Hyundai i10

Da Wikipedia, l'ençiclopedia libara.
Infotaula d'automòbilHyundai i10
2020 Hyundai i10 Premium 1.0 (1).jpg
Tipomodeło de automòbiłe Cànbia el vałor in Wikidata
FabricanteHyundai Motor Company Cànbia el vałor in Wikidata
Dimension1 500 (altura) × 1 660 (larghesa) × 3 565 (longhesa) mm
Istòrego
← Hyundai Atos (it) Traduzi Cànbia el vałor in Wikidata
Lloc webhyundai.com… Cànbia el vałor in Wikidata

Ła i10 ła ze el segondo modeło de ła gama Hyundai ad adotar ła nova nomenclatura introduzesta da'l modeło i30[1]. Ła ze stà reałizada par ndar a sostituir el modeło Atos che'l ga rescontrà un bon suceso soratuto in Europa; ła i10 cuindi ła rancura insenbre algune prinsipałi caratarìsteghe de l'antenada a'l fin de replicarghene i rezultadi comersiałi. Ła mantien el schema de picoła monovołume, ła prezenta numaroze cołorasion par ła carosarìa par ndarghe incontro a un pùblego zovaniłe.

El prozeto de ła i10, identifegà da'l còdaze PA, el ze stà studià inte'l sentro de reserche e zviłupo che ła Hyundai ła ga in Corea de'l Sud; l'intento de ła Hyundai el ghe ndava oltra ła creasion de na senplise erede de un vecio modeło ma A se vołeva reałizar n'auto conpletamente nova da'l preso contenjùo da poder véndar so i prinsipałi marcà emerzenti e non. Cusì par tełaro A vien doparà na varsion azornada de'l pianałe Kia Picanto, revisto soratuto a l'avantreno par poderse adatar a'l mejo a ła carosarìa monovołume. L'abitacoło el ponta so l'abitabiłità co na plancia da łe grande dimension che ła ospita el comando de'l canbio in pozision ełevada. N'altra novità introdota par ła i10 A ze stò el propulsore a gazołio destinà soratuto a ła comersałizasion europèa.

L'inveciamento progresivo de ła gama Atos (in łistin da'l 1998 e azornada inte'l 2004) ła ga provocà anca un cało de łe vendite par ła Hyundai inte'l segmento de ła citycar e ciò el ga spenzesto i tècnegh a na redusion inte i tenpi de prozetasion e de zviłupo in modo da poder antisipar sia l'inisio de ła produsion che de łe vendite. No A ze stà prezentà nesun protòtipo e ła i10 ła vien mostrada a'l pùblego zà in veste definitiva a'l Salone dell'Automobile de Nuova Delhi in India[2], łogo stratèzego ndove A venjiva produzesta ła Hyundai Atos, par entrar in produsion inte'l fine 2007 inte l'inpianto de Chennai fasente parte de ła divizion Hyundai Motor India Limited[3]. In Europa ła prezentasion ła ze avenjùa a'l Motor Show de Bołonja[4] e l'auto ła ze stà inportada a partìr da'l 2008[5] conpanjada da na discreta oferta de motorizasion sia diesel che benzina fin a'l GPL. Inisialmente inte'l stabiłimento de Chennai A jera prezenti do łinee produtive co na capasità de 1.300 autoveture a'l zorno a łe cuałe se ghe n'aveva zontà anca n atersa che ła ga aumentà i vołumi de'l 40% portando ła produsion a 1.800 Hyundai i10 a'l giorno in modo da poder sostenjir łe numaroze rechieste da'l Vecio Continente.

Inte i marcà emerzenti l'auto ła otien bastansa suceso, ła se azùdega l'Indian Car of the Year (ICOTY) 2008 (overo Auto dell'Anno in India), in Malaysia ła ze stà premiada come "Miglior Auto per il Popolo" ai VCA Auto Industry Awards 2009[6]. Inte'l decenbre de'l 2008 ła ze stà ełeta Auto dell'Anno 2009 in Ciłe, Auto dell'anno in Gresia senpre inte'l 2009, premiada da Autoweek come "Best Value For Money" intei Paezi Basi ed ełeta "Auto più conveniente" da'l pariòdego Your Style in Połonia. Inte'l zunjo de'l 2008 ła Hyundai ła gaveva za vendùo 184.465 ezenplari[7] in tuto el mondo e durando el primo ano de produsion soło in Europa ła caza ła ze riusìa a vénder oltra 90.000 ezenplari. L'ùltemo premio, in órdene cronołòzego, el resałe a l'istà de'l 2010 cuando che l'è stà ełeta Best City Car da ła revista ingleze AutoExpress[8].

El design[canbia | canbia el còdaxe]

Ła i10 ła ze łonga 3,57 metri, łarga 1,60 e alta 1,54 metri. Dada l'economisità de'l desenjo de ła carosarìa, rezo nesesario par tenjer basi i costi de stanpazo e cuindi de'l preso de vendita (séndo l'auto prinsipalmente pensada par i marcà emerzenti) el profiło estetico de ła vetura no'l prezenta evidenti orizinałità stiłìsteghe, gran parte de ła carosarìa ła rezulta piata, priva de zoghi de suparfise e ła parsonałità estetica ła emerze scuazi unegamente da alguni partegołari. El stiłe el ze reciapà da'l modeło i30 caratarizà da łinee tondezanti e prive de spigołi[1]. Inte'l frontałe A ze prezente ła picoła całandra che ła ospita el logo, ła stesa całandra so łe varsion de ponta ła ze cromada. Un anpio fason scuro el se carta inte'l paraurti mentre a łe estremità ze stà pozisionà i fendinebbia co fase paracolpi. I grupi òteghi anteriori i ga na forma sìmiłe ad un triangoło ma da i spigołi zmusà. Ła fiancada ła prezenta cofà ùnego ełemento distintivo ła łinea de sintura che ła resałe inte'l posterior verso el montante. Infin inte'l posterior el portełon el prezenta na manisa co soaza cromada. El paso el mezura 2,380 metri.

I interni de ła Hyundai i10

L'interno respeto a l'Atos el ze pì spasiozo e comodo, ma el resta asè spartano inte i asenblaji e inte i materiałi; ła plancia ła ga un desenjo senplise ma pì moderno resepeto a'l modeło presedente e ła ze caraterizada da vaste suparfisi piene e poco ełaboràe par mantenjer basi i costi de stanpagio. Na łinea ad onda ła separa in do parte el cruscoto, ła cui parsonałità estètega ła vien pì che altro recavada co contrasti cromàteghi. Ła posiede el comando de'l canbio in poizsion realsada, el cuadro strumenti el ze a tre cuadranti co gràfega a sfondo scuro opur bianco e iłuminasion dadrìo verde, inte ła parte sentrałe A se cata l'inpianto de climatizasion co łe bochete d'aerasion spartìe da l'autoradio, i comandi de'l clima i ze pozisionà łezermente pì in baso. Par el marcà europèo A ze disponibiłi anca łe refinidure in plàstega che łe łimita l'ałuminio. Un picoło schermo de'l computer de bordo el vien integrà da'l tachimetro. L'abitacoło el ze omołogà par sincue parsone, par el mercà europèo A ze stà sernìa na tapesarìa in tonałità scure, par l'Azia tonałità ciare. El bagajajo el posiede un vołume par a 225 łitri anpliabiłi fin a 910 co'l schienałe de'l divaneto posterior rebaltà[1].

Altre difarense prezenti tra łe varsion europèe e cuełe destinàe ai marcà emerzenti łe se consentra inte l'abitacoło ndove i sediłi, inte łe i10 destinàe ai mercà manco ezigenti, i prezenta i pozatesta integrài e autoradio non fornìa de serie e sostituìa da un vano portaojeti zdopià (vien fornìa l'instałasion a pagamento) mentre esteticamente łe vien achipajàe co serci in asaro da łe dimension minori (13" mentre in Europa łe ze de 14" pa'łe varsion baze).

Ła dinàmega[canbia | canbia el còdaxe]

Ła i10 ła vien reałizada so l'isteso tełaro de baze de ła Kia Picanto, na strutura conpata che ła Hyundai ła ga in parte renovà: ła ze stà irizidìa in modo da poder aumentar łe seguresa in cazo d'inpato, in azonta a cauza de ła mazor altesas de ła carosarìa (respeto a ła Picanto) anca el baricentro de ła vetura el ze pì alto cuindi i inzenjeri Hyundai i ga aportà algune modifeghe struturałe. Ła scoca ła vien reałizada drìo standard minemi eurpèi (indispensabiłi par ła comersałizasion in UE) co asari alto rezistensiałi a deformasion programada, anca łe portiere łe respeta i standard: łe ze dotàe de zbare d'asaro anti intruzion e de renforzi zontadivi. Ła trasion ła ze anterior co motor in pozision trazversałe, łe sospension anteriori łe ze a zeometria MacPherson co rode independenti e zbara stabiłizadora mentre el retrotreno el adota ła sołusion a rde intarconese da un ponte torsente e zbara stabiłizadora. I amortizadori i ze a ga e l'inpianto frenante el sfruta dei dischi auto ventiłài a l'avantreno e dei dischi pieni a'l retrotreno.

Tra i prinsipałi dispozitivi de seguresa prezenti de serie A ghe ze: el sistema anti blocagio de łe rode motrici (ABS), el repartidor de frenada (EBD), dispozitivo de frenada asistìa (BAS), airbag łado guida e łado pasezier dizativabiłe, A ze prezente in pì i zbregacałigo (fendinebia). Łe varsion pì costoze łe despone anca dei airbag łaterałi e par ła testa, controło ełetrònego de ła stabiłità (ESP) e de ła trasion (TCS). Inte'l 2008 ła Hyundai i10 ła vien sotoposta ai crash test da l'ente Euro NCAP totałizando el pontezo conplesivo de cuatro stełe so un màsemo de sincue: ła monovołume coreana ła demostra na major atension par ła seguresa soratuto inte ła portesion dei adulti, ła reseve cuatro stełe (so sincue) anca inte ła protesion dei putełi e tre stełe (so cuatro) inte l'investimento pedoni[9][10].


Restyling 2010[canbia | canbia el còdaxe]

El facelift de ła Hyundai i10

Inte'l setenbre 2010 ła Hyundai ła introduze un restyling par ła i10 che'l vede modifeghe soratuto a'l frontałe de ła vetura co l'adosion de ła nova całandra ezagonałe ispirada a'l łenguajo stiłìstego Fluidic Sculpture za adotà dai modełi pì grandi cofà łe i30, i40, ix35. El logo de ła caza el vien spostà inte ła całandra, i modełi de ponta i introduze i retrovizori co i indegadori de diresion inglobài. A'l posterior redesenjà el paraurti e i ferałi (i ciari). Anca i interni i vien renovà co'l novo cuadro comandi che'l ingloba un computer de bordo pì grando co łuze a LED e vien zontà i comandi a'l vołnte par łe varsion dotàe de Bluetooth. Vien proponesti novi tesùi interni in cołor roso e nero e anca novi serci in łiga da 14" e coverziserci.

Protòtipi derivà da ła i10[canbia | canbia el còdaxe]

Ła Hyundai i10 i-Blue esponesta a Zinevra

Da ła i10 ze stà recavà alguni protòtipi prezentài inte i prinsipałi sałoni intarnasionałi: ła prima in órdene cronołòzego ła ze stada ła Hyundai i10 i-Blue reałizada par el Sałon de Zinevra edision 2009[11] che'l ga antisipà ła futura gama ecołòzega BlueDrive[12] caratarizada da motori picenini e parchi inte i consumi co emision incuinanti łimitàe: infati 'sta speciałe i10 ła venjea caratarizada da un motor tre siłindri de sołi 800 cm³ dotà de turboconpresor, funsionante sia a benzina che a metano, capase de erogar 98 cavałi (72 kW) e de eméter 65 grami de anidride carbònega a'l chiłometro inte'l siclo misto. Estetegametne el se difarensiava par l'aerodinòmega acurada co całandra serada e vernizada de blé (l'isteso cołor de ła carosarìa) co aerografie de cołor verde in stiłe nìo d'ave. Drìo ła caza el motor 800 trisiłìndrego el achipajarà serti modełi futuri[13].


Inte'l 2012 ła i10 co'l motor 1.2 a cuatro siłindri (a cauza de łe scarse rechieste) no ła vien inportada pì in Itałia, mentre da l'inisio de'l 2013, el 1.0 a benzina, senpre in Itałia, no'l zera stà pì inportà, sostituìo da'l 1.1 (ùnego motor in łistin fin a'l 2013, fin a ła fine de ła produsion) proposto anca co ałimentasion bifuel a GPL[14] (in un primo momento denominata BlueDrive, dal maggio 2013 ribattezzata Econext).

Modeło Disponibiłità Motor Siłindrada
cm³ 		Potensa Copia màsema Emision CO2
(g/Km) 		0–100 km/h
(segondi) 		Vełosità max
(Km/h) 		Consumo medio
(Km/l)
1.0 12V Bluedrive manuałe da'l 2011 a'l 2013 4 siłindri in łinea, Benzina 998 50 kW (69 CV) 95 N·m @6.200 ziri/min 99 14,8 149 23,8
1.1 12V Epsilon manuałe da'l debuto a'l 2011 4 siłindri in łinea, Benzina 1.086 48 kW (66 CV) 99 N·m @2.800 ziri/min 119 15,6 151 20
1.1 12V Epsilon manuałe da'l 2011 4 siłindri in łinea, Benzina 1.086 50,8 kW (69 CV) 99 N·m @4.500 ziri/min 110 15,6 151 21,27
1.1 12V Epsilon BlueDrive manuałe da'l 2008 a'l 2011 4 siłindri in łinea, Benzina-GPL 1.086 48 kW (66 CV) 99 N·m @2.800 ziri/min 115 15,6 148 13,9
1.1 12V Epsilon BlueDrive (da'l majo 2013 Econext) manuałe da'l 2011 4 siłindri in łinea, Benzina-GPL 1.086 50,5 kW (69 CV) 97 N·m @4500 giri/min 109 15,6 148 14,49
1.1 12V Epsilon automàtega da'l debuto 4 siłindri in łinea, Benzina 1.086 48 kW (66 CV) 99 N·m @2.800 giri/min 139 18,5 142 17,0
1.2 16V Kappa manuałe da'l 2008 a'l 2011 4 siłindri in łinea, Benzina 1.248 57 kW (78 CV) 117 N·m @4.000 ziri/min 119 (124 Dynamic) 12,8 164 20,0 (19,2 Dynamic)
1.2 16V Kappa-2 manuałe da'l 2011 a'l 2012 4 siłindri in łinea, Benzina 1.248 62 kW (85 CV) 121 N·m @4.000 ziri/min 114 (129 Premium) 12,2 169 20,0 (19,2 Premium)
1.2 16V Kappa BlueDrive manuałe da'l 2009 a'l 2012 4 siłindri in łinea, Benzina-GPL 1.248 57 kW (78 CV) 117 N·m @4.000 ziri/min 118 12,8 162 13,7
1.1 CRDI 12V VGT manuałe da'l debuto a'l 2011 3 cilindri in linea, Diesel 1.120 55 kW (75 CV) 153 N·m @1.900 ziri/min 114 15,8 163 23,3

i10 IA (da'l 2013-2019)[canbia | canbia el còdaxe]

A'l sałon de l'automobiłe de Francoforte de'l 2013 A ze stà prezentada ła nova zenarasion, ła cui produsion europèa ła ze scumisiada poco dopo a İzmit in Turchia. Ła comersałizasion ła ga avùo inisio inte'l 2014.

Respeto a ła prima varsion i ingonbri de łonghesa e łarghesa i ze łezermente cresùi mentre A ze łezermente diminuìa l'altesa.

Łe motorizasion, sia benzina sia diesel, łe resta łe istese de ła serie presedente come siłindrata, senplisemente azornàe.

Inte'l 2014 A ghe ne vien reałizada ła varsion Sport par el soło marcà todesco in 300 ezenplari. Tałe modeło el zera costituìo da un novo body kit aerodinàmego sportivo, serci in łiga da 17", aseto rezbasà e decalcomanie dedicàe.[15]

Soto el ponto de vista de ła seguresa automobiłìstega anca ła segonda serie ła ze stada sotoposta a łe prove d'inpato de l'Euro NCAP, otenjendo el rezultado de 4 stełe come par ła prima zenarasion[16].

i10 AC3 (dal 2019)[canbia | canbia el còdaxe]

Ła Hyundai ła ga prezentà ła tersa zenarasion de ła i10 a'l sałon de Francoforte inte l'autun 2019, co łe vendite che łe ze inisiàe da desenbre 2019. I primi modełi i ze stà consenjài a febraro 2020.

Respeto a'l modeło presedente, łe dimension łe ze aumentàe e ła ze disponibiłe soło co carosarìa a sincue porte. Ła tersa zenarasion de ła i10 ła ze disponibiłe in sincue varianti: Pure, Select, Trend, Style e N Line. 'St'ùltemo el ze disponibiłe soło co ła motorizasion pì potente.

A ła fine de'l 2020, ła i10 ła ze stada testada da l'Euro NCAP, resevendo soło tre stełe so sincue[17].

Inte'l 2023 A ze stà prezentà un restyling estetico par ła parte frontałe co novi ciari, mentre a bordo vien montà display LCD da 4,2 połisi de serie inte'l cuadro strumenti[18].

Notasion[canbia | canbia el còdaxe]

  1. ↑ 1,0 1,1 1,2 Prova su strada di MotorBox
  2. ↑ Prime immagini ufficiali della i10 Archivià il 20 de zunjo 2018 in Internet Archive.
  3. ↑ (EN) Comunicato ufficiale di Hyundai Motor India Limited
  4. ↑ Presentazione europea della i10 Archivià il 20 de zunjo 2018 in Internet Archive.
  5. ↑ La Hyundai i10 regina degli incentivi inglesi Archivià il 1º de otobre 2020 in Internet Archive.
  6. ↑ (EN) VCA Auto Industry Awards 2009: elenco dei vincitori Archivià l'8 settembre 2009 Data inte l'URL no conbazante: 8 de setenbre 2009 in Internet Archive.
  7. ↑ Hyundai i10: nuovo motore 1.2 Kappa e dati di vendita
  8. ↑ (EN) Hyundai i10 eletta Best City Car 2010 Archivià il 16 agosto 2010 Data inte l'URL no conbazante: 16 de agosto 2010 in Internet Archive.
  9. ↑ Eror: <ref> nisun testo par el marcador euroncap
  10. ↑ Analisi del test EuroNCAP
  11. ↑ (EN) Hyundai presenta la i10 i-Blue concept car
  12. ↑ Futura gamma BlueDriveautoambiente.com. entrada il 31 dicembre 2008 (archivià dal URL orizenałe il 21 novembre 2008).
  13. ↑ In arrivo il motore 800 tre cilindri Turbo
  14. ↑ Aggiornamento gamma i10 Archivià il 27 settembre 2013 Data inte l'URL no conbazante: 27 de setenbre 2013 in Internet Archive.
  15. ↑ Hyundai i10 Sportmotorbox.com. entrada il 6 luglio 2014.
  16. ↑ Eror: <ref> nisun testo par el marcador euroncap2014
  17. ↑ Eror: <ref> nisun testo par el marcador euroncap2020
  18. ↑ Arriva il restyling per Hyundai i10 e i10 N Linequotidianomotori.com.

Altri projeti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Hyundai_i10&oldid=1109718"