	1960-2004
Zènare	Country (it)
Instrumento muzicałe	Voze
Targheta discogràfega	Vis Radio, Barclay, Durium, Decca, Ariston Records
Àlbun	9
Àlbun stùdio	8
Àlbun compilation	1
Repertòrio
	Rhythm and blues, Soul, Pop, Beat

Rocky Roberts, a l'anagrafe Charles Roberts (Tanner, 23 de agosto 1941 – Roma, 13 de zenaro 2005), el ze stà un cantante statunitense naturałizà itałian.

Biografia

I scominsi

Nasùo a Tanner, un picoło paeze de l'Alabama (Stati Unii de America), el ze stà el cuarto fiol de na fameja modesta. El ze restà orfano de pare a l'età de oto ani; el taca cuindi a łaorar asè zòvane, fazendo vari mistieri. Trasferìo a Miami (Florida), el se ga rołà cofà mariner e el ze stà inbarcà so ła portaerei USS Independence a Boca Chica Key West (Florida). Cui el ga avùo un discreto suceso inte'l puziłà, a'l ponto de vinser cuatro canpionài inte ła categoria welter, inte łe varie tape de łe mision navałe statunitensi a l'estero. Tutavia durante un incontro un colpo a ganàsa e a l'òcio sànco el ło ga ferìo gravemente costrinzendoło ad abandonar el puziłà e a portar i ociàłi scuri che, oltra a covèrzer ła sicatrise, el ghe conferiva el look artistego che'l ło ga contradistinguesto inte i ani drioman^[1].

Inte'l steso parìodo el frecuentava el grupo muzegałe de'l batarista Doug Fowlkes, che'l se ezibiva so ła nave. 'St'ùltemo el ga notà suito el so inato tałento de bluesman e el ło ga fazesto cantar co'l nome de "Rocker Roberts". Ła band ła se ciamava Doug Fowlkes & The Airdales, nome de'l diałeto statunitense utiłizà dai soldài USA. I altri conponenti de'l grupo i zera Don Borja (baso), Doug Fowlkes e Marvin Glover (bataria), Charles Barron (ghitara), Jerry Armstrong (ghitara), Jerry Hendrix (pianoforte), Bob Given e Fred Lawrence (sasofoni).

So'l finir dei ani sincuanta, Roberts el ga continuà a cantar come frontman dei Airdales, ezibindose sia so łe nave che in alguni łocałi de ła Florida meridionałe. Ła band, un mucio apresà soratuto par el sound tipegamente soul e rhythm and blues, el ga termenà ła carièra navałe inte'l 1962, par dedicarse ad algune tournée in Costa Axura (Fransa). Durante na tapa franseze, i ze stài notài da un dirizente de ła Barclay, che'l ghe ga proponesto a łori un contrato ai studi ATCO de New York City indove i ga insidesto na serie de 45 xiri ed EP publegài a partir da'l 1960 (in Itałia da ła Vis Radio) co ła denominasion Rocker Roberts co Doug Fowlkes and the Airedales. El grupo el se ga riorganizà drioman inte'l 1963 co'l nome de Rocky Roberts and The Airedales, co Wess al baso, Eddy Taylor a'l sax (inte'l 1967 el ze entrà James Sampson), Henry Hooks (sax e ghitara), Jessie King (tastiere), Marvin Glover (bataria, inte'l 1968 el ze entrà Marvin Johnson, só fradèło de Wess), Doug Fowlkes (produtor e manager).

Roberts el ze devenjesto pitosto popołar in Fransa, intarpretando clàseghi cofà Stax e Motown^[2], fin a vinser, inte'l 1964, el canpionato intarnasionałe de Rock 'n' Roll a Cannes.

In Itałia

Rocky Roberts el ze stà notà da Renzo Arbore e da Gianni Boncompagni inte'l 1965, che i ło ga ciamà a Roma par afidarghe ła sigla de'l programa radiofònego Bandiera Gialla, co'l só brano, in ingleze, "T-Bird", a l'època conosùo e publegà soło in Fransa. Inte'l fratenpo, Roberts el ga insidesto altri do 45 ziri par ła Barclay, par po' pasar a ła Durium Records.

Stasera mi butto

Daspuò che'l se ga trasferìo a Roma el ga inparà un itałian che'l ze senpre restà aprosimativo, ma grasie a ła beła voze e a ła só verve el suceso no'l ga tardà a rivar e, tra varie aparision in TV e apontamenti live, el boom el ze rivà inte'l 1967 co ła vitoria de'l Festivalbar, indove el ga prezentà el brano Stasera mi butto, in orìzene nasesto come sigla de'l varietà tełevizivo Sabato sera. El grando suceso de'l brano e 18 setemane in clasifega, drioman, el ga ispirà un film muzicareło co'l steso titoło, direto da Ettore Maria Fizzarotti. A fianco de Rocky ga resità Giancarlo Giannini, Franco Franchi e Ciccio Ingrassia, Enrico Montesano, Marisa Sannia, Nino Taranto e Lola Falana (altra steła mericana de cołor che inte i ani sesanta ła ga otenjesto grando suceso in Europa).

El cantante le ze stà de frente invità a partesipar a show e spetacołi tełevizivi. Inte'l 1966 el ga interpretà ła canson Django, scrivesta da Luis Bacalov par l'omònemo film de Sergio Corbucci. L'istesa canson ła catemo inte i titołi de testa de Django Unchained de Quentin Tarantino.

Sono tremendo

L'artista el ga consołidà el suceso interpretando altre canson (Par conquistare te, Se l'amore c'è, Just because of you, Lasciami stare, sigla finałe de ła popołar trasmision radiofònega Gran varietà, e altre) fin a reconfermarse co'l séłebre brano da ła prónta desizamente bałàbiłe Sono tremendo, sigla finałe de nantra trazmision radiofònega, Al vostro servizio, che ła ze stà rejistrà anca in altre cuatro łengue (grando suceso in Spanja) e reprendesto anca inte'l muzicareło Il ragazzo che sorride, de Aldo Grimaldi, de'l 1969. Inte'l steso ano Rocky el ga parteçipà a'l Festival de Sanremo, in cubia co'l cantante Robertino, co'l brano Le belle donne. Anca l'ano drio el ze intarvenjùo a l'inportante manifestasion canora proponendo insenbre a Il Supergruppo ła canson "Accidenti".

Inte'l parìodo tra 1970 e el 1973 el ga fato tournée europee, soratuto in Fransa e Spanja, alternàe a rientri inte i Stati Unii de America. I Airedales i ga desidesto de insarir Wess come cantante, e Rocky el ga sełiesto cuindi come band de conpanjamento el grupo franseze I Pyrañas. Inte l'isteso parìodo el ga spozà Katia, na toza itałina che ła ghe ga dà un fio, Randy, nasùo inte'l 1974. Rocky el se ga stabiłìo a Roma e verso ła fine dei ani setanta, tutociò che'l fuse un mucio ipenjà co aparison da'l vivo, tournée a l'estero e partesipasion a programi tełevizivi, el zet ornà de frecuente in sała de insiziion a revizitar intramontabiłi sucesi e par reałizar anca algune cover soul ispirandose a'l grando Otis Redding. El ga publegà cuindi alguni 45 ziri par varie etichete (Decca, Riviera, Barclay, Ariston Records), ma sensa pì razónzer el suceso de ła fine dei ani sesanta.

Inte'l 1979 el ga insidesto ła ballad You're the Reason de Victor Bach, trazesta da l'àlbun Dangerous. A ze stà Bach che'l ga riferìo cueło che Roberts el ghe ga confesà na volta: "Pochi sa che ła me vera pasion ła ze cantar el soul e el blues, e che me piaze tanto i łenti: invese A son stà condanà a cantar senpre Stasera mi butto".

I ùltemi ani

Inte i ani otanta el ze tornà viver inte i Stati Unii de America. Cui, drioman a un łongo parìodoo de inatività muzegałe, el ga insidùo Dedicated, venjìo fora inte'l 1990, àlbun che'l ga otenjesto da novo suceso in Itałia ed Europa. Rientrà in Itałia inte'l 1997 el ga vedùo só fio Randy ezbirse a'l Festival de Sanremo co'l brano No Stop. Rocky el ga seità i só show fin ai scominsi dei ani domiłe cuando, co un roło parfeto par eło, l'ha ciapà parte a ła segonda edision de'l musical La febbre del sabato sera. El ze moristo a Roma, inte ła só abitasion a'l cuartier de l'Olgiata, el 14 de zenaro 2005, a cauza de un tumor.

Discografia

Àlbun in studio

EP

1960 - Dina/Ramrod/Feels So Good/Night Train
1960 - Lonely/DUmplings/Over And Over/Honky Tonk
1960 - Wizard/Come What May/Lucille/Dishrag

Singoli

1962 - The Twist/Let's Twist Again
1962 - Hit The Road Jack/New Orleans
1965 - T.Bird/Hitch Hike
1966 - Stop Pretending/Everybody Needs Somebody
1966 - Shot Gun/Any Ole Way
1966 - Buzz Buzz Buzz/Paper Rose
1966 - My Heart With Love/Leave My Kitten Alone
1967 - Got A Thing Doing/Don't Play That Song
1967 - Gira gira/Got A Thing Doing
1967 - Stasera mi butto/Just Because Of You
1967 - Dove credi di andare/Can't Ask No More
1967 - Don't Play That Song/Hey Joe
1967 - Stasera mi butto/Fammi un sorriso
1967 - Un dì con te/Qui la gente sa vivere
1967 - Lasciami stare/Just don't know
1967 - Par conquistare te/Se c'è l'amore
1967 - If He Could/Lady Barbara
1967 - Jingle Bells/Silent Night
1968 - Ciao ciao ciao/Dietro-front
1968 - Sono tremendo/Se una sera
1969 - Le belle donne/Ma par fortuna
1969 - Ma non ti lascio/Appassionatamente
1970 - Accidenti/I Know You'll Come Running Back
1970 - Victoria/Volare (Inte el blu dipinto di blu)
1972 - L'amore mio par te/Io non ti crederò
1972 - Hold On To What You've Got/Do It Now
1972 - Girl Of Mine/Leave The World
1972 - Che donna sei/È nell'aria
1972 - Faith (U-pa-ni-sha) / Can be done
1973 - Dov'è l'amor/Tu signora Jones
1974 - Mathusalem/Looking back
1975 - Soul Music Is Back/Soul Music Is Back parte 2
1976 - Broadway/We Said Goodbye
1977 - That's No Way/Abracadabra
1979 - You're The Reason/Get Down

Filmografia

Una ragazza tutta d'oro, regia de Mariano Laurenti (1967)
Non mi dire mai goodbye, regia de Gianfranco Baldanello (1967)
Stasera mi butto, regia de Ettore Maria Fizzarotti (1967)
I ragazzi di Bandiera Gialla, regia de Mariano Laurenti (1968)
Il ragazzo che sorride, regia de Aldo Grimaldi (1969)

Notasion

↑ Rocky Roberts: International SoulmanDangerousMinds, 1º de disenbre 2010. entrada il 15 de otobre 2019.
↑ Celebri etichette discografiche specializzate in musica R&B e Soul.

Bibliografia

Italo Gnocchi, Rocky Roberts, Rhythm & Blues alla dinamite, pubblicato su Raro! nº 243 di maggio 2012, pagg. 59-66
Cesare Rizzi (curà da), Enciclopedia del rock italiano, Milano, Arcana, 1993, ISBN 8879660225.

pg. 163-165

Altri projeti

Wikimedia Commons el detien imàjini o altri file so Rocky Roberts
Scholia el detien schemi gràfeghi so Rocky Roberts

Linganbi foresti

(EN) Rocky RobertsFind a Grave.
Rocky RobertsDiscografia nazionale della canzone italiana, Istituto centrale per i beni sonori ed audiovisivi.
(EN) Rocky RobertsDiscogs, Zink Media.
(EN) Rocky RobertsMusicBrainz, MetaBrainz Foundation.
(EN) Rocky Robertsgenius.com.
(EN) Rocky RobertsInternet Movie Database, IMDb.com.

"Addio Rocky nostro soul" Archivià il 7 de aprile 2022 in Internet Archive.

, comemorasion in ocaxion de ła morte de l'artista, co ła storia de ła so vita.

Controło de autorità	VIAF (EN) 86896840 · ISNI (EN) 0000 0004 6188 3775 · Europeana agent/base/137978 · BNF (FR) cb14221177k (data) · BNE (ES) XX1153865 (data) · WorldCat Identities (EN) 86896840

[1] Rocky Roberts: International SoulmanDangerousMinds, 1º de disenbre 2010. entrada il 15 de otobre 2019.

[2] Celebri etichette discografiche specializzate in musica R&B e Soul.

[1]

[2]