Basin Orseoło
_Bacino_Orseolo_seen_from_the_%27Hard_Rock_Cafe%27.jpg)  | ||||
| Sorte | Canałe | |||
|---|---|---|---|---|
| Liogo | ||||
| Rejon aministrativa | Venèsia (Itàlia) | |||
| ||||
|
| ||||
El Baçin Orseoło el ze un zlargo d'acua situà a Venesia inte'l sestièr de San Marco, a łe spałe de l'omònema piasa.
'Sta picoła saca łagunar a forma de mezałuna ła se cata dadrìo a ła fabrica retangołar de łe Procuratie Vecie, ła ze stada verta inte'l 1863 durante na serie de restruturasion urbanìsteghe, che łe intaresava ła sità, co'l presizo fin de crear un armìzo par łe góndołe darénte el cuor de'l sentro çitadìn. Par poder razónzer 'sto fin, A se gà dovesto proséder a ła zventràda de ła zona e a ła demołision de tante costrusion preezistenti. Se gà sfantà inazonta racuanti edifisi de poco prezo, anca el stòrego albergo Cavalletto, recostruìo conforme ła só pozision e forme adate a'l novo aseto, e el pałaso drento el cuało gera spirà el scultor Antonio Canova. L'aministrasion comunal ła ło ga vosùo intitołárgheło a'l doze Pietro Orseolo che'l gaveva fondà un ospìsio in Piasa San Marco, cui trasferìo inte'l 1581 e pì tardi sopreso.
ła vertura de'l Basin Orseoło ła rentrava inte un pì zeneràl riaseto de ła sità łagunar, che inte l'Otosento, anca se in mezure netamente infariori respeto ad altre sità, ła ze stada adatada a łe nove ezigense sosiałi de cołegamento e servisi come, in 'sto cazo, ła nova stasion de Venesia Santa Łusia segondo el prinsìpio urbanìstego de l'època che'l utiłizava preferibilmente vie de sircołasion anpie. El Basin el gera donca el ponto concluzivo de un novo parcorso pedonal direto, che'l se spenzeva da Canpo San Luca ed a ła Strada Nova sostituìndose ai pì stòrti parcorsi preezistenti łongo ła Fresarìa o ła Całe dei Fabbri.
El Basin, par só pòsta indilatamente tacà a Piasa San Marco, el raprezenta anca ancùo uno dei łoghi pì carataristeghe de ła sità ed uno dei pì utiłizà inbarcaderi par le gite turìsteghe in góndoła.
Altri projeti
[canbia | canbia el còdaxe]
Wikimedia Commons el detien imàjini o altri file so Basin Orseoło
el detien schemi gràfeghi so
