Goerno de ła Repùblega Italiana

Goerno de ła Repùblega Italiana
	;
Dati
Sorte	goerno
Istòria
Creasion	13 de zugno del 1946
Governo d'impresa
Presidènsa	Giorgia Meloni
Filiałi	Ministero de ła Sałute ; Ministero delle Politiche Agricole, Alimentari e Forestali (it) ; Ministero della Cultura (it) ; Ministero della Transizione Ecologica (it) ; Ministero de l’economia e finanse ; Ministero deł’interno ; Ministero de ła zustìsia ; Ministero de l'Istrusion, de l'Università e de ła reserca ; Ministero dei afari esteri e de ła cooparasion internasionałe ; Presidenza del Consiglio dei ministri (it) ; Ministero del desviłupo econòmego
Formà da	Consejo dei Ministri d'Itàlia ; Sotosegretàrio de Stato
Sito web	governo.it…

El Goerno de ła Repùblega Italiana el ze un òrgano del sistema pułìtego italian, conponesto dal Presidente del Consejo dei ministri e dai ministri, che i forma insieme el Consejo dei ministri, e da vice-ministri e Sotosegretari; el costituise el vèrteze del podere ezecutivo.

El Presidente del Consejo el ga ła so sede ufisałe a Pałaso Chigi in piazza Colonna de Roma, el Goerno inte el so insieme el dòpara cofà sedi de raprezentansa par racuante ocazion ufisałi Viła Doria Pamphilj, Viła Madama e el Pałaso de ła Farnesina, situai tuti a Roma.

Segni istòreghi

Dopo de ła proclamasion del Regno d'Itàlia a Roma l'òrgano cołejałe del Goerno el se reuniva al Pałaso de łe Finanse, inte ła sede del Ministero de łe Finanse. Dopo el ghea seguio par cuazi un sècoło łe sorti del Ministero de l'interno, reunéndose inte łe sedi volta a volta atribuie a sto cuà: prima pałaso Braschi, dopo pałaso del Vimenałe. Inte-ła-fin, inte el 1961, el ga avesto ła prima sede autònoma, a pałaso Chigi, co che sto cuà el zera sta dasà dal Ministero dei afari esteri.

Descrision

El Goerno el ze un òrgano costitusionałe parché prevedesto da ła Costitusion Italiana inte i artìcułi 92, 93, 94, 95 e 96 e parché el concore, in pozision d'indipendensa in confronto a altri òrgani del Stato, a ła formułasion de l'inderiso pułìtego. El tìtuło III, sesion II, de ła Costitusion el ghene definise ła desiplina e łe funsion. In zenerałe i ghe ła ze parte del goerno anca i sotosegretari de Stato, a racuanti dei cuałi el ghe połe vegner conferio el tìtuło de viceministri.

El vien presiedesto dal Presidente del Consejo dei Ministri, che el ze inte el cuarto posto inte l'órdene de precedensa de łe carghe italiane (dopo del Presidente de ła Repùblega, el Presidente del Senato, el Presidente de ła Càmara dei deputai e prima del presidente de ła Corte Costitusionałe), siben-ché esendo de fato cueła de major vizibiłità inte ła vita pułìtega ordenària.