Canal de Canarégio

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian
Veduta del canàl verso nord-ovest dal ponte dei Tre Archi

El canàl de Canaregio xe una de łe vie d'aqua più inportanti de Venesia. Cołega el Canal Grando co' ł'area nord-osidentàl de Canaregio, infra łe fondamenta de San Giobbe e ła fondamenta de Saca San Momoło.

Par le dimension superiori a quełe dei normałi rii interni al çentro storico, el canàl parmete l'atraversamento, oltra che ałe picołe inbarcasion, anca ai batełi de ł'ACTV.


Architeture[canbia | canbia el còdexe]

L'inboco del Canal Grando; a sànca Pałaso Labia e ła statua del Morlaiter

Inportanti xe i do pónti che atraversa el canàl infra i più carateristeghi e grandi de ła sità: el ponte de łe Gułie, risałente al XVI secoło, xe ł'unico nobiłià da pinacołi, e 'l ponte dei Tre Archi, unico exenpio ancora existente in Venesia de pónte a più arcàde.

'Na statua raprexentante San Giovanni Nepomuceno, òpara del Morlaiter, xe prexénte su ła riva ovest del canàl de Canaregio a ł'inboco del Canal Grando.

Łe do fondamenta che se slonga ai lai del canàl mostra un mucio de fasàde de vałór architetonego: su tute, Pałaso Labia, logà a ł'intersión co'l Canal Grando; ma degni de nòda xe anca Pałaso Priuli Venier Manfrin, Pałaso Sovergnan, Pałaso Bonfadini Vivante, Pałaso Testa, Pałaso Surian Bellotto.

Oltra ai pałasi, va citàe anca łe céxe che se łeva lóngo el canàl: Santa Maria dei Penitenti e 'l so conpleso conventuàl, San Giobe (che al canàl revòlxe el lai de sànca) e San Geremia (co' una de łe so do fasàe).

Bibliografia[canbia | canbia el còdexe]

  • Venezia, Touring Club Italiano, 1970, p. 464.

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Canal de Canarégio

  • Voxe łigàe[canbia | canbia el còdexe]

    Siti che se pol vardàr[canbia | canbia el còdexe]