People Mover de Venesia
El People Mover de Venesia el ze el sistema de trasporto pùblego etomètrego de tipo people mover, che'l cołega l'ìzoła de'l Troncheto a Piasal Roma, pasando da ła cusì dita zona Marìtema. El ze entrà in funsion el 19 April 2010[3].
El people mover el ga vełosizà notevolmente el tenpo de parcorensa intrà el Troncheto e Piasal Roma (a pìe ghe vol sirca 20 minuti, 3 minuti se se utiłiza el People Mover), anca in vertù de ła frecuensa de łe corse (onji 7 menuti da łe 7 a łe 23[4]), e inazonta el ze caraterizà da l'economisità par i viazadori che no i ga ła Carta Venesia (no se áplega infati ła tarifa difarensiada prevedesta par i mezi de navegasion de l'azienda de trasporto pùblego)[5].
Orsùzo A ze prevedesto che, grasie anca ad altri łaori, el people mover el agiuta a redefinir l'organizasion de łe porte de aceso automobiłìstego a Venesia[6].
Tecnołozìa
[canbia | canbia el còdaxe]El people mover de Venesia el ze formà da na infrastrutura soraełevada (dai 5 ai 7 metri), formada da do piàstre guałive (inte ła fermada sentral de ła Marìtema łe piastre łe deventa cuatro, do par diresion, par parmétar l'incrozo intrà i convogi che i parcore traziti difarenti) sora łe cuałe i score, menà da un sistema a soga, i convogi Dopplemayr Cable Car, indotà de rode gomàe. Łe ròde portante łe ga l'aso orizontal, łe ròde guida łe ga l'aso vertegal. A ze utiłizàe rode gomàe par redùzer a'l mìnemo l'incuinamento acùstego. Ła soga ła ze de'l tipo dito Jota e ła ze reałizàda in asial spesial[7]. El scartamento intrà łe do piastre el ze de 1220 mm[7].
El dezliveło intrà i do estremi el ze de 0,58 metri e tuto el parcorso el ga na pendensa infarior a'l 5%, fora che inte'l trato de traversamento de'l canal de'l Troncheto co un ponte de 180 metri co na pendensa de'l 6,2%.
I convogi (consenjài a'l zestor el 4 setenbre 2009), automàteghi e donca sensa conduzente a bordo, i ze zestìi da na sała oparadiva postada a'l Troncheto[8], i ze conposti da 4 vagoni co na capasità conplesiva de 200 pasezeri (o 168 pasezeri pì 8 carosìne, 2 par vagon) e i pol razónzer na vełosità màsema de 26 km/h.
El ze el primo sistema de 'sto tipo in Eoropa[9].
El people mover el ze stà prozetà par trasportar fin 3.200 pasezeri a l'ora par diresion [10].
-
Raprezentasion schemàtega de i carełi de i convogi, conposti da łe rode pì grande (in grizo scuro), perpendicołari a łe piastre (in verde), da łe rode łaterałe (in roso) e da'l sistema (in blé) che'l cołega el careło e cuindi i convogi a ła soga -
L'infrastrutura soraełevada, fiancada a sanca da na pasareła par le emerzense. Inte ła somegia A ze vizibiłe anca el ruło guidasoga.
Costi e inpreze
[canbia | canbia el còdaxe]
I costi stimài par 'st'òpara pùblega, prozetada da'l venesian Francesco Cocco, i zera previsti in 16 miłion e 331.483.76 € (IVA escluza) erogà da l'ASM (sosietà de'l Comune de Venesia, che ła ga contrato un mutuo a tal scopo) e da un finansiamento ministerial [5] ( łeze 211/92-intarventi inte'l setor de i sistemi de trasporto ràpido de masa). El costo final el ze stà invese de € 22.700.000, 13,41 miłion [11] a cargo de l'ASM, a càuza de inatezi łaori a i sotoservisi e de bonìfega [12][13].
Doppelmayr Itałia ła ga reałizà i inpianti tecnołòzeghi de ła parte funiviaria, mentre l'ATI (conposta da łe dite SACAIM SpA, SICOP Srl e ła stesa Doppelmayr), łe se ga ocupà de łe òpare siviłi.
Storia
[canbia | canbia el còdaxe]
Inte'l 1996 A ze insarìa inte'l Pian par ła reorganizasion de Piasal Roma, Troncheto e Marìtema ła proposta de un cołegamento soraełevà intrà łe 3 zone. El trasà definitivo el vien aprovà inte'l desenbre de'l 2000 e insarìo come variante de'l pian urbanìstego par "ła sità antiga". So'l fenir de'l 2001 vien ełaborà un Acordo Cuadro, ezaminà inte l'ano drioman, tra i vari enti coinvolti: Comune, Rejon, Soraintendensa a i Beni Architetòneghi, Ferovie de'l Stato e Autorità Portuałe.
L'ASM (azienda de'l Comune de Venesia che ła se ocupa de łe atività conduzìbiłi a i servisi pùbleghi łocałi in materia de zestion de i servisi auziłiari a'l tràfego e de łe mobiłità), inte'l 2002 ła reseve l'incargo de prozetar e reałizar el people mover. Drioamn ła Rejon ła dimanda el parer de ła Comision de Salvaguardia ła cuała ła esprime parer negativo a ła variante inte'l zenaro 2003.
El parer el vien prima retirà inte'l zunjo sucesivo e el meze dopo el deventa pozitivo. Inte'l desenbre de'l 2004 A ze stà aprovà el prozeto definitivo e ze stà invià ła prosedura par fidar i łaori tramide gara[14].
El Consejo de Stado, inte l'Istà 2009, el ga declarà łezitima l'asenjasion de i łaori, in sèito a bando de gara, a l'ATI Doppelmayr-Sacaim-Sicop respénzendo, anca in apeło, el recorso de l'altra ATI Leitner-Cidonio[12]. I łaori i ga tacà inte 'l 2007 e l'inaugurasion ła ze avenjùa el 19 desenbre 2009, co un retardo de un ano sirca[15] a càuza de łaori a i sotoservisi e de bonìfega non previsti, che i ga conportà anca na gravesa de costi. Inte'l fratenpo ze stài reałizài i cołaudi a cura de l'USTIF. L'efetiva entrada in ezersisio comersiałe de'l people mover ła zera prevista , daspò i cołaudi, par marso 2010[16]. In realtà ła ze zlitada[17], prima a'l 12 apriłe 2010, po' al 19[3] de'l steso meze a càuza de'l potrarse de łe verìfeghe a cura de l'USTIF[18].
Inpato vizivo
[canbia | canbia el còdaxe]
Tra Piasal Roma e ła fermada de ła Marìtema l'infrastrutura ła pasa 'rente a ła ceza de Sant'Andrea de ła Zirada de'l '400 e cuesto el ga zenarà diverse crìteghe[13] a càuza de l'ełevada altesa de ła strutura (sirca 5-7 metri) che ła conpromete ła zona de ła fasada co l'invadente infrastrutura (che ła pasa a sanca de'l parimetro de ła ceza) e in partegołar a'l pasagio de i convogi[19]. No ze stàe moveste nantre osarvarsion, poiché inte łe zone intaresàe da l'infrastrutura ghe ze par lo pì parchegi multipian o aree dezmese.
El parcorso e łe fermàe
[canbia | canbia el còdaxe]In tuto el parcorso A ze presenti do ponti a scavalco de i canałi de'l Troncheto e de Santa Ciara, el ponte a scavalco de'l Canal Troncheto el ze łongo 180 metri e ze tre canpàe[20]. El styling de łe fermade el ze caratarizà da na foza curviłinea e moderna de fero vero trasparente[21]. L'utiłizo, par łe fermàe, de łenjo (par ła pavimentasion), asial (par l'osadùra) e vero (par l'inbaładùra), segóndo el designer Francesco Cocco el serve a evocar un zvoło de cocal e ła strutura de łe cape, ciamàe in diałeto venesian garùzołi (Hexaplex trunculus)[8]. Tute łe fermàe łe ze indotàe de inpianti de difuzion sonora automàdeghi, de inpianti citofonici par łe comunegasion ai pasezeri e al parsonałe de servisio e de un sistema de tełecàmare a sircuito serà (TVCC).
Inte łe fermàe A ze prezenti asensori (dimensionài par łe carosìne) e scałe mobiłi. L'aceso intrà el pian de łe stasion e i convògi el avien a sentanìn razo. 'Inte łe fermade A ze inaxonta prezenti separasion fizeghe de vero tra ła via de corsa de'l people mover e ła zona 'verta al pùblego (porte de banchina). Infati ze prexenti porte scorévołi che łe se verse soło che in prezensa dei veicołi de'l people mover e łe porte scorévołi de łe fermàe[20]. A ze prezenti altre porte d'emerzensa co manìse antipanico. Inte łe fermade de'l Troncheto e de Piasal Roma i flusi dei arivi e de łe partense i ze separài.
-
El people mover in diresion Marittima-Piazzale Roma da'l Tronchetto -
People mover fermo a ła stasion caołinea de Piasal Roma. Łe pòrte del mexo e de ła stasion xe entranbe 'verte -
Display a ła stasion de Piasal Roma -
Ła stasion caołinea de'l Tronchetto: łe pòrte a sanca łe ze reservàe ai arivi, łe pòrte a drita a łe partense
Troncheto
[canbia | canbia el còdaxe]
Ła stasion de'l Troncheto ła funsiona da stasion motrice par el sistema a sóga.
Ła zona de'l Troncheto atualmente ła ospita difarenti parchegi multipian, pì econòmeghi respeto ai parchegi prezenti inte el Piasal Roma. El progeto el prevede par el Troncheto un notevołe zviłupo co ła costrusion de edifici comerciałi, diresionałi, łozìsteghi e parchegi. Inazonta al Troncheto el dovarìa in futuro pasar o far caołinea a ła tramvia de Mestre.
Marìtema
[canbia | canbia el còdaxe]
Ła fermada de ła Maritema ła funsiona da stasion de incrozo par i convògi e łe rodaie in 'sta fermada donca i ze 4. Ła fermada ła ze entrà in funsion el 5 zunjo 2010[22]. Atualmente inte ła zona de ła Marìtema atraca łe nave tragheto par ła Gresia e ła Turchia e łe grande nave da crozera. A venjarà reałizà un novo parchegio multipian prozetà da Mauro Galantino[23]. I łaori de'l Multipian, co ła costrusion de un albergo par i crozeristi e de un gran parco pùblego, i gavarìa da scominsiar inte'l 2010[24].
Piasal Roma
[canbia | canbia el còdaxe]
Ła stasion de Piasal Roma funsiona da stasion tenditrice par el sistema a sóga. Atualmente Piasal Roma el ze el prinsipal aceso automobiłistego a ła sità łagunar, co 3 grandi parchegi multipian e difarenti altri parchegi e co tuti i caołinea dei autobus urbani e extraurbani. El prozéto el prevede un redimensionamento de Piasal Roma a favor de'l Troncheto. Da piasal Roma A se pol razónzer ła sità pedonal anca traverso el ponte de ła Costitusion, prozetà da Santiago Calatrava.
Zestor e biłieto
[canbia | canbia el còdaxe]
L'infrastrutura e i convògi del people mover i ze de proprietà de'l comune[5], mentre ła zestion de'l people mover ła ze fidà a l'ASM S.p.A. (Azienda de'l Comune de Venesia che ła se ocupa de łe atività riconduzibiłi ai servisi pùbleghi łocałi in materia de zestion dei servisi auziłiari de'l tràfego e de ła mobiłità) par 20 ani par recuperar l'investimento[8].
El costo de'l biłieto (difarente da cueło par i mezi automobiłisteghi o acuei) el ze guałivo a € 1, mentre l'abonamento mensiłe, par el dòparo de'l soło people mover, el ga un costo de 15 €. [5].
El biłieto el ze acuistàbiłe soło 'rente łe emetitrici automàdeghe, situàe a l'interno dei łocałi de łe stassion.
Par el meze de magio 2010 l'abonamento el ze stà a maca par i posesori de abonamento ACTV, el costa 5 €[25].
Imaxeni
[canbia | canbia el còdaxe]
Wikimedia Commons el detien imàjini o altri file so People Mover de Venesia
el detien schemi gràfeghi so
