Williams F1

Da Wikipedia, l'ençiclopedia libara.


Williams

Stagioni 1972-2008
Risultato mejo 9 volte Campione del Mondo
GP disputà 501
GP vinti 113
Pole-position 125
Aggiornato a MAL 2008

Statistiche de Formula 1

Sircuiti | Fornitori | Gran Premi | Persone | Piloti | Scuderie | Stagioni | Machine

Tute łe voxe

La Williams F1, o anca Williams Grand Prix Engineering la xe na scuderia britanica de Formula 1, che la ga visù na stagion de grandi sucexi durante i ani otanta e noanta. La xe stà fondà da Frank Williams, da cui la ciapa el mom. Frank Williams ga scominsià la cariera de piloa inte el 1969, acorgendose solo in seguito de non averghe on gran talento. Inte el 1977 ga fondà la scuderia che ancor ogi la porta el so nom e che ga in lu na guida carismatega. Co lui ala guida del team el xe Patrick Head, talentoso progetista e paron dele veture che ad ogni stagion le serca de conquistar i doi canpionai del mondo.

Ezordi e primi sucexi[canbia | canbia el còdaxe]

Inte el 1976, la prima esperiensa da projetisti, co Brian McGuire che el ga cronpà na so vetura par corer co la pròpia scuderia (la McGuire), inte ła Shellsport.

Par vedar parò la prima vitoria bisogna atendar el 1979 e el Gran Premio de Gran Bretagna, vinto dala seonda guida Clay Regazzoni. Inte el corso dela stagion Alan Jones, prima guida, ga vinto poi quatro dele sie gare rimanenti, portando a casa on bon seondo posto inte ła clasifega costrutori.

L'ano suciesxivo a Jones ghe riese de conquistar el titolo piloi, bisà poi inte el 1982 da Keke Rosberg. A livelo de canpionà costrutori altri doi xeli i titoli, inte i ani 1980 e 1981.

Colaborasion co Honda[canbia | canbia el còdaxe]

Fin ad ora Frank gavea corso coi motori Ford-Cosworth, ma inte el 1984 el ghe sceie de utilixar i propulsori Honda. La scelta la se rivela felixe e la ghe porta la scuderia a trionfar inte ła clasifega costrutori inte el 1986 e inte el 1987, ano inte el cuało la vinse anca el titolo piloi co Nelson Piquet, parò anca oltemo ano coi propulsori Honda. El ano sucexivo el xe duro: i motori Judd selti par spinger l'auto i se rivela insufisienti, procurando ala squadra tanti problemi mecanixi. Inte el fratenpo la Renault gavea dexiso de rientrar inte el sircus.

Colaborasion co Renault e i ani del dominio[canbia | canbia el còdaxe]

Jacques Villeneuve sula Williams-Renault FW18 del 1996

Scominsia quindi el vero dominio Williams, che, co l'auxilio del V10 fransese, ghe porta ala scuderia na quantità de sucexi par bona parte dei ani Noanta: canpionà costrutori inte el 1992, 1993, 1994, 1996 e 1997, aconpagnai dai titoli piloi conquistai da Nigel Mansell (1992), Alain Prost (1993), Damon Hill (1996) e Jacques Villeneuve (1997). Inte el mexo el luto par la morte de Ayrton Senna inte el Gran Premio de San Marin del 1994, mentre l'era ala guida dela Williams n.2. L'aso brasilian xe stà poi sostituio da David Coulthard, e sucesivamente dal rientrante Nigel Mansell, che affiancò el capitano zero (la xera infati la seonda stagion consecutiva che Frank Williams el perdea el canpione del mondo: pria Mansell, quindi Prost) Damon Hill, che ga perso inte el 1994 el titolo piloi solo par on punto inte ła sfida co Michael Schumacher, che alora ghevea conquistà el so primo aloro iridà.

Le stagioni 1998 e 1999 le xe stae tanto difixili, in quanto la Renault la xera disimpegnaa dala Formula 1 e quindi Frank Williams ga dovuo far spinsere le veture co modori prima Mecachrome, poi Supertec (guidaa prima da Bernie Ecclestone poi da Flavio Briatore): questi motori non i non riusiva a garantir la necexaria afidabilità e velosità ale veture, che le xe naufragàe inte ła medio-basa clasifega, proprio mentre McLaren e Ferrari le stava usendo da on longo periodo de crisi.

Colaborasion co BMW[canbia | canbia el còdaxe]

Nick Heidfeld sula Williams-BMW FW27 del 2005

Dal 2000 le Williams le scominsia a esar spinte dai modori BMW, coi quai la squadra gh ussia dala crisi de risultai. Sin dala prima stagione seli stai otenui i primi risultai positivi, co Ralf Schumacher e el debutante Jenson Button. Inte el 2001 Jenson Button xe stà sostituio dal colonbian Juan Pablo Montoya col qual la Williams ga sfiorà inte el 2003 entranbi i mondiai. Co BMW la Williams ga otenù 10 vitorie, l'oltema dee quai conquistaa proprio da Juan Pablo Montoya inte ła gara final del 2004, el Gran Premio del Brasil.

Inte el 2005 la Williams ga canbià entranbi i piloi, schierando Mark Webber e Nick Heidfeld.

Colaborasion co Toyota[canbia | canbia el còdaxe]

Inte el 2006, ala luxe del definitivo divorsio tra el motorista BMW (che ga acquistà el team Sauber) e el team inglese, le Williams sele pasae novamente atraverso on periodo de transision coi motori clienti Cosworth. De sti modori nol xera stao garantio el svilupo, infati la stagion xe stà conpromexa da on modor non a l'altexa dela vetura, sia par potensa, sia par afidabilità. A partir dal 2007, co Nico Rosberg e Alexander Wurz, e suciexivamente co Kazuki Nakajima dal'oltema gara del 2007, la squadra xe stà equipagià novamente da on modore ufisial: quel Toyota. El 2007 el xe serà in maniera pitosto positiva rispeto al 2006, co el quinto posto inte el mondiale costrutori (divenuo quarto a causa dela squalifega dela McLaren) e co on podio de Alexander Wurz inte el gran premio del Canada, el primo dal 2005.

I titoli piloti[canbia | canbia el còdaxe]

Stagione
Campione
Punti
Vittorie
Pole position
Giri più veloci
67
5
4
5
44
1
1
0
73
3
4
4
108
9
14
8
99
7
13
6
97
8
9
5
81
7
10
3

I titoli Costruttori[canbia | canbia el còdaxe]

Controło de autoritàISNI (EN0000 0001 0681 5962


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Williams_F1&oldid=1063275"