Piasa del Domo (Padoa)

Da Wikipedia, l'ençiclopedia libara.
Jump to navigation Jump to search
Piasa del Domo
Duomo (Padua) - Facade.jpg
Piasa del Domo, i se véde, da sanca a drita, el Domo, el batistero e un canton del pałaso de Monte de Pietà
Locałixasion
Codaxe postałe35141
Informasion xenerałi
TipoPiasa
Lingambi


Piasa del Domo ła xé na piasa de Pàdova, catada a sud de Piasa dei Siuri, a ła qual ła xé ligada traverso via Monte di Pietà, e a ovest del Gheto e de Piasa de łe Erbe. Par ła só poxision e l'inportante róło dei sui edifisi rełigiuxi ła xé stada e ła xé uncóra un dei sintri fondamentałi de ła sità.

I ladi ovest e sud de ła piasa i xé squaxi completaménte ocupai dal conpleso del Domo. Séde del véscovo, quéło de uncó el xé el terso edifisio, el cui projeto el xé tribuìo a Michielanzolo, anca se i łavuri, inconpiùi par quanto revarda ła fasada, i xé 'ndai vanti fin al 1754.[1] Ła piasa pedonal che ła sta vanti a ła céxa in orìxene ła ospitava el marca dei porsełi, ma, na volta regałada al véscovo ła xé deventada canpo santo, par tóre a ła fin l'aspeto de uncó 'ntel 1902.[2] El batistero, catà sùbito a fianco, el xé stà anca lógo de sepoltura dei Cararexi; el xé conosésto par i frischi de Giusto de' Menabuoi. A sud, invése, ghe xé el pałaso vescoviłe, uncó muxeo diocexan.[2]

A nord de ła piasa ła ga dó costrusion del Siexénto. Verso ła via che ła porta a piasa dei Siuri se cata e el pałaso del Monte de Pietà, na volta séde del'omònima conpagnia de préstiti gestia dai Francescani: notévołe xé ła fasada orientałe col portałe baroco. Tacà a ovest se cata l'arco Valaresso, che'l porta verso ła Reja dei Cararexi.[3]

Note[canbia | canbia el còdaxe]

  1. Póche informasion sul Domo
  2. 2,0 2,1 Domo e Batistero su Padovanet.it
  3. Piasa del Domo su Padovanet.it

Vóxe ligae[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Piasa_del_Domo_(Padoa)&oldid=764448"