Dogado

Da Wikipedia, l'ençiclopedia libara.

Crystal Clear action 1leftarrow.pngVoxe prinsipałe: Republica Veneta.

El Dogado (it. Ducato, lat. Ducatus) el xe un termine de la lengua veneta chel vegnéa doparà sia par indicar el goerno del Doxe, sia el periodo de la so permanensa in càrica, sia el teritorio metropolitan de la Republica Veneta.

Con sto ultimo signifegà, quindi, el Dogado el rapresenta la sità de Venexia e la sotile banda costiera che va da Loreo a Grado che la costituéa propriamente el Dogado de Venexia o Ducatus Venetus. I confini del dogado i se ga dopo slargà fin a èssar delimità da Goro a sud, dal Polesine e el Padoan a ovest, el Trevisan e el Friul a nord e la foce de l'Isonzo a est. Venexia la jera oviamente parte del Dogado.
Le parti restanti del teritorio de la Republica le se ciamava Stato da Mar e Stato da Tera (o Domini de Teraferma).

Fora de Venexia, capital e in pràtega sità-stato, l'aministrazion la jera sudivisa in nóve distreti a partir da nord: Grado, Caorle, Torseo, Muran, Malamoco, Ciosa, Loreo, Cavarzere e Gambarare. In sostituzion dei pi antichi Tribuni eletti dal popolo e Gastaldi Ducali invià dal Doxe, durante la Republica ciascun distreto l'era retto da un patrizio col titolo de podestà , a ecezion de Grado, che l'era retta da un conte.
Inte el dogado se nominava i seguenti regimenti:

Bibliografia[canbia | canbia el còdaxe]

  • Da Mosto, Andrea: L'Archivio di Stato di Venezia, Biblioteca d'Arte editrice, Roma, 1937.
  • Mutinelli, Fabio: Lessico Veneto, tipografia Giambattista Andreola, Venezia, 1852.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dogado&oldid=1031418"