Ladinia

Da Wikipedia, l'ençiclopedia libara.
Jump to navigation Jump to search

Ƚa Ladinia xe ƚa rejon doƚomìtega indoe che xe parlada ƚa ƚéngoa ladina. No ghe xe mai stà reconosimenti ofiçiai o enti aministradivi corispondenti aƚa Ƚadinia.

Ƚa cavedal xe consideràda Cortina d'Anpezo (Anpezo)

Pavion[canbia | canbia el còdexe]

El pavion deƚa Ladinia

El pavion Ƚadino xe nasesto el 5 majo 1920 in ocaxion de na protesta dei raprexentanti locai contro el Tratà de Saint-Germain che no 'l riconossea al popoƚo ƚadino el dret al'autodeterminasion. El pavion prexentà jera fato de tre bande orixontai seleste-bianco-verdo che ƚe simboƚejava ƚa natura deƚe Dołomiti: El verdo dei prai e dei boschi, el bianco deƚa neve che coerxe ƚe Doƚomiti e 'l seleste del siel. Intel periodo fassista el jera stà deciarà ilegal dal Goerno Itaƚian.

Giografia[canbia | canbia el còdexe]

Teritori ex asburgheghi de ƚéngoa ƚadina.

El teritorio deƚa Ladinia se stende pa' sirca 1.200km2, e 'l xe ocupà patoco daƚe Dołomiti. Intel sentro se stende el Masiso del Sella, ndoe che se dirama ƚe sincoe vai ladine: Val di Fassa (Fascia) in Trentin, Val Gardena (Gherdëina) e Val Badia (Gran Ega) in Alto Adexe e Livinallongo (Fodom) Val d'Anpezo]] in Vèneto.

Ƚe prinsipai vete ladine xe ƚa Marmolada (Marmolèda), l'Antełao e ƚa Tofana de Meso.

I corsi d'acua ƚadini xe tuti de caratare torentisio. L'Aviso, che nase dal giaser deƚa Marmoƚada, l'è el piasè longo e quel co ƚa major portada d'acua. Altri fiumi inportanti xe el Cordeol e el Boite che el moja Cortina.

Aministrasion[canbia | canbia el còdexe]

Aministrativamente ƚa Ladinia xe spartia tra do rejon, tre provinse e vari comuni xeneralmente cei.

Comuni ladini[canbia | canbia el còdexe]

Comuni In ladin Provinsa Superfise Popolasion (1)
Cortina d'Ampezzo Anpezo Belun 254,51 km² 6.150
Ortisei Urtijëi Bolxan 24 km² 4.569
Badia Badia Bolxano 82 km² 3.237
Marebbe Mareo Bolxan 161 km² 2.684
Moena Moena Trento 82 km² 2.628
Selva di Val Gardena Sëlva Bolxan 53 km² 2.589
Pozza di Fassa Poza Trento 73 km² 1.983
Canazei Cianacei Trento 67 km² 1.844
Santa Cristina Valgardena S. Crestina-Gherdëina Bolxan 31 km² 1.840
San Martino in Badia San Martin de Tor Bolxan 76 km² 1.727
Livinallongo del Col di Lana Fodom Belun 99 km² 1.436
Corvara in Badia Corvara Bolxan 42 km² 1.266
La Valle La Val Bolxan 39 km² 1.251
Vigo di Fassa Vich Trento 26 km² 1.142
Campitello di Fassa Ciampedel Trento 25 km² 732
Soraga Sorèga Trento 19 km² 677
Mazzin Mazin Trento 23 km² 440
Colle Santa Lucia Col Belun 15 km² 418
TOTAL - - 1.191 km² 36.613