Nichelino

Da Wikipedia, l'ençiclopedia libara.
Jump to navigation Jump to search
Nichełin
comun
(PMS) Ël Niclin
Nichełin – Panorama
Nichełin – Pałaso Comunałe
Locałixasion
StatoItałia Itałia
RejonPiemonte – stema Piemonte
ProvinciaTurin – stema Turin
Aministrasion
SìndicoGiuseppe Catizone
Lengue ufisiałiitałian
Teritorio
Coordinae45°00′00″N 7°39′00″E / 45°N 7.65°E45; 7.65 (Nichełin)Coordinae: 45°00′00″N 7°39′00″E / 45°N 7.65°E45; 7.65 (Nichełin)
Altitudine229 m s.l.m.
Superficie20,64km²
Abitanti48942
Densità2 371,22 ab./km²
FrasionStupinigi
Comuni confinantiBeinasco, Candiolo, Moncalieri, Orbassano, Torin, Vinovo
Altre informasion
Łénguepiemontexe
Còd. postałe10042, 10040
Prefiso011
Còdaxe ISTAT001164
Còd. catasticałeF889
TargaTO
Cl. sismegaxona 4 (sismisità un mucio basa)
Cl. climàtega2537
PatronoSan Mateo
Dì de festa21 de setenbre
Carte interative
Nichełin – Mapa
Sito istitusionałe

Nichełino (Ël Niclin in piemontexe) xe un comun de 48 964 abitanti de ła provinsia de Torin. Se cata a 229 metri de altesa, sora de un pian visin al Sangone, un fiume, longo la strada che cołega Turin (sirca 9 chiłometri) co' Pineroło.

Storia[canbia | canbia el còdaxe]

Vecia frasion agricoła che se cata tra Torin e la so pianura a sud dea sità, fin dała metà del secoło XVI Nichelino xe stà soto Moncalieri, par po' pasar soto la fameja de Ussel. Dal 1868 la frasion de Stupinigi, stacà da Vinovo, xe stà xontà al teritorio del comun.

Eventi storici[canbia | canbia el còdaxe]

'Ntel 1559 el Duca de Savoia conçede el teritorio de Nichelino aea famegia dei Ussel (Occelli), deventando po' 'na contea (1564). El 22 zugno 1694 re Vittorio Amedeo II dichiara Nicolino (Nichelino) e zone viçine, teritorio unico e destacà da Moncalieri. Nasse cussì el "Feudo di Nichelino" - asegnà par diesemiłe ducati d'arzento - al conte Niccolo' Manfredi Occelli, co' dirito a l'uso de armi, sigiłi e rełativo titoło nobiłiar. La Regia Patente stabiłiva dei confini (dal Sangone ała strada che mena a Vinovo e aea medema strada fin a Stupinigi, Candiolo e Vinovo) e teritorio (le Borgate Palazzo e Nichelino, i grandi pestrini S. Quirico, Buffa, Vernea, Palazzetto, Colombetto e Pallavicina). Ghe xe donca ea conclusion dea guera pa'l dominio so'l teritòrio - fra le do fameje Occelli e Umoglio (Conti dea Vernea e di Pramollo). Grasie ai schèi i Occelli gaveva risolvesto a so vantagio ea desputa otegnindo el feudo, el titoło e la possibiłità de alcuni diriti fondamentałi (aministrasion, giustisia e gravese da pagar). A quei tenpi Nichelino dobòto gaveva 400 abitanti tanti de quałi łerigioxi, pasionà soratuto a l'agricoltura (e aque del Sangon rendeva masime fertiłi i tereni) e i gaveva qualche atività clasica (becher, osto, fravo, ecc...). Jera anca inportante la gelsicoltura, ligà aea tipega tradision piemontexe dea produsion de sea. Ghe gera na situasion połitego-miŀitare piutosto inpisà. El tratato fato infra Italia, Fransa e Spagna no gaveva contribuìo a far rivar un fià de chiete in tuta l'area.

'Ntel 1706 Turin xe stà tacà dai fransexi e Nichelino in quel'ocaxion manda omeni e mexi che ghe gà dà na man ai Savoia; i abitanti xe stai costreti a bandonar e so caxe e tuti ga inplorà San Matteo parchè el fassesse qualcossa contro queł'invaxion.

Finìi i tenpi de guera i Occelli otien el dirito de darghe el nome ai Sindici. 'Ntel 1742 mor Niccolò Manfredi Occelli e cussì so fiol Giacomo Luigi non interesà del teritorio de Nichelino sposta ea residensa de famegia su la cołina de Moncalieri.

Xe stà proprio 'ntea seconda metà del Seteçento che Nichelino (grasie ai "Ordinati" che sarìa e dełibere che ghe xe onco') subisse na granda trasformasion : organixae dee patulie de sorveliansa su l'ordene publico (xe stà ligà el famoxo bandito Brando), xe stà fata na nova cièxa, regołà ea distribusion de l'acua e se istituisse on servisio de asistensa (sufragio) par quei che gà de manco.

El Periodo de Napołeon[canbia | canbia el còdaxe]

Céxa parochial de Nichełino ciamada anca ła céxa antiga

Sul finir del setesento, fałìo l'armistisio de Cherasco (1796), Nichelino come tuto 'l Piemonte finisse nee man dei françesi. Sta nova situasion ga contribuìo che se formasse la costitusion dea Guardia Nasional, l'adosion del novo sistema desimal e del całendarìo republican e xe sopresi anca i ordeni ŀirigioxi.

La restaurasion e l'Otosento[canbia | canbia el còdaxe]

'Ntel 1814 co torna el re e ea casada dee lexi françexi, 'ntel 1824 Nichelino ga visto ea prima stasion dei Carabinieri istałà. L'Otosento xe stà secoło inportante e fondamental par ea storia de l'Italia e anca de Nichelino e ghe xe stà grandi canbi połiteghi, sociałi ed economeghi, costruìe do scuołe, ea nova ciesa parochial e la nova Casa Comunal (progetada da Amedeo Peyron), megioràe e vie de comunicasion stradàe e 'l 27 lugio xe stà costruìa ea prima stasion feroviarìa. A quei tenpi se contava squasi 1700 abitanti.

El secoło XX[canbia | canbia el còdaxe]

Ea popoeasion de Nichelino cresse in modo łineare fin aea seconda metà del XX secoeo. Dopo ghe xe stà na forte cresita grasie a l'imigrasion dae region del meridion itałian cuando che la popołasion da sirca 15 000 abitanti xe passà doboto a 45 000 del 1971.

Co'l scominsio del novo miłenio ghe xe on novo primato : aver residenti nati in tute e provinsie italiane.

Da poco gà avùo l'onor de riçever el titoło de "Sità" e 'ntel ultimo deçenio xe stà ea sità dea sintura de torin che ga avuo la maxor cresita demografega.

Orixene del nome[canbia | canbia el còdaxe]

L'orixene del nome cussì come ch'el xe el pol rivar dal termine latin Nihil Locus logo da gnente. El termine podarìa esser ligà al fato che se tratava de tereni de paŀùo dove che se catava i fiumi Po e Sangone.

Sta legenda par che sia sbałià parchè 'ntel registro dee "sortes" del Comun de Moncalieri (Nichelino ghe ne fasseva parte) del 1278 ghe xe na mapa indove vien riportà el teritòrio in quel periodo, che gera stà tramexà in setanta zone dite proprio "sortes". El teritorio ała drita del Sangone corispondente a queła che ancùo xe Nichelino, se ciamava (Donaya); jera tere coerte in parte da boschi e in parte da canpi coltivà. Łe rendede no gera grande, se łe se confrontava a quełe de altre "sortes", tutavia no gera gnanca e più basse.

Un studioso de toponomastica del Piemonte, Dante Olivieri, par esenpio sostien che Nichelino (Nicolinum) podarìa essar 'na alterasion picenina del nome personal "Nicolino" (che sarìa Nicola). Infati la denominasion de un łogo scaténte dal nome de 'na famegia o de un abitante del posto, gera bastansa normal fin poco tenpo fà. Almanco fin al 1835 el nome del comun gera Nichellino che no gaveva gnente a che far coa monèa ciamà conpagna.

El feudo e i Occelli[canbia | canbia el còdaxe]

Ḷa xona ciamàda Donaya gera rica de vegetasion a tèra xa łavoràda e coltivàdama senpre soto i siòri de ła visina Moncalieri. In seguito, 'ntel 1559 el Duca de Savoia Emanuele Filiberto I gà conceso sto teritorio in feudo ai Ussel (Occelli), costruìndoło - drìoman - a Contea (1564), e po' confermà feudo indipendente co'l Regio Decreto del 22 xugno 1694 da Vittorio Amedeo II de Savoia. Ła Regia patente ghe ne stabiłiva i confini (dal torente Sangone a ła strada che mena a Vinovo e da ła medèma strada fìn verso Stupinigi, Candiolo e Vinovo e 'l teritòrio (el borgo de Nichełino centro, Borgata Pałaso e łe grande vacarìe S. Qurinco, Buffa, Vernea, Palazzetto, Colombetto e Pallavicina). Finiva in sta manièra 'na guèra intestina - pa'l dominio so'l teritòrio - fra i Occelli e i Umoglio (conti de ła Vernea e de Pramollo). I Occelli gavea decixo a so piasér la despùa cronpando el feudo, el titoło e l'exercisio de alcuni diriti fondamentałi (aministrasion, giustìsia, gravése, ecc.). Nichelino contava, a quel tenpo, 400 abitanti, łigà fìso a ła region, debiti soratuto a l'agricoltura (łe aque del Sangone rendeva masime fertiłi i tereni) e co' qualche atività clasica de łe comunità (becàro, osto, favro, ecc.). Anca ła gelsicoltura gaveva riłevansa, łigà a ła tìpega produsion piemontexe de ła produsion de séda. So'l prinsìpio delXVIII secoło però ła situasion połitico-miłitàr del Piemonte xera pìtosto incandesente: el tratà infra Itałia, Fransa e Spagna no gavea afàto riportà ła calma ne l'area e 'ntel 1706 tuta Torin xe stà asediàda dai fransexi; Nichelino gà mandà in ajut ai Savoia omeni e mexi; ma el teritorio xe stà invaxo dal nemigo, i abitanti ga sbandonà łe caxe dimandandoghe l'agiuto de San Mateo par respénxer l'asedio del 21 setenbre. 'Na volta placà i venti di guèra co'l Tratà de Utrecht e fato primo re de Sardegna Vittorio Amedeo II, sto ultemo, in canbio de ła fedeltà mostrà, ghe gà regałà a Manfredi Occelli el dirito de nominàr sindìci del paexe; 'ntel steso periodo, el steso re gà decidesto de far costruìr so quel teritòrio l'atuałe Pałasina de Casa de Stupinigi.
Manfredi Occelli xe morto sucesivamente 'ntel1742, ma so fìo Giacomo Luigi se gà dixinteresà del feudo, spostando ła rexidensa de fameja so' ła cołina moncalierexe.

Drìo i Occelli[canbia | canbia el còdaxe]

Economia e demografia[canbia | canbia el còdaxe]

Le funsion economeghe de Nichelino ga conplemento co'ŀe industrie de Turin, soratuto par queło che rivarda el setor mecanego. Eco ła strutura urbana e l'aspeto de l'ediłisia deła çità, el cui numaro de abitanti xe daseno cresùo in sti ultimi sinquant'ani (int'el 1961 i jera più o manco 15 000 i abitanti) s'a sentìo forte la visinansa de Torin.

Sità xemełàe[canbia | canbia el còdaxe]


'Ntel futuro ghe podarìa esar un xemełagio co' ła sità Bulgara de Gabrovo.

Trasporti e mobiłità[canbia | canbia el còdaxe]

Autostrade[canbia | canbia el còdaxe]

Ła sità xe servìa da ła Tangesial Sud de Torin atraverso do svincołi :

Cołegamenti feroviari[canbia | canbia el còdaxe]

Exquisite-kfind.png Par saverghene de pì, varda ła pajina Ferovia Torre Pellice-Pineroło-Torino#Nichełino.


Nichełino xe atraversàda da ła łinea feroviaria Torin-Pineroło, che ferma sul teritorio comunałe ne ła stasion de Nichełino. El 27 lujo 1854 xe pasà el primo treno.

Trasporti urbani[canbia | canbia el còdaxe]

Nichełino xe servìa da ła rede suburbana de Torin atraverso łe łinee de autobus.

Aeroporti[canbia | canbia el còdaxe]

Pónti de intarese[canbia | canbia el còdaxe]

Testimonianse storiche[canbia | canbia el còdaxe]

Cołegamenti esterni[canbia | canbia el còdaxe]

Note[canbia | canbia el còdaxe]


Controło de autoritàVIAF (EN167927360 · WorldCat Identities (EN167927360
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Nichelino&oldid=778020"