Mark Knopfler

Da Wikipedia, l'ençiclopedia libara.
Jump to navigation Jump to search
Mark Knopfler
Pensa-MK-2.jpg
Nasesto/a12 de agosto 1949 Glasgow
Paexe de orìxaneGBR Regno Unìo
In atività dal1965 - in atività
Xènaro muxicałeFolk, Rock, Blues
Eticheta discografegaMercury Records
Vertigo Records
Warner Bros. Records
Instrumento/ichitara ełetrica, chitara acustica, canto, voxe
Atività prinsipałecantante, muxicista
Discografia
Albun20[1]
Stùdio9
Racolte2
Sito webhttps://www.markknopfler.com/
IMDB: nm0461360 Allocine: 36742 Allmovie: p97711
Facebook place: MarkKnopfler Twitter: MarkKnopfler MySpace: markknopfler Spotify: 0FI0kxP0BWurTz8cB8BBug Musicbrainz: e49f69da-17d5-4c5c-bac0-dadcb0e588f5 Songkick: 237463 Discogs: 236897 Allmusic: mn0000831236

Mark Knopfler (Glasgow, 12 de agosto 1949), el xe on chitarista e conpoxidor britànego.

In orìxene conosùo soratuto par èsar stà el fondador e ‘l leader (cao) carismatego del grupo rock Dire Straits (ativo tra el 1977 e ‘l 1995)[2], dopo lo scioglimento della band ha proseguito la propria carriera come solista[3]. El muxicista britànego ga sonà ocaxionalmente in altri grupi, tra cui el cołetivo The Notting Hillbillies[4], e in conpagnìa de altri artisti afermài, quałi Bob Dylan, Eric Clapton, Emmylou Harris e Chet Atkins, in molti caxi prestando ła pròpia òpara cofà turnista[5]. El gà inaxonta curà ła produsion artìstega de alcuni łaori del steso Bob Dylan, de Tina Turner, di Willy DeVille e de Randy Newman[6]; el xe anca l’autor de łe cołone sonore de racuanti film, tra cui Local Hero, Cal, La storia fantastica, Ultima fermata Brooklyn, Sesso & potere e Metroland[7].

Knopfler xe anoverà tra i prinsipałi esponenti del rock[8]: el se desferensia par el so inconfondibiłe stìłe chitarìstego[9], par ła so partegołar tecnèga che no ła prevede l’uxo de ła patàca[10] e par la cariga poètega dei so testi[11]. In vertù dei so contributi artìsteghi, ghe xe stài conferìi tre dotorai honoris causa in mùxica inaxonta a l’onoreficensa de Uficiałe de l'Ordene del'Inpero Britanego[12].


Personaxo sòdo e riservà, łontan da łe łoxeghe comerciałe del music business[11][13], el xe stà definìo «l'omo tranquiło del rock»: vanti de raxonxer ła notorietà, el ga conseguìo ła łaurea in łetaradura inglexe e ‘l ga łaorà cofà insegnante[14].


Biografia[canbia | canbia el còdaxe]

Infansia, xoventù e prime espariense muxegałe (1949-1976)[canbia | canbia el còdaxe]

Mark Knopfler xe nasesto a Glasgow el 12 agosto 1949 da Louisa Mary Laidler, un'insegnante orixenaria del Northumberland, ed Erwin Knopfler, un architeto e scachista[15] ungaréxe che gaveva trovà salvanèła in Scosia a l’inisio de ła segonda guera mondiałe, dopo èsar stà espulso dal paexe nativo a cauxa de ła so atività de opoxidor al rexìme fiłonaxista Inte’l 1952 xe nasùo David, el terso fìo de ła cùbia dopo ła primoxenita Ruth e’l steso Mark.


Int’el 1956 ła fameja Knopfler se ga trasferìa da Glasgow a Blyth, ła çità natałe de ła siora Laidler; Mark xe stà iscrito a ła scòła primaria de Gosforth, un borgo de Newcastle upon Tyne. Colpìo da l’abiłità del xio materno Kingsley, sgàgio pianista boogie-woogie, Mark ga tacà in quel periodo a sviłupare un forte interese par ła mùxia, avisinandose anca al studio del viołìn.

A l'età de quatordexe ani, Knopfler ga domandà a so pare come regało ‘na chitara ełetrica Fender Stratocaster rosa cofà queła de Hank Marvin dei Shadows, de cui el gera un gran amirador; anpò, dao che ła so famegia no se podeva parmeter ‘na sìmiłe spexa, el se ga dovesto incontentar de ‘na alternativa pì conòmega, ‘na Höfner V-2 Super Solid. El xe stà comunque pien de boréso par el regało, cusì tanto che in tuta presa el ga inparà a sonar el strumento da so pòsta, sercando de reinterpretar i brani dei so chitarristi preferìi, tra cui B.B. King, Chet Atkins, Scotty Moore, Jimi Hendrix, Django Reinhardt e James Burton.


Mark Knopfler ai inisi de ła so carièra co’ ‘na Fender Stratocaster

El xovanisimo Knopfler apresava partegołarmente anca łe canson de Bob Dylan, condividendo sta pasion co’ ła conpagna de scòła Sue Hercombe; inte’l 1965 i do adołesenti formava un doto folk e i ga aquixìo ‘na serta notorietà dopo ‘na aparision tełevixiva so ‘na emitente łocałe. Inte’i stesi mexi Mark xe entrà a far parte de’na conpagnìa teatrałe sperimentałe, ma el progeto ga fałìo[16].

Inte’l 1967, termenà el siclo scołàstego, el xovane ga frequentà co’ costrùto un corso anuałe de xornałismo a l'Harlow College[17], sto fato ghe ga sicurà un posto de łaor a Leeds come cronista del quotidian Yorkshire Evening Post. Do ani daspò, Knopfler ga decixo de ‘ndar vanti a studiar: el ga sbandonà el tìbio (inpiego) e se ga iscrivesto al corso del Bachelor of Arts in łengua e łetaradura inglexe de ła University of Leeds, scumisiando a łaorar in una dita agricoła par pagarse i studi. Durante i ani de permanensa a Leeds, el ga spoxà ła moroxa Kathy White e ga formà un do blues ciamà The Duolian String Pickers insenbre al chitarista Steve Phillips[12]. Co’ l’àida de sto albun, Mark ga preparà inaxonta un un demo del so primo brano orixinal, dal tìtoło Summer's Coming My Way, che’l gaveva conponesto inte’l 1965[18]; ła rejistrasion xe restà inedita[12].


Inte’l magio del 1973, dopo aver conseguìo ła łaurea e esarse separà da ła muger, Knopfler se ga trasferìo a Łondra indove xe stà raxonxesto dal fradèło minor David, anca łù gran pasionà de mùxega, el quałe ga catà un łaor cofà asistente sosiałe[12][19]. Inte ła cavedal britànega Mark ga avùo numaroxe oportunidà par parfesionar ła so tècnega: dopo aver respondesto a un anuncio łexesto so’l xornal Melody Maker[12], el ga sonà par do mexi co’ i Brewers Droop, un grupo blues/pub rock che sercava un chitarista sołista par łe so exibision inte i łocałi de High Wycombe[20]. Drìoman el ga łaorà inte’l college de Loughton come insegnante de inglexe par forèsti e par toxi co’ problemi psicołoxeghi inte l’aprendimento; serte volte el daxeva łesion de chitara a ła Staples Road School[12]. Co’ alcuni amighi de Loughton el ga formà un grupo rockabilly ciamada Café Racers, che ga avùo vida curta[21][22].


In quełi ani, Mark ga scrivesto numaroxe canson; tutavia, sendo spàvio e poco fiducioxo inte łe pròpie capasità de conponidor, el gera restièro a sonarle in pùblego, preferìndo łimitarse a sonar canson de altri opur interpretar cover de brani famoxi[12][23]. ‘Na prima svolta ga avùo łogo inte l’avrìl del 1977, cuando so fradèło David ghe ga prexentà John Illsley, un amigo che studiava sosiołoxìa e łaorava in una botega de dischi[24]; Illsley xe stà ciamà a sostituir par un concerto el basista dei Café Racers, che xera małà[12]. Drìoman a sto epixodio, John e i fradèłi ga desidesto de costituir un novo grupo: dopo aver cominsià a condivider un partamento a Deptford, i se ga dedicà a provar insenbre i brani conposti da Mark[12][25]. El progeto xe deventà realtà co’ se ga unìo a łòri el baterista Pick Withers, xa socio de Mark Knopfler nei Brewers Droop, conosùo par aver fato parte dei Spring e dei Primitives[26].

El gran suceso co’ i Dire Straits (1977-1986)[canbia | canbia el còdaxe]

I Dire Straits inpegnai in un concerto de ła so prima tournée (1978): da sanca, John Illsley, Mark Knopfler, Pick Withers e David Knopfler

El nomenato grupo – del cuało Mark Knopfler jera el frontman, nonché l'autor e l'arangiator de tuti i brani[27][28] – ga tacà exibirse col nome de Café Racers, mudà dal presedente grupo del chitarista; dopo el primo concerto, ła denominasion ła xe stà modifegà in Dire Straits (łetaralmente «teribiłi ristretese») par ałudere co ganga al contesto de precarietà conòmega inte el cuało se trovava i cuatro xoveni muxicisti[12]. I inisi xe stà segnà da riscontri de pùblico granfàto scarsi: Knopfler e soci proponeva infati un rock łanpro ed esensiałe, ispirà princspalmente al blues, al country e al rock and roll 'merican de łe orìxene, cołocandose cuindi in verta controtendensa respeto ai canoni stiłìsteghi de l'epoca che vedeva prevałer ła new wave, el soft rock, ła disco music e sorautot el punk[29][30].

Notasion[canbia | canbia el còdaxe]

  1. In questa sede non vengono conteggiati gli album di duetti realizzati con Chet Atkins ed Emmylou Harris.
  2. Stephen Thomas Erlewine. (EN) Dire Straits – Biography. AllMusic. Lingambo vardà el 6 aprile 2015(archivià dal lingambo del prinsipio n'te ła data: 4 marzo 2014)
  3. Nannini e Ronconi, op. cit., p. 135.
  4. Jason Ankeny. (EN) The Notting Hillbillies – Biography. AllMusic. Lingambo vardà el 19 ottobre 2014(archivià dal lingambo del prinsipio n'te ła data: 4 marzo 2014)
  5. Giancarlo Passarella (a cura di), Discografia, in Nannini e Ronconi, op. cit., pp. 240-249.
  6. Giancarlo Passarella (a cura di), Discografia, in Nannini e Ronconi, op. cit., pp. 241-243.
  7. Giancarlo Passarella (a cura di), Discografia, in Nannini e Ronconi, op. cit., pp. 234-235.
  8. Lesley Duncanson (a cura de), Mark Knopfler: A Life in Songs , BBC Four, 28 de xenaro 2011
  9. Alberto Guizzetti. «Mark Knopfler». Guitar Club Magazine, settembre 1999.
  10. Nannini e Ronconi, op. cit., pp. 13-14.
  11. 11,0 11,1 Nannini e Ronconi, op. cit., pp. 9-10.
  12. 12,0 12,1 12,2 12,3 12,4 12,5 12,6 12,7 12,8 12,9 Terry Kilburn. (EN) Mark Knopfler Authorized Biography. The official Mark Knopfler news website. Lingambo vardà el 7 giugno 2020(archivià dal lingambo del prinsipio n'te ła data: 20 marzo 2014)
  13. «Una strana coppia di star». Corriere della SeraMilano, 13 novembre 2011.
  14. Nannini e Ronconi, op. cit., p. 13.
  15. (EN) Erwin Knopfler (1909-1993). Chess Scotland. Lingambo vardà el 11 ottobre 2017(archivià dal lingambo del prinsipio n'te ła data: 10 agosto 2013)
  16. Irwin, op. cit., p. 10.
  17. (EN) Journalism Award for Harlow College. Harlow College. Lingambo vardà el 5 gennaio 2011(archivià dal lingambo del prinsipio n'te ła data: 10 dicembre 2011)
  18. Irwin, op. cit., p. 11.
  19. Irwin, op. cit., p. 14.
  20. Irwin, op. cit., p. 15.
  21. Irwin, op. cit., p. 16.
  22. (EN) Joel A. Siegel. «Mark Knopfler, innovative leader of Dire Straits». Guitar Player, luglio 1979.
  23. Steve Phillips, Il bloc-notes di Mark, in Nannini e Ronconi, op. cit., p. 7.
  24. Irwin, op. cit., p. 18.
  25. Irwin, op. cit., p. 19.
  26. Irwin, op. cit., p. 21.
  27. Tute łe canson partenenti a ła discografia dei Dire Straits xe stàe conposte escluxivamente da Mark Knopfler, fata ecesion par i tre caxi drìo:
  28. (EN) Dan Forte. «Mark Knopfler of Dire Straits – Solid Rock». Guitar Player, settembre 1984.
  29. (EN) Tony Stewart, New Musical Express, 8 aprile 1978.
  30. (EN) Daisann McLane. «Dire Straits: a rock & roll fairy tale». Rolling Stone, 5 aprile 1979.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mark_Knopfler&oldid=956650"