Cafè Quadri

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian doparando ła grafìa dita GVU
El Cafè Quadri visto da ła piasa

El Gran Cafè Quadri o Cafè Quadri el xe un local pùblico istòrego de ła sità de Venesia. El se cata in Piasa San Marco, soto i pòrteghi de łe Procuratie Vece.

Istoria[canbia | canbia el còdexe]

Se trata de un de i più antighi locałi pùblisi 'tałiani. Ła so atività ła xe inisià infati inte'l 1775[1] quando che'l mercante venesian Giorgio Quadri, rientrà in patria dopo na longa permanensa a Corfù, a l'època teritorio de ła Republica de Venesia, el ga decixo insieme co so mugèr Naxina (che ła gera grega) de vèrxer un local indove pareciar e vénder el cafè soto forma de aqua negra che bóge. Sta consuetùdine ła xe sta introdota in sità inte'l 1683 quando che un fià de marcanti turchi i ga verto na botega pa' ła degustasion del cafè in piasa San Marco, soto i pòrteghi de łe Procuratie Nove. Ła nóva ła ga incontrà sùbito el favor del pùblico, al ponto che inte'l 1775 inte ła ùgnoła Piasa San Marco ghe gera diritùra 24 boteghe del cafè su un total sitadin de più de 200[1].

Giorgio Quadri el ga verto el so local soto le Procuratie Vece, riłevando na vecia rivendita de vin e cafè xà rinomà in çità e ła so botega del cafè ła xe devegnùa in presa un de i lghi de ritrovo preferìi de l'aristocrasia venesiana.

El local el ga subìo na prima inportante restruturasion inte'l 1830[1], soto ła gestion de i fradełi Vivarini, che i ga anplià sia i spasi che łe atività, cronpando el piano sora che'l xe diventà un ristorante. El piano tera el xe sta decorà có stuchi in tinte pasteło, có prevałénsa de cołóri verdo e xało, e conpletà có vedue e sene de vita venesiana, òpara del pitor Giuseppe Ponga, so'l stiłe de Piero Longhi.

Clienti famóxi[canbia | canbia el còdexe]

Durante el so sogiorno a Venesia, fra i clienti regołari del cafè Quadri ghe xe stai[1] Stendhal, George Byron, Alexandre Dumas padre, Richard Wagner, Marcel Proust e, 'ntei xórni de ancuo, Michail Gorbačëv, François Mitterrand e Woody Allen.

Gałeria de imàxene[canbia | canbia el còdexe]

Note[canbia | canbia el còdexe]

  1. 1,0 1,1 1,2 1,3 'Storia del local dal sito ufisial

Link foresti[canbia | canbia el còdexe]