Phil Collins

Da Wikipedia, l'ençiclopedia libara.
Infotaula de personaPhil Collins
Phil Collins 1 (cropped).jpg
Cànbia el vałor in Wikidata
Biografia
Nasimento(en) Philip David Charles Collins Cànbia el vałor in Wikidata
Eror Lua: callParserFunction: function " [[Categoria" was not found. (71 ani)
Łondra Cànbia el vałor in Wikidata
Morte
Dati personałi
Altura1,68 m Cànbia el vałor in Wikidata
Atività
Ocupasion
Eror Lua: callParserFunction: function "

[[Categoria" was not found.

Atività1968 Cànbia el vałor in Wikidata –
Menbro de
Eror Lua: callParserFunction: function "

[[Categoria" was not found.

ZènareRock, rock progressivo (it) Traduzi, fusion (it) Traduzi, funk rock, soft rock (it) Traduzi, poprock e pop Cànbia el vałor in Wikidata
VozeTenor Cànbia el vałor in Wikidata

Instrumento muxegałevoze, bateria, pianoforte
Targheta discogràfega
Àlbun13
Àlbun stùdio8
Àlbun dal vivo2
Àlbun compilation3
Partesipante in
13 de lujo del 1985Live Aid (it) Traduzi Cànbia el vałor in Wikidata
Òpara
Òpare in rezalto
Fameja
SpoxaEror Lua: callParserFunction: function " [[Categoria" was not found.
Fiołi
ZenitoriGreville Bernard Philip A Collins (en) Traduzi Cànbia el vałor in Wikidata  e June Strange (en) Traduzi Cànbia el vałor in Wikidata
Segno
Phil Collins Signature.svg Cànbia el vałor in Wikidata

Phil Collins logo.svg Cànbia el vałor in Wikidata

Sito webphilcollins.com Cànbia el vałor in Wikidata
IMDB: nm0002015 Allocine: 19725 Rottentomatoes: celebrity/phil_collins Allmovie: p85557 Metacritic: person/phil-collins TV.com: people/phil-collins IBDB: 405841
Facebook place: philcollins Twitter: philcollinsfeed Instagram: officialphilcollins MySpace: philcollins Youtube: UC4JeRiQvPQ_nb1BZWjk9QoA Souncloud: phil-collins-official Spotify: 4lxfqrEsLX6N1N4OCSkILp iTunes: 153718 Last fm: Phil+Collins Musicbrainz: 401c3991-b76b-499d-8082-9f2df958ef78 Songkick: 495060 Discogs: 101028 Allmusic: mn0000337119

Philip David Charles "Phil" Collins, (Chiswick, 30 de zenaro, 1951) el ze un cantaudor, połistrumentista e ator britànego, conosùo sia come sołista che conponente del stòrego grupo dei Genesis.

Collins ga inisià ła so cariera muzegałe come baterista dei Genesis inte'l 1970, prima de deventarghene el cantante drìoman el abandon de Peter Gabriel inte'l 1975. El ga invese intraprendesto na cariera sołista inte i primi ani otanta, inisialmente ispirada da ła so rotura coniugałe e da l'amor verso ła mùzega soul, che ga produzesto na serie de àlbun de suceso come Face Value (1981), No Jacket Required (1985) e ...But Seriously (1989).

Inte'l corimento de ła so cariera sołisa, el ga piasà al primo posto in clasifega sete sìngołi inte i Stati Unìi e tre inte'l Regno Unìo. Contando ła so miłitanza inte i Genesis, łe so cołaborasion esterne, cusì cofà ła so atività sołistega, Collins ze l'artista che inte i ani otanta ga otegnùo el mazor nùmaro de hits inte ła Top 40.[1] I suoi singoli di maggior successo includono In the Air Tonight, Against All Odds (Take a Look at Me Now), One More Night, Sussudio e Another Day in Paradise.

Ła discografia de Phil Collins include oto àlbun in studio che ga vendesto oltre 33.5 miłion de copie sertifegae inte i sołi Stati Unìi e na stima de 150 miłion de copie in tuto el mondo, fazendo de łù uno dei artisti muzicałi co mazor vendite de tuti i tenpi.[2] El ze uno dei tre artisti, insenbre a Paul McCartney e Michael Jackson, ad aver vendùo oltre 100 miłion de àlbun in tuto el mondo sia come sołista che cofà menbro prinsipałe de un grupo.[2] Durante ła so cariera el ga risevùo oto Grammy Awards, un Premio Oscar, do Golden Globe, sincue BRIT Awards e un Disney Legends.[3]

Biografia[canbia | canbia el còdaxe]

Nasesto a Chiswick, cuartier sudocidentałe de Łondra, Collins scoverze ła so "vocasion" muzicałe a l'età de 15 ani co i so zii ghe regała na baterìa zogatoło in ocazion del Nadałe; pì tardi i zenitori ghe conpra baterìe vere, senpre pì conplete. No'l inpara ancora ła notasion muzicałe, ma el sevita sonar conpagnando ła radio o ła tełevizion, sviłupando un metodo propio.[4] A 12 ani el fonda el primo conpleso ed entra inte'l mondo de ła mùxica.

Ła so prima insizion co ła baterìa riva co i Flaming Youth inte l'àlbun ARK 2 (1969). El concept album se ispira al grando evento del pariodo, cueło del sbarco statunitense so ła Łuna, ma no'l ga un gran suceso. Nonostante ciò, Melody Maker ło descrive come "mejo àlbun pop del meze"[4]; drìo de un ano, el gropo se desfa.

L'ingreso inte i Genesis[canbia | canbia el còdaxe]

Search ballonicon2.svg Par savèrghene de pì, vardarse ła voxe Genesis#Ła formasion clàsega e l'aseza.

Inte'l 1970 el responde a un anuncio so Melody Maker e'l otien ła posibiłità de na audision par entrar a far parte dei Genesis, che i gaveva za canbià tre bateristi inte'l ziro de do àlbun. Andà in antisipo so'l łogo del provin, a caza dei zenitori de Peter Gabriel, in spetando el so turno el se nega inte ła pisina in zardin e'l riese scoltar łe canson da sonar (che fa parte de l'àlbun Trespass) prima del so turno riusìndo a memorizarli azevolmente.[4] Ła so abiłità so'l strumneto ed i so trascorsi teatrałi fa de łù el baterista ideałe par el gropo. Collins canta za come sołista inte ła canson For Absent Friends prezente inte'l àlbun Nursery Cryme del 1971 e inte ła canson More Fool Me (che Gabriel se gaveva rifiutà de cantar) prezente inte l'àlbun Selling England by the Pound del 1973. Inte'l fratenpo Collins vien ciamà a rejistrar parti de baterìa par i àlbun Taking Tiger Mountain (By Strategy) e Another Green World de Brian Eno.

Dopo aver publegà el dupio àlbun The Lamb Lies Down on Broadway, Peter Gabriel deside de abandonar el grupo par intraprendar na cariera sołista inte l'agosto 1975. Dopo oltre 400 audision sensa ezito, Collins se propone de sostituir l'ormai ex frontman de'l grupo.[5] El ezordise come voze inte l'àlbun A Trick of the Tail del 1976, conservando anca el ròło de baterista in studio,[6] mentre par łe ezibision live i Genesis ciamarà prima Bill Bruford e drìoman Chester Thompson. El primo àlbun co Collins come cantante razonze ła Top 40 inte i Stati Unìi e 'l 3º posto inte'l Regno Unìo, sorprendendo in pozitivo sia el pùblego che ła critica.

Inte ła prima faze dei Genesis, el ròło de Collins inte ła conpozision dei brani ze stà asè minor stato respeto ai altri menbri del gropo. Partien a èło gran parte de Lilywhite Lilith, e ga contribuìo in partegołar a ła conpozision de For Absent Friends (el cui prinsipal autor ze Steve Hackett), More Fool Me (el cui prinsipal autor ze Mike Rutherford) e ła segonda sesion de The Cinema Show (nasùa da na jam co Rutherford e Tony Banks).

Parałełamente ai Genesis, Collins entra a far parte de un projeto jazz-fusion denominà Brand X. El gropo rejistra el primo àlbun, Unorthodox Behaviour, co Collins baterista. Tutavia, a cauza de l'enorme suceso dei Genesis, molti album e tour dei Brand X vedarà l'asensa de Collins. Inte'l steso pariodo aparise come baterista e cantante anca par el primo àlbun da sołista de Steve Hackett, Voyage of the Acolyte.

Dopo l'abandon de Hackett, conseguente a l'usida de l'àlbun Wind & Wuthering, i Genesis decide de continuar come trio spostando el so stiłe verso na mùzega pì comersiałe. El grupo otien el so primo grando suceso radiofònego co'l sìngoło Follow You Follow Me, traesto da l'àlbun ...And Then There Were Three... del 1978.

L'ezordio cofà sołista[canbia | canbia el còdaxe]

Collins in concerto inte'l 1981

Verso el fenir dei ani setanta i Genesis se ciapa na pauza, durante ła quale Collins scominsia ad sbosar materiałe par el so primo àlbun sołista, Face Value, spontonà da na fonda crizi seguìa a ła rotura del so primo matrimonio.[7] El projeto vien momentaneamente acantonà in ocazion de łe rejistrasion de Duke dei Genesis inte'l 1980.

Face Value vede łuze inte'l febraro 1981, presedesto da un sìngoło ciamà come In the Air Tonight, influensà da ła cołaborasion de Collins l'ano presedente al terso àlbun de Peter Gabriel.[8] El brano e l'àlbun otien un suceso ben al de sora de łe spetative, razonzendo łe parte alte de łe clasifeghe prategamente de tuto el mondo, rezultado fin a chel tenpo mai otegnesto gnanca dai Genesis. El suceso ciapa a ła sprovista anca l'isteso Collins, che inte'l fratenpo se jera za riunìo al grupo par ła publegasion de Abacab avegnesta inte'l setenvrio del steso ano.

El segondo łaoro sołista, Hello, I Must Be Going!, el vien publegà l'ano sucesivo, tutavia no'l riese ripetar el gran suceso del presedente, anca se'l contien ła cover de You Can't Hurry Love che deventa el primo sìngoło de Collins capase de razonzer ła sìma de ła clasifega inte'l Regno Unìo. Drìoman el cantante parte par el suo primo vero tour da sołista sensa i Genesis. Anca in sto pariodo ze na granda mota de cołaborasion de Collins co altri artisti, el conparise infati cofà produtor de Something's Going On, terso disco rejistrà in propio da Frida de i ABBA, e cofà baterista prinsipałe inte i primi du łaori sołisti de Robert Plant, Pictures at Eleven e The Principle of Moments.

Inte l'otobre 1983 i Genesis da a łe stanpe l'àlbun omònemo, antisipà dal sìngoło Mama, che deventa el mazor suceso del grupo inte'l Regno Unìo.

L'apise de ła fama[canbia | canbia el còdaxe]

Inte'l 1984 el conpone Against All Odds (Take a Look at Me Now), canson che dà el titoło a ła cołona sonora del film Due vite in gioco (Against All Odds). El deventa el primo singoło de Collins capase de scałar ła clasifega inte i Stati Unìi, rivando fin in sìma a ła Billboard Hot 100. Ła canson ła regała in zonta a l'autor el so primo Grammy Award e ła vien nominà cofà mejo canson par i Oscar 1985, perdendo contro I Just Called to Say I Love You de Stevie Wonder.

Inte l'isteso ano Collins el produze el terso disco sołista del cantante Philip Bailey dei Earth, Wind & Fire, Chinese Wall, che include al so interno un doto intrà i do artisti, Easy Lover, che razonze el primo posto inte'l Regno Unìo. In zonta el cołabora masivamente a ła reałizazion de l'àlbun Behind the Sun de Eric Clapton. Inte'l novenbre 1984 el se unise al projeto benèfego Band Aid creà da Bob Geldof, sonando ła baterìa inte'l sìngoło Do They Know It's Christmas?, distribuìo al fin de rancurar fondi par conbater ła carensa de cibo in Etiopia.

Inte'l zenaro 1985 el publega el so łaor de mazor suceso comersiałe, No Jacket Required, strasinà dai sìngołi Sussudio e One More Night, entranbi capasi de razonzer el primo posto inte i Stati Unìi. L'albùn el consacra definitivamente el suceso de Collins come sołista, otegnendo ła sertifegasion de disco de diamante par łe vendite. Verso el finir de l'ano, el rejistra el sìngoło Separate Lives insenbre a Marilyn Martin par el film Il sole a mezzanotte, concuistando da novo ła sìma de ła clasifega inte i Stati Unìi. Grasie a sto rezultado Collins el deventa l'ùnego artista capase de piasar tre sìngołi al primo posto durante tuto el 1985.[9] No Jacket Required vien premià co tre Grammy incluzo cueło cofà mejo àlbun de l'ano.[10]

El 13 de łujo 1985 el ze uno dei protagonisti de l'evento mondiałe Live Aid, inte'l cuało Collins el soana anca co i Led Zeppelin al posto del defonto baterista John Bonham, e el riese a ezibirse prima a Wembley po' a Philadelphia, trasferìndose da na sità a l'altra in sìrca tre ore grasia a un voło in Concorde: inisiando el segondo concerto a Philadelphia inte'l pomerigio, Collins el ga sałudà i fans dizendo: "Che stranio, ancùo dopodisnar A zera in Inghiltera! El mondo el ze stranio".[11] In chel parìodo A parea ciaro che ła popołarità de Collins come sołista ła fuse drìo métar in segondo pian cueła dei Genesis, tutavia el cantante gaveva dichiarà esplisitamente de no vołer łasar el grupo.[12]

Inte'l zugno 1986 i Genesis i fa el só ritorno co l'àlbun Invisible Touch, antisipà dal sìngoło epònemo che'l deventa l'ùnego brano del grupo capase de razonzer el primo posto inte i Stati Unìi. El grupo el riseve un Grammy e na nomination ai MTV Video Music Awards par el videoclip del brano Land of Confusion, indove l'isteso Collins el conparise in una sua cargadura, inte ła curioza veste de putinòto. El tour mondiałe łigà a l'àlbun el toca el só apise co łe cuatro serade consecutive tegnùe al Wembley Stadium de Łondra inte'l łujo 1987.

Inte'l 1988 Collins el recita cofà ator protagonista inte'l film Buster, che'l conta ła granda storia d'amor tra uno dei criminałi de ła famoza rapina al treno postałe Londra-Glasgow del 1963 e ła só moroza. Par l'ocazion el contribuise a ła cołona sonora intarpretando na nova varsion del clàsego A Groovy Kind of Love, che razonze el primo posto de łe clasifeghe sia inte'l Regno Unìo sia inte i Stati Unìi. El reałiza anca el brano Two Hearts co'l cuało el e se azùdega un Golden Globe e n anova nomination ai Oscar. El film el vien resevùo tiepidamente da ła critica, tutavia ła performance resitadiva de Collins e ła cołona sonora łe otien otimi riscontri.

Notasion[canbia | canbia el còdaxe]

  1. John Anderson, Pop Notes, New York, Newsday, 7 gennaio 1990.
  2. 2,0 2,1 (EN) Brian Walker, Phil Collins leaves music industry to be full-time dad, CNN, 10 marzo 2011. entrada il 14 ottobre 2013.
  3. Disney Legends, Disney. entrada il 24 febbraio 2013.
  4. 4,0 4,1 4,2 (EN) R. Coleman, Phil Collins: The Definitive Biography, Londra, Simon & Schuster, 1997, ISBN 0-684-81784-5.
  5. Bio: Phil Collins, MTV Artists. entrada il 30 settembre 2014.
  6. Collins sona comuncue ła baterìa durante i łonghi intramezi strumentałi anca durando i live.
  7. (EN) Hugh Fielder, The return of... Getting it together in the Country, Sounds, 27 ottobre 1979. entrada l'11 ottobre 2014.
  8. (EN) David West, Classic Drum Sounds: 'In The Air Tonight', MusicRadar. entrada il 14 marzo 2016.
  9. Whitburn, John. The Billboard Book of Top 40 Hits. Billboard Books, New York. 2000. pp. 143–144. ISBN 0-8230-7690-3
  10. Past Winners: Phil Collins, The GRAMMYs. entrada il 22 settembre 2014.
  11. (EN) Steve Myall, Live Aid 30th anniversary: 30 things you never knew about the 1985 concert, Daily Mirror, 13 luglio 2015. entrada il 13 dicembre 2016.
  12. (EN) Rob Hoerburger, Phil Collins Beats the Odds, Rolling Stone, 23 maggio 1985. entrada il 13 dicembre 2016.


Controło de autoritàVIAF (EN84973327 · ISNI (EN0000 0001 1469 3467 · LCCN (ENn84001955 · GND (DE118929518 · BNF (FRcb138926499 (data) · BNE (ESXX981038 (data) · WorldCat Identities (ENn84-001955
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Phil_Collins&oldid=1096271"