Ficarra e Picone

Da Wikipedia, l'ençiclopedia libara.
Jump to navigation Jump to search
Sta pajina xè orfana
Sta pajina de tełevixionorfana, overo priva de cołegamenti in entrata da altre pajine
Inserissighene almanco uno pertinente e cava l'avixo
Sta pajina xè orfana

Ficarra e Picone xe un do comico itałian formà da Salvatore Ficarra (Pałermo, 27 magio 1971) e Valentino Picone (Pałermo, 23 marso 1971) e rexo sełebre dal programa tełevixivo Zelig Circus.

Storia[canbia | canbia el còdexe]

'Ntel 1993 i se incontra in un viłagio turistico a Taormina, indove Picone pasava łe vacanse mentre Ficarra laorava cofà animador. Nase dònca un sodałisio artistico che coinvolge anca Salvatore Borrello e i tre 'taca exibirse in diversi locałi de cabarè siciłiani co'l nome de Chiamata Urbana Urgente. 'Ntel 1995 i se exibise in vari teatri in tuta Itałia otegnindo notevołe suceso e xudegandose diversi premi riservà ai cabaretisti. Drìoman i xe in TV in Zero e Zero so Telenorba e in Seven Show, in onda so'l sircuito Italia 7.

Restai in do, dopo ła separasion co' Borrello, gà mantegnùo quel nome fin quando 'ntel 1998, i stabiłiise de uxàr i so cognomi: Ficarra e Picone. Senpre in quel ano ła cùbia gà vinto l'edision del festival BravoGrazie. Da quel momento i gà un continuo suceso in xiro pa'i teatri de tuta Itałia: 235 000 biłieti vendùi par Diciamoci la verità, el record de ascolti de łe do seràe Ma chi ce lo doveva dire. 'Ntel 2000 i otien 'na parte picenina 'ntel film de Aldo, Giovanni e Giacomo e Massimo Venier, Chiedimi se sono felice: Picone come dotor ne ła clinica siciłiana dove xe stà recetà Aldo, Ficarra soło tra el publico ne ła sena finàl siga "Pirandello sei un poeta!"

I partesipa ała seràda edision tełevixiva de Zelig (ciamà Zelig Circus) e da ałora i xe senpre stà prexenti 'ntel programa. In più i gà partesipà a Gnu so Rai 3 e a L'ottavo nano co' i fradèłi Guzzanti e a trasmision so reti locałi. I so personaxi de maxor suceso xe i "Nati stanchi", do xóveni disocupà che calca el stereotipo del siciłian svojà. A questi, nei ultimi ani, i ghe n'à xontà dei altri i "Fratelli corner", val à dir la parodia de do xogadori de l'Inter o Nasionałe de calcio itałiana. El vero, grando suceso, xe però stà queło teatrałe: el primo spetacoło se ciamava In tre sull'arca di Noè, de rimarco xe anca l'ultimo spetacoło: Sono cose che capitano.

'Ntel 2002 ne łe sałe sìnematografeghe xe insìo el so film Nati stanchi; 'ntel 2003 i gà publicà do łibri Stanchi e Vuoti a perdere par la Kovalsky editor; infra el 2006 e'l 2012 i gà prexentà el tełexornałe satirico Striscia la notizia, in onda so Canałe 5, 'ntel periodo tra marso/avrìl e xugno. I gà partesipà al Festival de Sanremo 2007 conquistando i favori del publico sia pa'l sketch che i gà interpretà, dedicà a ła memoria de Don Pino Puglisi, vitima de ła mafia. El segondo film de Ficarra e Picone, il 7 e l'8, el 16 marso 2007 xe usìo ne łe sałe itałiane, rivełandose 'na sorpresa par queło che rivarda i incàsi.

El 13 marso 2009, el do comico xe tornà 'ntei sìnema itałiani co'l film La Matassa, xirà a Catania e Paternò, co'l quałe i gà bisà - in termini dei incàsi - el suceso de il 7 l'8. Dal 14 xenaro 2011 i torna a Zelig co' un sketch che rivarda do avocati "Angelino & Nicolò" e ła so dita "Si fanno leggi su ordinazione s.r.l.". 'Ntel xugno del 2011 a Torin i gà tacà łe riprexe del so novo film, nel quałe i do comici interpreta do guide toristeghe locałi intrigài in diverse exiłaranti storie sentimentałi. Anche se è amore non si vede[1] xe po' insìo el 23 novenbre 2011 in tute łe sałe sìnematografeghe itałiane.

Teatro[canbia | canbia el còdexe]

  • Certe notti di notte
  • In tre sull'Arca di Noè
  • Vai avanti tu che io ti perseguito
  • Vuoti a perdere
  • Diciamoci la verità
  • Sono cose che capitano
  • Apriti Cielo
  • Ma chi ce lo doveva dire?

Filmografia[canbia | canbia el còdexe]

Pubblicità[canbia | canbia el còdexe]

Curioxità[canbia | canbia el còdexe]

  • El do comico xe aparìo 'ntel video muxicałe Sarà Sara dei 2 Così.
  • El do conpare anca 'ntel nùmaro 2678 del sełebre xornałin Topolino sotto le spoglie di due comici di Paperopoli Caraffa e Cappone.
  • Xe entranbi grandi tifosi del Pałermo.

Note[canbia | canbia el còdexe]

  1. Ficarra e Picone "Noi, guide turistiche in trasferta a Torino"- LASTAMPA.it

Altri progeti[canbia | canbia el còdexe]

  • Collabora a Wikiquote Su Wikiquote ghe xe dełe citasion de o su Ficarra e Picone