RAI – Radiotełevizion Itałiana

RAI – Radiotełevizion Itałiana
	(it) Radio Audizioni Italiane; (it) Radiotelevisione italiana S.p.A.
	;
Bomò	Per te. Per tutti.
Dati
Nome scursà	RAI
Sorte	azienda ; inpreza ; difuxore
Indùstria	Midia
Forma zurìdega	S.p.A.
Istòria
Creasion	1924 , Roma
Fondador	Goerno de ła Repùblega Italiana
Atività
Ànbito	Itàłia
Prodoto	radiodifuzion e tełevizion
Menbro de	Unione Europea di Radiodiffusione (it)
Governo d'impresa
Aministrador dełigà	Carlo Fuortes (it)
Zestor/diretor	Marinella Soldi (it)
Inpiegai	12 751 (2021)
Propietàrio	Ministero deł’economia e finanse
Filiałi	Rai Pubblicità ; Rai News ; Biblioteca della Sede regionale per la Campania della RAI (it) ; Biblioteca centrale della RAI (it) ; Rai Sport (it) ; Rai Fiction ; Rai Cinema ; Fonit Cetra (it) ; Biblioteca tecnica del Centro ricerche RAI (it)
Indicatore economico
Entrae totałi	2 360 M€ (2020)
Sito web	rai.it
	Pozision

(VEC)
«Rai. Di tutto, di più.»

— Storico slogan de ła RAI

Ła RAI - Radiotełevixion itałiana (tante volte scursà RAI o Rai de Radio Audiovixion Itałiana), ła xe ła socetà conçesionaria in escluxiva del servisio pùblego radiotełevixivo itałian. Ła xe una de łe pì grande axiende de comunicasion d'Europa, el cuinto grupo tełevixivo del continente: ła laora, oltre che in tel setore tełevixivo e aradiofònego, anca in cheło editoriałe e çinematografego. Ła xe na società par asion soto parteçipaxion deł Ministero de ł'Economia e de łe Finanxe che el detien el 99,56% de łe cuotasion. El restante 0,44% el xe propietà de ła SIAE. Ła RAI ła taca ofiçalmente łe so trasmision el 3 de xenaro del 1954.

Cofà radio e tełevixion de Stato, ła RAI ła ga dei obleghi de leje, dovendo produxare trasmision de servisio publego e de publega utiłità so na persentuałe oraria prefisada. Ła RAI ła se finansia co el Canone Tełevixivo Italian (tante olte ciamà Canone RAI) che dal 1° de xenaro del 2016 el xe sta metesto inte ła bołeta de ła corente. Prima de ła leje de stabiłità del 2016, jera pusìbiłe no pagare el canone tełevixivo in tel caxo che ła caxa no ła ghese dispoxidivi fati a posta o modifegàbiłe in manjiera de riçévare segnałi aradio-tełevixivi.

In tel 2019 ła RAI ła riva al 35,70% de share co tuti i so canałi, el 4,09% in pì rispeto al so prinçipałe concorente tełevixivo Mediaset che el riva a 31,61% co tute łe so rete.^[1]

Dopo al referendum popołare del 1995 ła xe abrogà ła leje che ła riservava in escluxiva al publego ła propietà de łe asion RAI, tutavia no se xe mija mai ndai verso a ła privatixasion che se intendeva far partire.

Rete tełevixive RAI

Rete tełevixive nasionałi

Logo	Nome	Data de partensa
	Rai 1	3 de xenaro del 1954
	Rai 2	4 de novenbre 1961
	Rai 3	15 de diçenbre 1979
	Rai 4	14 de lujo 2008
	Rai 5	26 de novenbre 2010
	Rai Movie	1º lujo 1999
	Rai Premium	31 de lujo 2003
	Rai Gulp	1º de zugno 2007
	Rai Yoyo	1º de novenbre 2006
	Rai News24	26 de avriłe 1999
	Rai Storia	2 de febraro 2009
	Rai Sport	1º de febraro 1999
	Rai Scuola	19 de otobre 2009

Rete tełevixive locałi

Nome	Łéngua	Area de difuxion
Rai Südtirol	Todesco	Trentin-Alto Adexe e Ladinia Vèneta
Rai Südtirol	Ladin	Trentin-Alto Adexe e Ladinia Vèneta
Rai 3 BIS FJK	Slovegno	Friul-Venesia Jułia

Rete aradiofòneghe RAI

Rete aradiofòneghe nasionałi

Logo	Nome
	Rai Radio 1
	Rai Radio 2
	Rai Radio 3
	Rai Gr Parlamento
	Rai Radio 3 Classica
	Rai Radio Kids
	Rai Radio Live
	Rai Radio Tutta Italiana
	Rai Radio Techete'
	Rai Radio 1 Sport
	Rai Radio 2 Indie
	Rai Isoradio
Radio OM Unica
Rai Radio 2 mono
Rai Radio 3 mono

Rete aradiofòneghe locałi

Nome	Area de difuxion	Łéngua
Rai Radio Südtirol	Trentin-Alto Adexe	Todesco e Ladin
Rai Radio Trst A	Friul-Venesia Jułia	Slovegno
Rai Radio FVG	Friul-Venesia Jiulia	Friulan, xułian, italian

Notasion

↑ Sintexi anoałe 2019 Italia

Voxi correłate

Controło de autorità	VIAF (EN) 137832947 · ISNI (EN) 0000 0001 0946 5291 · LCCN (EN) n79132356 · BNF (FR) cb12306404w (data) · WorldCat Identities (EN) n79-132356

[1] Sintexi anoałe 2019 Italia

[1]