Piasa dei Siuri (Pàdoa)
 Piasa dei Siuri | |||
| |||
| Epònemo | sioria de Pàdoa  | ||
|---|---|---|---|
| Dati | |||
| Sorte | Piasa | ||
| Pozision | |||
| Rejon aministrativa | Pàdoa (Itàlia) | ||
| |||
|
| |||
(VEC)
«riguarda sopra bellissima piazza, la quale ze chiamata della Signoria. Questa ha pavimento in pietra cotta, serve par teatro degli spettacoli pubblici di giostre, e tornaementi. & circondata da altissime e bellissime fabbriche di case»— Angelo Portenari, Della Felicità di Padova, 1623
Piasa dei Siuri (dita anca Piasa dei Sióri) ła xe na de łe piase de Pàdova. Ła se cata a ovest de Piasa de ła Fruta e Piasa de łe Erbe, a łe cuałi ła xe ligada traverso, respetivaménte, via San Clemente e via Fiume. Piasa del Domo ła xe a sud e se ghe riva co via Monte Pietà.
A ovest de ła piasa se fasa el pałaso del Capitanio, che el toe el só nome dal fato de èsare stà séde de un dei du aministraturi venesiani de ła sità. Na volta sta strutura ła gera parte integrante del conpleso de ła Reja dei Cararexi, ma col pasajo de Pàdova a ła Serenìsima ła ga subìo un intervénto de restruturasion che el ga revardà soratuto ła Tore, co ła xónta del rełojo inte el 1427. Cusì xe nasesta ła Tore del Rełojo, che ła ga tólto l'aspeto de uncó inte el 1532, grasie al'architéto Giovanni Maria Falconetto, che el ga desegnà l'arco trionfałe in piera d'Istria, de gusto rinasimentałe. El rełojo el xe caraterixà dal fato de segnare miga sóło l'ora e'l jórno, ma anca faxe łunare, méxe e ano; ła tore ła xe sormontada da un této in laste de piónbo.[1]
A fianco del pałaso del Capitanio se cata ła Loja de ła Gran Guardia, anca ciamada Loja del Conséjo. Infati sto edifisio del Quatroxento el ga ospità, in pasà, prima el Maxor Conséjo de Pàdova durante l'inséndio del Sałon inte el 1420, e daspò, durante ła dominasion austrìaca, el xe sta doparà come sede del comando miłitar.[2]
Su st'altro lai respeto a queło de ła tore del Rełojo, se cata ła céxa de San Chimento, l'edifisio più antigo de ła xona datórno, eséndo stada tirada su inte el 1190. Ła xe caraterixada da na vixìbiłe fasada in quarełi rusi co łe statue dei santi Chimento, Justina e Daniełe.[3]
De matin ła piasa ła xe inpiéna de bancarełe che łe vénde parici produti, dai vestidi ai fiuri. De sera invése, spece de sabo, ła xe piéna de tołini misi dai bar e i restoranti par i cliinti.
Note
[canbia | canbia el còdaxe]- ↑ Piasa dei Siuri su Padovanet.it
- ↑ Loja de ła Gran Guardia su Padovanet.it
- ↑ San Chimento su travelitalia.com