Nino Frassica

Nino Frassica

Biografia
Nasimènto	11 de disenbre del 1950 (73 ani) Mesina (Sicìlia)
Atività
Ocupasion	ator, prexentador de tełevixion, ator, senezador, personałità de aràdio
Atività	1970  –
Fameja
Cògnuze	Daniela Conti Barbara Exignotis (it)

Nino Frassica, a l'anagrafe Antonino Frassica (Mesina, 11 de disenbre 1950), el ze un ator, comico, condutor tełevizivo e condutor radiofonego itałian.

Biografia

Da'l 1970 el partesipa ad alguni spetacołi teatrałi e inte łe tełevizion łocałi mesinezi, Frassica el se fa notar da Renzo Arbore grasie a un ecentrico mesagio łasà so ła segreteria tełefonega. El muzicista pujeze, inte'l 1983, el ło ciama par interpretar ła parte de'l tècnego de Tele Ottaviano in "FF.SS." - Cioè: "...chi mi ha portato a fare sopra a Posillipo se non mi vuoi più bene?". Senpre co Arbore el parteçipa inte'l 1985 a'l varietà Quelli della notte, inte ła parte de frar Antonino da Scasazza, organizador de un inprobabiłe concorso a premi, e inte'l 1987 a Indietro tutta!, indove el veste i pani de'l "brao prezentador" e el mete in sena na spasoza parodia de'l tìpego condutor tełevizivo.

Drìoman el prexenta so Rai 2 ła trasmision "Ritira il premio" e drìoman el parteçipa a Fantastico, Domenica in, Scommettiamo che...?, I cervelloni, Acqua calda al fianco de Giorgio Faletti e, pì de recente, a Colorado Cafè e a ła prima staxon de Markette conduxesto da Piero Chiambretti. Ła so comicità ła se baxa soratuto so l'ełocuio sureałe: el descorso non-sense, xoghi de parołe inprobabiłi, łe fraxe łapałisiane e łe considerasion fora da ogni łoxega xe i so strumenti retoreghi preferìi. Uno dei ùltemi sucesi xe ła fiction tełevixiva Don Matteo, scominsiada inte el 1999 e xonxesta a ła dodexexema staxon, co Terence Hill, Flavio Insinna e Simone Montedoro, in cui el coprotagonista e interpreta el maresiało dei Carabinieri Nino Cecchini.

Inte i mexi de novenbre e disenbre 2006 el xe stà el testimònio de ła publicità de ła conpagnia de tełefonia mobiłe Wind Telecomunicazioni. Inte i primi mexi 2008 el ga ciapà parte a ła trasmision I migliori anni prexentada da Carlo Conti; l'ano drìo in conpagnia de Conti el prexenta el programa Premio Tv 2009. Inte el 2009 el vien seliesto da ła regista Sofia Coppola par interpretar el ròło de prexentador del Telegatto inte el so film Somewhere: Frassica ga dichiarà che ła regista ło ga sełesionà daspò che ła vedùo alcuni filmati de Indietro tutta! so YouTube.

Inte el marso del 2010 el ga un picoło ròło in The Tourist de Florian Henckel von Donnersmarck, indove el interpreta un carabinier che insegue el personaxo de Johnny Depp par i canałi de Venesia. El xe anca testimonial de ła Fratres par na canpagna nasionałe par ła donasion del sangue, e de l'Asociasion Sclerosi Tuberoxa. El steso ano el torna a I migliori anni, in cui el interpreta el xùdexe del reality show Disfactor; co łu ghe xe Francesco Scali, inte ła parte del cantaudor Gianfranco Padda, Benito Urgu e el comico-bałarin Igiul (Luigi Leoni).

Senpre inte el 2010 el parteçipa cofà ospite fiso a ła trasmision radiofonega de Lillo e Greg 610, indove el interpreta el ròło del mago Acirfass, fornindo oroscopi sureałi e stranbałai. L'ano drìo el xe protagonista insenbre a Giulio Scarpati de ła serie tełevixiva Cugino & cugino trasmetesta in prime time so Rai Uno a partir dal 22 de febraro. Dal łujo del steso ano el conduxe, insieme al cantaudor Simone Cristicchi, el programa radiofonego Meno male che c'è Radio2. Senpre inte l'istà del 2011 el ciapa parte a L'agnellino con le trecce, un cortometragio par el sociałe.

Dal 14 de marso 2012 el ciapa parte al novo programa de Sabina Guzzanti in onda so La7 dal titoło Un due tre stella, inte el cuało el ripropone alcuni so personaxi cofà el Mago Acirfass e el critego tełevixivo Anno Ghiotti. Inte ła staxon autunałe 2012 de Le Iene, el łaora da invià soto el nome de Tommi Paradais, utiłixando come ganso el so amigo Pietro Pulcini par desturbar łe riprexe de alcuni programi e film tełevixivi. Inte el 2013 el parteçipa ad alcune pontae de ła serie tełevixiva Mario, scrivesta e direta da Marcello Macchia, che va in onda so MTV Italia, in te'l ròło del ponpier Pompiero.

Dal 6 de avril el parteçipa al novo talent de Rai 1 Altrimenti ci arrabbiamo, co ła condusion de Milly Carlucci. In primavera el fa da novo parte del cast de I migliori anni senpre conduxesto da Carlo Conti. Inte el 2014 el gaa publegà el łibro a so firma La mia autobiografia (70% vera 80% falsa). Inte el 2015 el deventa el testimonial de ła canpagna de comunicasion del Ministero de ła Sałute contro el fumo: par ła canpagna el reałixa tre spot tełevixivi e tre spot radiofoneghi che vien trasmetesti so łe redi de ła Rai e in internet par tuto el corso del 2015 e del 2016. Ła canpagna ła ga vinsesto el premio Agorà 2016. In considerasion del suceso otegnesto, el Ministero decide de pontar so Frassica anca par ła canpagna contro el fumo del 2017 inte ła cuała l'ator interpreta el strałunà psicanałista dei cativi de łe favołe.

Dal 2015 el fa parte del cast fiso del programa Che fuori tempo che fa, spin-off de Che tempo che fa. El 10 de febraro 2016 el xe ospite de ła segonda serada del Festival de Sanremo, indove el otien consensi de critica e pùblego par ła so intervista dopia co Gabriel Garko e par ła canson A mare si gioca, scrivesta co Tony Canto, raggiungendo il picco di share con il 59,7%. El 9 de setenbre 2017 el xe xurà del concorso de bełésa Miss Italia andà in onda so LA7; cuindexe dì dopo el afianca Fabio Fazio a ła condusion de Che tempo che fa so Rai 1. Inte ła serie TV La mafia uccide solo d'estate, Frassica interpreta el prete cołuxo co ła mafia Intrà Giacinto. El xe stà ospite del Festival de Sanremo 2018 durante ła tersa serada interpretando el Maresiało Cecchini insieme a Pietro Pulcini, inte i consueti pani de Pietro Ghisoni.

Ła rubrica domenegałe Che fuori tempo che fa de Fabio Fazio ga otegnùo cusì tanto suceso da spontignàr Frassica a publegar el 25 de majo 2018 el łibro Novella Bella, publegà da Mondadori.

El recita dal disnbre 2020 inte ła fiction Fratelli Caputo de Canale 5.

Filmografia

Sìnema

• "FF.SS." - Cioè: "...che mi hai portato a fare sopra a Posillipo se non mi vuoi più bene?", regia de Renzo Arbore (1983)
• Il Bi e il Ba, regia de Maurizio Nichetti (1985)
• Mortacci, regia de Sergio Citti (1988)
• Vacanze di Natale '91, regia de Enrico Oldoini (1991)
• Sognando la California, regia de Carlo Vanzina (1992)
• Anni 90, regia de Enrico Oldoini (1992)
• Anni 90 - Parte II, regia de Enrico Oldoini (1993)
• Miracolo italiano, regia di Enrico Oldoini (1994)
• Sono positivo, regia de Cristiano Bortone (2000)
• Le sciamane, regia de Anne Riitta Ciccone (2000)
• Apri gli occhi e... sogna, regia de Rosario Errico (2003)
• Prendimi e portami via, regia de Tonino Zangardi (2003)
• Bell'epoker, regia de Nico Cirasola (2003)
• L'amore di Marja, regia de Anne Riitta Ciccone (2005)
• Eccezzziunale veramente - Capitolo secondo... me, regia de Carlo Vanzina (2006)
• Tre dì d'anarchia, regia de Vito Zagarrio (2006)
• L'abbuffata, regia de Mimmo Calopresti (2007)
• Viaggio in Italia - Una favola vera, regia de Luca Miniero e Paolo Genovese (2007)
• Pene d'amore, regia de Alfredo Fiorillo (2008)
• 15 Seconds, regia de Gianluca Petrazzi (2008)
• Volevo gli occhi blu, regia de Francesco Lama (2008)
• La fidanzata di papà, regia d eEnrico Oldoini (2008)
• Se chiudi gli occhi, regia de Lisa Romano (2008)
• Un attimo sospesi, regia de Peter Marcias (2008)
• Baarìa, regia de Giuseppe Tornatore (2009)
• La scomparsa di Patò, regia de Rocco Mortelliti (2010)
• The Tourist, regia de Florian Henckel von Donnersmarck (2010)
• Somewhere, regia de Sofia Coppola (2010)
• I bambini della sua vita, regia de Peter Marcias (2010)
• Taglionetto, regia de Federico Rizzo (2011)
• Lettera da Madras, regia de Irish Braschi (2011)
• L'agnellino con le trecce, regia de Maurizio Rigatti - cortometragio (2011)
• Neanche i cani, regia de Alfio d'Agata - cortometragio (2012)
• Workers - Pronti a tutto, regia de Lorenzo Vignolo (2012)
• Il sole dei cattivi, regia de Paolo Consorti (2012)
• Cha cha cha, regía de Marco Risi (2013)
• Andiamo a quel paese, regía de Ficarra e Picone (2014)
• Sei mai stata sulla Luna?, regia de Paolo Genovese (2015)
• Italiano medio, regia di Maccio Capatonda (2015)
• Babbo Natale non viene da Nord, regia de Maurizio Casagrande (2015)
• Natale a Londra - Dio salvi la regina, regia de Volfango De Biasi (2016)
• Forever Young, regia de Fausto Brizzi (2016)
• Omicidio all'italiana, regia di Maccio Capatonda (2017)
• Ninna Nanna, regia de Enzo Russo e Dario Germani (2017)
• Non ze un paese par giovani, regia de Giovanni Veronesi (2017)
• Uno di famiglia, regia de Alessio Maria Federici (2018)

Tełevixion

• S.P.Q.R. (1998)
• Don Matteo (2000-in corso)
• La crociera (2001)
• Il destino ha 4 zampe (2002)
• Madre come te (2004)
• Butta la luna (2006-2009)
• Ho sposato uno sbirro (2008)
• L'ultimo padrino (2008)
• L'ispettore Coliandro, epixodio Il sospetto (Rai Due, 2009)
• Cugino & cugino (2011)
• I Cesaroni 5 (2012)
• Casa e bottega (2013)
• Mario (2013)
• La Tempesta (2014)
• Zio Gianni (2016), epixodio 2x34
• Complimenti par la connessione (2016-2017)
• La mafia uccide solo d'estate (2016)
• Il coraggio di vincere – film TV, regia de Marco Pontecorvo (2017)
• The Generi - serie TV, creada da Maccio Capatonda (2018)
• Io, una giudice popolare al Maxiprocesso, regia de Francesco Miccichè - docudrama (2020)
• Fratelli Caputo - serie TV, regia di Alessio Inturri (2020-2021)