McLaren

Da Wikipedia, l'ençiclopedia libara.
Infobox de Organizasion McLaren
Sergio Perez 2013 Malaysia FP1.jpg
Tipocostruttore di Formula 1 (it) Traduzi
scuderia di Formula 1 (it) Traduzi Cànbia el vałor in Wikidata
Fondasion1963
FondadoreBruce McLaren
SedeWoking, Regno Unìo
Sede legałeWoking
GrupoMcLaren Technology Group (it) Traduzi Cànbia el vałor in Wikidata
Indùstriaautomobiłìstega
SporFormula 1 Cànbia el vałor in Wikidata
Sito ufisiałe

Facebook place: McLaren.Racing Twitter: McLarenF1 Instagram: mclaren Youtube: UC8dxVgZl9u5HeCOXnosCtuQ

Ła McLaren ła xe na scudarìa britànega de Formuła 1 co sede a Woking. Dal 2021 vien iscrivesta al Canpionato mondiałe de Formuła 1 col nome de McLaren F1 Team.

Fondada el 2 de setenbre 1963 dal piłota neoxełandexe Bruce McLaren (1937-1970), ga exordìo inte el 1966 e ła xe, insieme a ła Williams, una de łe pì prestijoxe scudarìe britàneghe de ła masima formuła oncora in atività.

El team xe parte del McLaren Group, holding che conprende anca łe socetà McLaren Automotive che produxe łe veture stradałi, McLaren Electronic Systems che reałixa łe conponenti ełetroneghe, fornìe anca ad altre caxe inte el Campionato Mondiale Rally, oltra a ła çentrałina MES col cuało McLaren ga vinsesto l'apalto par ła fornidura obligatoria par tuti i team de F1, ghe xe po' McLaren Applied Technologies che fornise consułense tecneghe, McLaren Marketing e Absolute Taste. Ła propietà del grppo xe cusì dividesta: el 25% apartien a Mansour Ojjeh, mentre el restante 75% xe de Ła socetà de investimenti Bahrain Mumtalakat Holding[1], presente dal 2007 inte el capitale McLaren.

Ła McLaren ła xe una de łe pì titołàe scudarìe de ła storia del canpionato de Formula 1, co 8 titołi costrutori, e 12 titołi conplesivi vinsesti dai so piłoti Emerson Fittipaldi, James Hunt, Niki Lauda, Alain Prost, Ayrton Senna, Mika Häkkinen e Lewis Hamilton.

In pasà, veture McLaren ga coresto in altre categorie automobiłìsteghe, dominando conpletamente el Campionato CanAm, tra el 1967 e el 1972, co sincue titołi piłoti consecutivi, otegnendo tre vitorie a ła 500 Miglia di Indianapolis inte'i ani setanta, e vinsendo ła 24 Ore di Le Mans inte el 1995.

Ła McLaren ła xe partanto ad ancò l'únega scudarìa al mondo, oltre a ła Mercedes, ad aver otegnesto almanco na vitoria in ognuna de łe tre pì prestijoxe conpetision automobiłìsteghe (canpionato de Formula 1, 500 Miglia di Indianapolis e 24 Ore di Le Mans).

Traverso ła divixion Applied Technologies ła xe ativa anca so i altri frontoi, tra cui ła sperimentasion de un software par otimixar el tràfego aereo a Heathrow e redur i ritardi in ateragio e decoło dei aerei[2].

Dal 2011 ła ga riciapà l'atività de costrutor de automobiłi produxendo ła 12C in version coupé e cabrio e ła supercar P1. Inte el 2011 xe stà produxeste 400 auto mentre inte el 2012 1586 auto.

Storia[canbia | canbia el còdaxe]

I inisi co łe biposto (1963)[canbia | canbia el còdaxe]

Inte el 1963 el piłota neoxełandexe Bruce McLaren, dopo i primi sucesi al vołante de veture Cooper, el ga desidesto de fondar na pròpia scudaria: ła Bruce McLaren Motor Racing Ltd co sede a New Malden (dal 1965 incorporà in Kingston upon Thames) darénte Łondra, drìoman ła sede ła xe stà spostà a Colnbrook senpre inte'łe visinanse de ła cavedałe inglexe. Ła prima atività de ła scuadra xe stà cueła de scheirar do Cooper, a motor Climax da 2700 cm³, a ła Coppa Tasmania, łe veture xe stàe guidàe dal steso McLaren, che ga vinsesto el canpionato, e dal xovane statunitense Timmy Mayer che xe moristo inte el ùltema gara de ła serie.

Ła McLaren M1A (version Nassau) del 1964 a Silverstone inte el 2007

Nonostante l'epiłogo traxego, sta prima esperiensa ga formà l'organixasion de ła scuadra par tanti ani a vegnir, infati el ròło de team manager xe stà fidà suito a Teddy Mayer, so fradèło de Timmy, che el se portà come caomecanego Tyler Alexander e entranbi xe restai drìoman co McLaren a dirixer ła scuadra[3]. Drìoman McLaren ga seità l'atività d piłota in Formula 1 co ła Cooper, ma contenporaneamente ła ga deçidesto de deventar costrutor. El primo prototipo, che no'l xe mai stà portà in gara, xe stà ła M1A, che ga servìo come baxe par i primi cołaudi, da cui se ga sviłupà ła M1B, staltra ła xera na Sport co tełàro a tarlìso tubołar rinforsà da panełi in łiga, el motor xera un Oldsmobile F85 da 4500 cc, ełaborà da ła Traco, el motor xe stà sernìo par ła so łixieresa, infati el zera costituìo prinsipalmente d'ałuminio e ła machina ła xe rivada a pexar conplesivamente 567 kg co un vantagio de 90 kg so łe altre veture de ła stesa categoria. El 26 de setenbre 1964 McLaren ła ga portà al debuto a Mosport otegnendo na vitoria[3].

Inte el disenbre 1964 McLaren ga coresto co ła M1B a Nassau inte ła setemana de gare de łe Bahamas xonxendo segondo, po' ła vetura xe sta prexentada al Sałon de łe auto sportive de Łondra inte el xenaro drìo, pontando a ła so comerçiałixasion, łe rechieste ga spenxesto McLaren a produrne na picoła serie puxandose a ła fàbrega Elva Cars del grupo Trojan, concesionario inglexo de ła Lambretta. Inte el 1965 McLaren ga coresto par l'ùltemo ano co ła Cooper in Formula 1, ma anca par ła Ford co ła GT40 e inte łe Sport co ła so vetura, inte el fratenpo ła gaveva conosùo Robin Herd[3], xovane inxegner provegnente da l'industria aeronautega, co l'inserimento in scuadra de Herd, McLaren ga deçidesto de pontar tuto so ła scuadra reałixando nove veture anca par ła Formula 1.

Considerai i boni rexultadi, inte el 1966 łe Sport xe vegneste modifega in veture biposto del Grupo 7 par poder parteçipar, in forma uficiałe, al Canpionato CanAm, mentre inte el 1967 xe stà parecià na vetura speçifega, ła M6A; ła M6A ła xera un projeto inte el cuało si jera tanto risercà ła lexieresa, infati el tełàro el xera na monoscoca in panełi de honeycomb e ła caroseria ła xera in fibra de vero e poliestere, el motor el xera un Chevrolet a 8 çiłindri a V di 5900 cm³, che sviłupava na potensa masima de 500 CV a 7000 xiri/min.

Co ła M6 e ła so evołusion M8, inte łe varie version A, B, C, D, E, F, Bruce McLaren, Peter Revson e Denny Hulme dominava ła serie Can-Am dal 1967 al 1971 vinçendo dagnóra el canpionato, a łe vitorie sportive se ga conpagnà el suceso comerciałe, xa inte el 1968 se xe arivà a produxer 31 exenplari de ła M6, ai aventori ghe vegneva oferìa anca ła posibiłità de sernir el motor, el Chevrolet come łe veture ofisiałe, o sanò el Ford V8. No avendo, el regołamento del Grupo 7, łimiti de çiłindrada, inte i ani ła se xe aumentà fin a rivar inte el 1972, col novo modeło M20, i 8300 cm³ par na potensa de 740 CV, ma pròpio cuel'ano łe McLaren ga dovesto çeder a ła maxor potensa de łe Porsche 917/10 sorałimentae, xestìe dal team Penske. Conplesivamente tra el 1967 e el 1972 łe McLaren łe ga vinçesto 56 gare inte el canpionato CanAm.

I titułi piłoti[canbia | canbia el còdaxe]

Stajon
Canpion
Ponti
Vitòrie
Pole position
Ziri pì ràpidi
55
3
2
0
69
6
8
2
72
5
0
5
73(76)
5
2
5
72(74)
4
1
2
90(94)
8
13
3
76(81)
4
2
5
78
6
9
2
96
7
8
2
100
8
9
6
76
5
11
6
98
5
7
1

Notasion[canbia | canbia el còdaxe]

  1. Alberto Sabbatini, Un'isola felice inte el motorsport, in Autosprint, 23 de agosto 2011, pp. 8-9.
  2. Aerei al pit-stop come in F1: il software della McLaren ottimizza Heathrow, F1WEB.it, 30 gennaio 2012. entrada il 5 febbraio 2012.
  3. 3,0 3,1 3,2 La leggenda McLaren, in Autosprint, 27 luglio 2010. entrada l'8 marzo 2012.

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=McLaren&oldid=1079752"