Piasa de łe Erbe (Padoa)

Da Wikipedia, l'ençiclopedia libara.
Jump to navigation Jump to search

Coordinae: 45°24′25″N 11°52′30″E / 45.406944°N 11.875°E45.406944; 11.875

Piasa de łe Erbe
Piazza Erbe PD.jpg
Piasa de łe Erbe de sera
Locałixasion
Codaxe postałe35122
Informasion xenerałi
TipoPiasa
Lingambi


« Sono dalla parte Australe, & Aquilonare dell'istesso palazzo due belle, e capaci piazze; una chiamata del vino, l'altra delli frutti, ambedue circondate da belle, & honorate fabbriche de' particolari »
(Angelo Portenari, Della Felicità di Padova, 1623)
Piasa de łe Erbe col caraterìstego marcà e'l pałaso de ła Raxon drio

Piasa de łe Erbe ła xe una de łe piase prinsipałi de Padoa. Ła se cata infrà el gheto e 'l Pałaso de ła Raxon, ła fasada de ła quałe ła òcupa un fià tuto el łato nord de ła piasa.

Ghe se fasa n'àngoło del conpleso de Pałaso Moroni ciamà Pałaso del Podestà, restruturà 'ntel Sinquexento, ligà al pałaso de ła raxon co un pasajo sóto al quałe se cata el Volto de ła corda, che'l porta a Piasa de ła Fruta. Par 'ndare in Piasa dei Siuri bixogna tóre Via Fiume, méntre Via Manin ła porta verso el Domo.

A nord-est ghe xe el Pałaso de łe Dèbite, na volta na prexon ligada al pałaso de ła raxon co un pasajo butà xó, insiéme a łe prexon stése, 'ntel 1872. L'ano daspò el xe pałaso el xe stà tirà su de novo col'aspeto de uncó, a nove cołone, su desegno del architeto Camillo Boito.

A sud-ovest de ła piasa se cata daspò na fontana a tre vasche inpiłade na sora de st'altra, a ocio de quatro metri de altésa. Logada 'ntel 1930, ła ga n'inportansa inportante pai universitari che i festeja i laureadi butàndołi 'ntel'aqua, se i voe.

Ghe se svolxe n'inportante marcà de fruta e verdura da luni a vènare da łe 7.30 fin a łe 13.30, e sabo fin a łe 20.00.[1] Łe bancarełe łe xe su par xó na setantina.[1] Na volta ła piasa ła se ciamava de ła biava e del vin propio par łe mersi che ghe se vendéva.

De sera, soratuto al mèrcore, ła se inpiéna de xente che ła va so i baréti de ła piasa par bévarse un spriseto.

Na volta qua ghe finiva ła Corsa del Pałio che'l partiva da Voltabaroso: al vinsidore ghe vegnéva dà par premio un toco de séda, al secóndo clasifegà n'oca e al terso na soeta.[2]

Note[canbia | canbia el còdaxe]

  1. 1,0 1,1 Informasion su ła piasa
  2. Piasa de łe Erbe dal sito de Padovanet.it

Vóxe ligae[canbia | canbia el còdaxe]

Controło de autoritàVIAF (EN237449948 · WorldCat Identities (EN237449948
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Piasa_de_łe_Erbe_(Padoa)&oldid=957079"