Ayrton Senna
| Ayrton Senna | |
 Braxil
| |
| Cariera in Formula 1 | |
| Stagioni | 1984-1994 |
| Scuderie | Toleman, Lotus, McLaren, Williams |
| Risultato mejo | Campione del Mondo 1988, 1990, 1991 |
| GP disputà | 161 |
| GP vinti | 41 |
| Pole-position | 65 |
|
Sircuiti | Fornitori | Gran Premi | Persone | Piloti | Scuderie | Stagioni | Machine | |
Ayrton Senna da Silva (San Paolo del Brasil, 21 de marso 1960 – Bologna, 1° de majo 1994) l'è stà un dei pì amadi coridori de Formuła 1. El gha vinto tri titołi mondiałi e el gha fato anca dei inportanti record de ła Formuła Uno, tra quei queo de łe pole position. El sa copà in on inçidente de gara 'ntel Gran premio de San Marin 'ntel 1 majo 1994, mentra el ghera drio guidar 'na Williams-Renault. El x'è stà tri olte canpion del mondo de formula 1 (1988, 1990, 1991).
Cariera 'ntea Formula 1[canbia | canbia el còdexe]
Dopo 'na bona trafila 'ntele formule minori (canpion de Formula 3 inglese 'ntel 1983), el gha debutà 'n Formula 1 'ntel Gran Premio del Brasil 1984 su Toleman-Hart. 'Ntea so prima stagion gha subito dà proa de esar on talento ecesional, cogliendo par la picenina scuderia nglese resultadi otimi, su tuti el clamoroso seondo piazamento 'ntel Gran Premio di Monaco, desputado soto on diluvio incredibil. La gara la xè stà interota proprio par l'enorme quantità de acqua che la ghera sula pista, e a Senna, che el recuperava sie secondi par giro su Alain Prost) la ghè stà negà 'na vitoria ormai segura.
La prima scuderia a meterghe i oci su de lu xè stà ea Lotus, che el gha ingagià par el 1985. Ala seonda gara col team inglese, Senna el ghà ciapà subito la vitoria 'ntel Gran Premio de Portogalo, anca 'sto qua disputado soto 'na piogia torensial. 'Ntel corso dela stagion Senna el ghà dò esenpio dela velocità 'ntel gir in prova. Ben 7 le pole position ciapade en 'sta stagion, el pì dee olte vanificade da ritiri par guasti mecanici o par mancansa de benxina (in quel tenpo el ghera n vigor on regolamento che el limitava el quantitativo de benxina 'ntel serbatoi).
Dopo tri stagioni, con anca el record de pole (ben 8 'ntel 1986), Senna el gha abandonà la Lotus par la ben pì competitiva McLaren la qual, proprio 'ntel 1988, la ghera riusia a firmar on contrato motoristego con la Honda.
'Ntea McLaren, Senna se gha trovà come conpar de squadra "El profesor" Alain Prost, col qual el xè scominsià ben presto 'na rivalità piassé grosa. La McLaren-Honda MP4/4 la x'era 'na vetura ecesional e questo el gha consentio ai do piloti de dominar el canpionato, agiudicandose ben quindese dei sedese gran premi in programa. Senna, con oto vitorie e ben tredese pol, el gha finalmente coronà el sogno de agiudicarse el titolo, e el ghe riusio con do gare d'anticipo.
'Ntel 1989 la McLaren la gha evidensià qualche debolesa dal punto de vista de l'afidabilità, che le gha reguardà sopratuto Senna, colpio da pareci guasti che el gha costreto a darghe el titolo al compar-rival Prost. L'epilogo del mondial el xè stà on dei piassé controversi de la Formula 1: 'ntel circuito de Suzuka, sede del Gran Premio del Giapone, i do rivali i sé frontegià 'ntea penultima gara con Prost in vantagio ma ancor mia serto del titolo. A pochi xiri dala fin, dopo on duel durà par tuta la corsa, Senna, ala chicane, el ghà tentà on sorpaso sul rival che, invese, ghe sè meso a serar la traietoria e finendo col farse urtar da Senna. Prost el gha terminà cussita la propria gara par 'st'urto, e el brasilian, invese, el gha domandà l'ajuto dei comisari e, anzeché reciapar la pista da dove l'era uscio, el gha riaceso el motor, gha tajà la chicane e el gha riciapado la corsa, pur con l'ala anterior desfata. Dopo 'na sosta ai box, par el canbio de museto, e on breve inseguimento, el brasilian el gha ala fin sorpasà Alessandro Nannini, che x'era portà 'n testa al Gran Premio, e gha potuo tajar par prim el traguardo, versendo de novo el mondial. Ala fin dea gara sul gradin pì alto del podio parò ghè salio Nannini: Senna x'era stà squalificà par salto de chicane e violasion dele regole (nol potea riacender on motor spento e s'era fato ajutar dai comisari par tornare 'n gara dopo on fuoripista), e Prost el potea cussìta, matemategamente, fregiarse del titolo de canpion del mondo. Questo episodio el ghà inasprì del tuto i xà compromesi raporti che Senna 'l gh'avea con Prost e con tuta la federasion, a quel tenpo reta dal fransese Jean-Marie Balestre. El brasilian gha avù, parò, la so rivinsita l'ano sucesivo. Prost x'era pasà ala Ferrari, ma 'ntela stagion 1990 non la x'era mia canbià la trama, con i do senpre en acanita lota tra de lori. 'Sta olta, parò, Senna el ghera riusio a rivar en Giapon col vantagio de clasifega, ma col rival en recupero. Anca 'sta olta, ala prima curva, Prost gha serà la traietoria al brasilian e el è stà urtà da Senna, impato che gha mandà entranbi 'ntela sabia. Senna l'era cussìta canpion del mondo par la seonda olta.
El calo de competitività dela Ferrari 'ntel 1991 el ghà interoto la saga Senna-Prost, favorendo le vitorie del piloa paulista, che ghe xè agiudicà el terzo titolo mondial, dovendo parò far fronte ad on grintoso Nigel Mansell, batuo solo ala penultema gara ancora en Giapon. El xè stà l'ultimo titolo par Senna, che 'ntel 1992 se era trovà ale prese col calo di competitività dela McLaren (e con dele Williams ecesionai).
Anca 'ntel 1993, con 'na McLaren motorizada Ford (la Honda la gh'avea abandonà le competision ala fin del '92), e contro 'na fenomenal Williams, la cui prima guida la x'era ora Alain Prost, nol prometeva de mejo, ma nonostante l'evidente inferiorità del mezo Senna el ghà dao vita ad alcone dele piassé spetaolari imprese mai viste 'ntela Formula 1, culminae a Donington Park, 'ntel Gran Premio d'Europa, in quea che la vien definia la vitoria piassé bela del canpion brasilian. Soto l'acqua Senna el ghà dà spetacolo efetuando 4 sorpasi 'ntel solo prim xiro e quasi ridicolixando i aversari. Ala fin el xè imposto con quasi on minuo e mezo de distaco su Damon Hill e on giro su Prost. 'Ntel corso de l'ano, parò, la diferensa de qualità e potensa la se gha fato sentir e al fransese ghe riusio ala fin de l'ano, a laurearse canpion del mondo.
'Ntel 1994 Senna el ghà lasà la McLaren par trasferirse 'ntela Williams canpion en carica, proprio al posto del ritirado Prost. El sembraa on titolo già segnà en partensa, ma nol fu cussità. Dopo 'na partensa dificil (do ritiri 'ntele prime do gare, vinte da on giovan Michael Schumacher su Benetton Ford, 'ntee qual el gh'avea comunque conquistà la pole) Senna el gha afrontà la tersa gara, el Gran Premio di San Marino, ciapando 'ntele prove (funestade dal grave insidente de Rubens Barrichello el vènerdi ala variante basa sensa grose conseguense, nonché da l'insidente mortal de Roland Ratzenberger ala Villeneuve curva de sabato) la tersa pole position de fila. Al 7° giro dela gara, el seondo dopo la ripartensa drio la safety car (entraa en seguito a on insidente 'ntea partensa che 'l gh'avea coinvolto J.J. Lehto, rimasto fermo en griglia, e Pedro Lamy, e i rotami dele cui veture i ghavea provocà 'l ferimento de alconi spetadori sule gradinae de l'auodromo), Senna el xè usìo improvisamente de pista ala fin dela curva del Tamburelo, senbra a causa del cedemento del pianton delo sterzo, modificà in ocasion dela gara stesa, parché el pilota el se era lamentà dela scarsa visibilità dela strumentasion del volante. El pianton xera stà alungà e saldà a man e cedete 'n seguito ale solecitasioni ecesive par el tipo de saldatura efetuado, e le conseguense le risultaron trageghe: Senna el ghà provà a frenar on pochin, ma la via de fuga in quel punto del tracià (già teatro en pasà de altri grai insidenti con protaonisti Gerhard Berger su Ferrari, Nelson Piquet su Williams e Michele Alboreto su Footwork) la ofriva on spasio ridotisimo. L'impato el xè stà tremendo. Par efeto de l'urto, el punton dela sospension anterior destra, spezatose, el xè infilà soto el bordo suerior dela visiera del casco del piloa, penetrando 'ntea region temporal destra e provocando gravisime e fatai lesion. Senna, che gh'avea perso conoscensa, imediatamente socorso e portà via da lì con 'n eliambulansa, el è spirà a l'Ospedal Magiore de Bologna dove x'era stà trasportà, ale 18:39. La so morte la ghà getà 'ntel luto el mondo dela Formula 1, ma sopratuto el popolo del Brasil. I x'è stai proclamai tri xorni de luto nasional.
La morte de Senna e Ratzenberger l'è staa acompagnada da forti polemeghe: seondo la lege tajana infati, el teatro de on evento sportivo 'ntel qual se verifega la morte de on atleta, la dev'esar imediatamente abandonà da ogni manifestasion. La morte de Roland Ratzenberger, el xorno pria de quea de Senna, la avrebe dovuo far saltar el regolare svolgemento del G.P.. Par agirar l'eventualità se ghà sertifegà che la morte de Ratzenberger non la xera avenua sul sircuito, ma en ospedale.
Ayrton Senna gha disputà 161 GP, cogliendo 41 vitorie, 65 pole position, 19 giri piassé veloci dei altri en gara e 610 punti iridati. El xè partio par 87 olte 'ntela prima fila e gha otenuo 96 piazamenti a punti, 80 dei quai sul podio.
Ayrton Senna el fasea parte dei "Atleti di Cristo".
Vitorie[canbia | canbia el còdexe]
Pole Position[canbia | canbia el còdexe]
- 1988: Brasil, San Marin, Monaco, Mesico, Canada, Stati Uniti, Germania, Ungheria, Belgio, Italia, Spagna, Giapon, Australia
- 1989: Brasil, San Marin, Monaco, Mesico, Stati Uniti, Gran Bretagna, Germania, Belgio, Italia, Portogalo, Spagna, Giapon, Australia
Giri piassé veloci 'n gara[canbia | canbia el còdexe]
(key) (Le gare 'n grseto le indica pole position; le gare 'n corsivo le indica el xiro piassè veloxe en gara)
