Fondamente Nove

Da Wikipedia, l'ençiclopedia libara.


Infobox de Infrastrutura Fondamente Nove
Someja
Dati
SorteBanchina (it) Traduzi e lungofiume (it) Traduzi Cànbia el vałor in Wikidata
Pozision
Rejon aministrativa Municipalità di Venezia-Murano-Burano (Itàlia) (it) Traduzi Cànbia el vałor in Wikidata
PozisionCanarejo Cànbia el vałor in Wikidata
Bagnà daŁaguna de Venesia Cànbia el vałor in Wikidata

Map

45°26′33.51″N 12°20′28.6″E / 45.442642°N 12.341278°E45.442642; 12.341278Coordinae: 45°26′33.51″N 12°20′28.6″E / 45.442642°N 12.341278°E45.442642; 12.341278



















































Łe Fondamente Nove o Fondamenta Nove, situàe a cavało dei sestièri de Canaregio, ła ze na stra łonga serie de fondamente che ła costituise el łimite setentrional de ła sità de Venesia.

Łonghe a l'insìrca un chiłometro, łe Fondamente Nove łe zera stàe reałizàe inte'l Sincuesento drìo l'inbonimento de ła fàsa łagunàr conpreza intrà ła fin de ła Saca de ła Misericordia e ła zona de Santa Giustina. A ze de'l 1589 un decreto de'l Senato che'l stabiłise che łe venjise reałizàe in pièra. Inte ła famoza pianta sitadina reałizàda da Jacopo de' Barbari inte'l 1500 A ze posibiłe véder infati come che'l confin infrà ła sità e ła łaguna el fuse pì aretrà de sirca un sentinèr de metri respeto a ła situasion atuałe. Ze stà pròpio so sta fàsa ritràda e interàda che ze stàe costruìe na serie de abitasion, fate po' fenìr su ła łónga serie de fondamente che łe costegia ła łaguna verso nord. Prima de ałora, come che rezulta senpre da ła pianta de'l De 'Barbari, ła zona ła zera de tipo rezidensial, caraterizada da na manizada de carbone co zardini che i scałinàva in łaguna.

El 20 desenbre 1766 na fortisima bufera ła ga devastà ła parte setetrionałe de ła sità e ze stà nesesario prategamente recostruir tute łe fondamente che da chel momento łe ga ciapà atual de Fondamente Nove.

Łe Fondamente Nove łe se afàsa diretamente verso ła parte nord de ła Łaguna de Venesia, ezatamente davanti a l'Izoła de San Michièl, atual simitèrio monumenal sitadin, e a l'izoła de Muran. Fin a metà dei ani sesanta in ocazion de ła recorensa de'l 2 novenbre venjiva costruìo un pónte provizòrio de barche intrà el Simitèrio de San Micèl e łe Fondamente Nove, so'l tipo de cueło che tutòra el vien istałà infrà ła Fondamenta de łe Zatàre e l'ìzoła de ła Zueca in ocazion de ła Festa del Redentor.

Inte łe zornàde pì łànpide, da 'sta spasizada A ze posibiłe amiràr so'l sfóndro de ła łaguna anca el panorama de l'intièro arco dołomìtego de'l Cador. Gera pròprio par podér amiràr łe so montanje nadałe che in sta zona ga stabiłìo ła só rezidensa el pitór Tiziano Vecellio, da'l 1531 fin a ła morte inte'l 1576. Ła caza del pentór no ła ze rivàda ai nostri dì, al só posto ghe ze na tavèła che ghe ne recorda ła so ubicasión e cuindi ła só ezistensa.

Atualmente łe Fondamente Nove łe costituìse anca el terminal de armizo de łe łinee de vaporeti che łe cołega ła sità de Venesia a łe izołe de ła parte setetrionałe de ła Łaguna.

Bibliografia[canbia | canbia el còdaxe]

  • Giuseppe Tassini. Curiosità veneziane. Venezia, Filippi Editore, 1988.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Fondamente_Nove&oldid=1148597"