Melita Toniolo

Da Wikipedia, l'ençiclopedia libara.
Va a: navigasion, serca
Dubio de ençiclopediçità
Par sta voxe o sesion de tełevixion xe sta espreso un dubio de ençiclopediçità.
Te poi jutare a ciarire el dubio xontando informasion verifegabiłi so'l inportansa, citando fonti atendibiłi de terse parti, e parteçipando a ła discusion. Se te ritien el sojeto nó ençiclopedego, proponi ła scansełasion.

Melita Toniolo (Treviso, 5 avrìl 1986 xe 'na showgirl, modèła, atrice e condutrice tełevixiva itałiana

Biografia[canbia | canbia el còdexe]

'Ntel 2003 ła gà tacà 'na carirèra de fotomodèła, soratuto tanti servisi de nùo, e nei ani drìo ła gà partesipà a diversi concorsi de bełésa minori, inaxonta al fato che compariva cofà ospite e vałeta in alcune trasmision de l'emitente locałe Antenna Tre Nordest[1]. Ła so prima aparision so' na rede tełevixiva nasionałe xe capità ne ła trasmision de Italia 1 Distraction 'ntel 2006: nel steso ano e so'ła stesa rède, ła xe stàda anca una de łe sexy caxałinghe de Le Iene.

'Ntel xenaro 2007 xe deventà una de łe concorenti de ła setima edision del Grande Fratello, reality show, prexentà da Alessia Marcuzzi so' Canale 5, in cui ła gà riscòso suceso e notorietà. Dopo 'na tałe esperiensa ła gà poxà par diversi całendari, infra i quałi queło sensa vełi pa'l programa de Italia 1 Lucignolo (firmà Loney Photo), del quałe xe stàda inviàda ne łe istà 2007 e 2008 co'l soranòme de Diavolita.

'Ntel 2007 ła gà fato un servisio fotografico sòra el monumento de Alberto Burri, a ricordo de ła morte de sentinera de persone, un monumento da record, qualménte xe 'ntel Guinness dei primati cofà ła pì granda scultura del mondo. Ła xovene, sensa vełi, xe fenìa so' un całendario vendùo in tute łe edicołe, fora che in quełe del comùn de Gibellina, pròpio par ordene del sìndico che łe gà rimose a ła vendita, par po'denonsiàr formalmente el programa de Italia 1, Lucignolo e i xornałi scandałistici Chi e Star Più, oltra a dimandàr 'na refuxùra de un miłion de euro.

Da l'otobre 2007 al avrìl 2008, senpre so Italia 1, Melita gà prexentà, alternandose co' Alessia Fabiani, el programa Camerino virtuale - The Box Game. In quałità di atrice, ła Toniolo gà partesipà, nel corso del 2007, al film A Light of Passion direto da Ulderico Acerbi: nel steso ano ła xe stà scriturà, co' Enzo Iachetti e Giobbe Covatta, in Medici Miei, sit-com trasmesa so Italia 1 nel corso del 2008.

'Ntel 2008 Melita gà prexentà (co' Ciccio Valenti e Federica Panicucci) Candid Camera so Italia 1, gà condòto (co' Rosario Rannisi) Rubacuori so Match Music e gà partesipà ała tersa edision de La talpa, reality show, prexentà da Paola Perego so Italia 1, indove ła se gà clasificà al terso posto. 'Ntel setenbre 2008 ła xe deventà opinionista fisa in Quelli che il calcio e... so Rai 2: l'incàrgo xe fenìo 'ntel xugno 2011.

'Ntel 2009 ła xe stà una de dełe vałete de Colorado Cafè, sia ne l'edision primaveriłe che ne l'edision autunałe del programa. Ne l'istà 2009 ła xe stà una de condutrici de Real TV so Italia 1: ło sarà anca ne łe istà 2010 e 2011. Ne l'istà 2010 ła xe stà "inviata", insieme a Raffaella Fico, de Mitici '80, programa de Italia 1 prexentà da Sabrina Salerno. A propoxito del "segreto" par aver suceso dopo el Grande Fratello, Melita Toniolo, ne l'intervista escluxiva rełasà a Playboy Italia n. 17 (lujo e agosto 2010), gà dichiarà:

« (Mi chiedete qual è il segreto per avere successo dopo il Grande Fratello?) Molta fortuna nel trovarsi nel posto giusto al momento giusto. Nel mio caso ha aiutato il fatto che avessi già lavorato molto prima di quella esperienza perché, una volta uscita, sono venute fuori tutte le foto che avevo fatto prima e se n'è parlato. Per il mio successo ha avuto un ruolo importante, oltre al mio agente, soprattutto Mario Giordano, l'ex direttore di Studio Aperto (poi direttore di News Mediaset), che ha creduto nel mio lato ironico, oltre che sensuale, e mi ha lanciato come Diavolita a Lucignolo.[2] »


Ne l'autuno 2010 (insieme a Pasqualina Sanna e Veronica Ciardi) Melita xe intràda a far parte del cast del film comico Una cella per due co' Enzo Salvi, Massimo Ceccherini e Maurizio Battista: el film insìo nełe sałe sinematografeghe el 4 marso 2011. Senpre ne l'autuno 2010, ła Toniolo xe stà scriturà(insieme a Veronica Ciardi) par SMS Squadra Molto Speciale, una sitcom prodòta da ła A&B Production de Bruno Frustaci e Alessandro Caprigo, co' Enzo Salvi: ła sitcom xe stà trasmesa a partir da l'agosto 2011 so Italia 1 e Italia 2.

El 16 disenbre 2010 ła xe stà (insieme a Elena Santarelli) "inviata" dai canpi del Stadio Flaminio de Roma par la prima edision de ła partìa de calcio benefica Mediafriends Cup: ła seràda xe stà prexentà Federica Panicucci co' Alfonso Signorini. Ne l'avrl 2012 ła Toniolo torna so'l gran schermo deventando ła co-protagonista feminiłe[3] di Francesca Fioretti[4][5] nel film Poker Generation.

Tełevixion[canbia | canbia el còdexe]

Programi TV[canbia | canbia el còdexe]

Reality Show[canbia | canbia el còdexe]

Filmografia[canbia | canbia el còdexe]

Cinema[canbia | canbia el còdexe]

Sitcom TV[canbia | canbia el còdexe]

Note[canbia | canbia el còdexe]

  1. Melita Toniolo: modella, fotomodella, indossatrice, Treviso. topmodemanagement.it
  2. Playboy Italia intervista Melita Toniolo - su Il Giornale del 14 settembre 2010
  3. Melita Toniolo è "Brigitte" in "Poker Generation" - scheda de Melita Toniolo nel cast del film Poker Generation
  4. Francesca Fioretti è "Anna" in "Poker Generation" - scheda de Francesca Fioretti nel cast del film Poker Generation
  5. Francesca Fioretti debuta al sìnema in "Poker Generation" - so'l Tgcom 2 magio 2010

Cołegamenti esterni[canbia | canbia el còdexe]