Paul McCartney

Sir James Paul McCartney (Liverpool, 18 de zugno 1942) xe un cantante, conpoxidor, muxicista, polistrumentista, produtor discografego e çinematografego, scienegiator britanico. Altre so atività łe xe quełe de ator, pitore e ativista par ła difexa dei diriti dei animałi.

Rivà a ła fama internasionałe come basista inte i Beatles insieme co John Lennon, George Harrison e Ringo Starr. Co Lennon el ga formà ła cubia de conpoxidori de magior suceso e influensa scrivendo serte de łe canson pì amae inte ła storia de ła mùxega contenporanea.

Dopo i Beatles, el ga formà i Wings co ła so prima mujere, Linda McCartney, el conpoxidor Denny Laine e altri muxicisti. In seguito el gà laorà da sołista conponendo anca cołone sonore, mùxega colta e mùexga ambient, publicando na caterba de singołi e ciapando parte ativamente a projeti de sostegno ad asociasion benefiche internasionali.

Paul McCartney, pare de ła stiłista britanica Stella McCartney e grande tifoxo del Everton, l'è anca ricordà par esare on sostenitor del vexetarismo, dei diriti dei animałi e de l'educasion mùxicałe inte łe scołe; l'è anca on sostenitor de łe canpagne contro łe mine antiomo, ła cacia a ła foca e el debito del Terso Mondo.

Co un patrimonio de 660 miłioni de dołari inte el 2010 el xe, secondo Forbes, el cantante pì rico del mondo.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Paul McCartney
• el detien schemi gràfeghi so