Fioreta

Da Wikipedia, l'ençiclopedia libara.
Jump to navigation Jump to search
Fioreta
Sorte de piatoformajo
Rejon d'orixeneVeneto
Xona de produsionVal d'Agno in Provincia de Vicensa


Ła fioreta ła xe na puìna liquida ke vien su par afioramento dal scoro ke resta dopo aver fato el formajo e se ga xontà sałe amaro (solfato de magnesio) o cajo vecio. Ła xe tipica de Recoaro e deła Val d'Agno in provinça de Vicensa.

I gnochi coła fioreta[canbia | canbia el còdaxe]

Par 6 persone ghe vol:

  • 1 litro e mexo de fioreta
  • 1 kiło de farina bianca
  • trexento grami de buro de malga
  • trexento grami de formajo stagionà de malga
  • sałe

Mis-ciare in na tarina ła fioreta e ła farina con un cuciaro de legno finkè non vien un paston fiso. Da sto paston se cava con un cuciaro dei gnochi ke se buta suł'aqua de bojo sałà. Quando ke i vien su, i se lasa cuxinar par altri 3-4 minuti. Intanto ocore desfare el buro in na padeła finkè no'l diventa maron. Se tira su i gnochi ke vien mesi sul piato e se versa sora el formajo gratà, el buro desfà. Se pol xontarghe anca dełe fojete de salvia.

Vin ke va ben coi gnochi coła fioreta[canbia | canbia el còdaxe]

Co sto magnar va ben vin bianchi come l''Agno Bianco, el Pinot Bianco de Breganze, el Bianco de Custoza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Fioreta&oldid=867743"